Аслан Бжьаниа Аахыҵ Уаԥстәыла ажәлар рахь ааԥхьара ҟаиҵеит

22
(ирҿыцуп 15:35 04.09.2020)
Аахыҵ Уаԥстәыла, иҭакыз Инал Џьабиев иԥсра ашьҭахь амитингқәа рымҩаԥгара иалагеит. Рмаҵзурақәа ирымхуп Аҩнуҵҟатәи аусқәа рминистр, Апрокурор хада, атәыла аиҳабыра ԥхьатәара ицеит.

АҞӘА, цәыббра 4 - Sputnik. Аԥсны ахада Аслан Бжьаниа Аахыҵ Уаԥстәыла ажәлар рахь ааԥхьара ҟаиҵеит ареспубликаҿы иҟоу ауаажәларра-политикатә ҭагылазаашьа ахьеибарххоу инамаданы. Абри атәы аанацҳауеит ахада исаит.

Аԥсны ахада ауаԥс жәлар рахь ааԥхьара ҟаиҵеит атәыла аполитикатә мчқәа зегьы адиалог, апроблема ҭынчрала аӡбара ирыздырхарц Аахыҵ Уаԥстәыла уаҵәтәи аԥеиԥш лаша аиуразы.

"Аҵыхәтәантәи аамҭазы Аахыҵ Уаԥстәыла ауаажәларра-политикатә ҭагылазаашьа ахьыуадаҩхаз азы Аԥсны уа имҩаԥысуа ахҭысқәа гәҭынчымрала ирышьклаԥшуеит. Ҳара азин ҳамам аиааиреи ахьыԥшымреи рзы азеиԥш қәԥара еиднакыло ҳаиашьаратә жәлар рыҩнаҭаҿы имҩаԥысуа ахҭысқәа ҳамбазшәа раҩсра", - ҳәа аҳәоит адырраҭараҿы.

Аслан Бжьаниа агәыӷра ааирԥшит аҭоурыхтә ҟәышра ду змоу ауаԥс жәлар аибачҳара, аҳаҭыреиқәҵара аарԥшны, азинтә механизмқәа рымацара ахархәара рыҭаны иҟоу аҭагылазаашьа иалҵып ҳәа.

Ахәаша, нанҳәа 28 