Аспелеолог Демидов дахьҭахаз аҳаԥы адунеи аҿы реиҳа иҵаулоу акәхар ҟалоит

20
(ирҿыцуп 13:36 04.09.2020)
Урыстәылатәи аспелеолог, акоманда "Перово-Спелео" алахәыла Павел Демидов нанҳәа 23 рзы Арбаика ашьха иамоу аҳаԥқәа руак аҟны дҭахеит.

АҞӘА, цәыббра 4 – Sputnik. Аспелеологцәа иацырҵоит Урыстәылатәи аспелеолог, акоманда "Перово-Спелео" алахәыла Павел Демидов дахьҭахаз аҳаԥы Интеграл аҭҵаара ҳәа арадио Sputnik Аԥсны иазеиҭеиҳәеит аспелеолог Евгени Снетков.

Аҳаԥы аҭҵаара иацҵахоит ҽааны, аԥхынраз иҳәеит иара.

"Аԥснытәи аҳаԥқәа рҿы аусурақәа мҩаԥыргоит аспелеологтә клубқәа. Ҳара ҳалшарақәа реидҵара ҳагәҭакуп", - иҳәеит Снетков.

Иара иазгәеиҭеит аусурақәа ишрылахәу аԥсуа спелеологцәагьы.

"Апандемиа инадҳәаланы аҳәаақәа аркын. Ааигәа иаадыртит. Убри азоуп х-гәыԥк мацара Арбаикаҟа изхалаз. Агәыԥқәа ҩба Москватәқәоуп, акы – Сибратәуп. Москватәи агәыԥқәа руак ҳҩыза иҭахара иадҳәаланы аусурақәа заанаҵы ихнаркәшеит, егьи аплан инақәыршәаны аусура мҩаԥнагон", - ҳәа иҳәеит иара.

Уажәы Арбаика аусурақәа мҩаԥыргоит Иркутсктәи аспелеологцәа ҳәа иҳәеит Евгени Снетков.

"Ҭагалан азы арахь иаауеит Красноиарсктәи аспелеологцәа", - ҳәа азгәеиҭеит иара.

Снетков иҳәеит аспелеологцәа Арбаика аҳаԥқәа шҭырҵаауа еиуеиԥшым араионқәа рҿы.

"Аусура раионла еихаҳшеит. Дара зегьы Вериовкин иҳаԥы иазааигәоуп. Аҳаԥы Интеграл (аспелеолог Павел Демидов дахьҭахаз – аред.) ари аҭыԥ иацәыхарам. Аҭаларҭа 100 метрак реиҳа иҳаракуп. Аҵаулара 2 километрак иреиҵамзароуп", - ҳәа иҳәеит Евгени Снетков.

Иара игәаанагарала аҳаԥы Интеграл адунеи зегьы аҿы реиҳа иҵаулоу ҳаԥызар алшоит. Иахьазы реиҳа иҵаулоу ҳаԥны ишьоуп Вериовкин иҳаԥы – аҵаулара 2 212 метра.

Жьҭаарамзазы аспелеологцәа аҳаԥы Сарма ҭырҵаараны иҟоуп, иаргьы Арбаика иаҵанакуеит.

"Уигьы аҵаулара 2 километрак еиҵамзароуп. Аҳаԥы заҟа иҵаулоу аҟара аҭҵаарагьы уадаҩуп, аамҭа рацәа агоит", - иҳәеит иара.

Аспелеологцәа ишазыԥхьагәарҭо ала, Арбаика иамоу аҳаԥқәа рҟынтәи иаадыртхьоу 2-3% роуп.

"Шәышықәсала аусутә змоу ҭыԥуп. Арбаика аиԥш иҭҵаамкәа иҟоуп Бзыԥтәи ашьхеибаркырагьы", - иҳәоит Евгени Снетков.

Снетков иҳәеит Павел Демидов иԥсыбаҩ Москваҟа цәыббра 3 рзы ирышьҭит ҳәа.

Нанҳәа 23 рзы Демидов уи аҳаԥахьы ддәықәлеит иколлега Андреи Шумеико дицны. 305 метра аҵаулараҿы дшыҟаз ахаҳә гәалқәа иқәҳаит. Демидов урҭ рыҵыҵра илымшеит, Шумеико иакәзар иԥсы еиқәхеит.

Нанҳәа 26 рзы Демидов иԥсыбаҩ аҳаԥы иҭыгара аоперациа иалагеит. Уи аоперациа иаразнак рҽаладырхәит Аԥсны АҶА аиқәырхаҩцәа, аоперациа хылаԥшра аиҭоит аминистр Лев Кәыҵниа.

Нанҳәа 29 рзы Павел Демидов иԥсыбаҩ ахаҳәқәа ирыҵырхит, сакасала аҳаԥы аҭыгаразы азыҟаҵарақәа ирылагеит.

Аҳаԥы ҵыԥх, 2019 шықәсазы 200 метра рҟынӡа аҵаулараҟынӡа илбааны иаадыртит. Аспелеологцәа ргәаанагарақәа рыла, абри аҳаԥы Аԥсны мацара акәымкәа, адунеи аҿы зегь реиҳа иҵаулоу акәхар ауеит.

Цәыббра 1 азы Аԥсны АҶА аусзуҩцәеи аспелеологцәеи Павел Демидов иԥсыбаҩ аҳаԥы иҭыргеит. Цәыббра 2 рзы Гагра ақалақьтә морг ахь инаргеит.

20

Иҳаҩсыз уахыки-ҽнаки рыла 112-ҩык COVID-19 рыхьит, аӡәы лыԥсҭазаара далҵит Аԥсны

10
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27265-ҩык рҟынӡа инаӡеит, ргәы бзиахеит 22318-ҩык ауааԥсыра, рыԥсҭазаара иалҵит 411-ҩык.

АҞӘА, цәыббра 24 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 536-ҩык Аԥсны ауааԥсыра, урҭ рахьтә 112-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз 1960 шықәсазы ииз аԥҳәыс лыԥсҭазаара далҵит. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 45-ҩык, рҭагылазаашьа бааԥсуп фҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 66-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

10
Атемақәа:
Аҿкычымазара – акоронавирус Аԥсни адунеи аҿи: иалкаау

Раионк аԥсҭазаараҟынтә: Царгәыш аӡиа Риҵа амашьынаргыларҭа аҟны русушьа атәы

9
(ирҿыцуп 20:36 24.09.2021)
Аӡиа Риҵа аҵакыраҿы амашьынаргыларҭа аҟны аус зуа Сасрыҟәа Царгәыш арадио Sputnik аефир аҟны еиҭаиҳәеит аҭыԥан аусура шеиҿкаауи, ирызцәырҵуа ауадаҩрақәеи ртәы.

Раионк аԥсҭазаараҟынтә: Царгәыш аӡиа Риҵа амашьынаргыларҭаҟны русушьа атәы
"…амашьынақәа ҳархылаԥшуеит, амбжьахрақәа ыҟам, уи аганхьала ҳҭынчуп. Азинхьчаратә маҵзура аусзуҩцәа ҳадгылоуп, ҳаицхыраауеит. Амашьына аргыларҭақәа х-ҭыԥкны иҟоуп, 150-200 машьына рҟынӡа хыхьтәи аҿы иакуеит.

Аус ишахәҭоу иууозароуп, иамуазар аҩны утәароуп. Иҟоуп еиҵахарақәак аныҟало амашьынақәа анырацәоу, аха аԥҟара еиҳарк иназмыгӡо аҭыԥан инхо ҳауп. Сааҭк амашьына аргылара 20 мааҭ иаԥсоуп, иҟоуп амш зегьы иргыланы ицо, урҭ 100 мааҭк ршәоит, - иҳәеит Царгәыш.

Аицәажәара шәазыӡырҩыр шәылшоит аудиофаил аҟны.

9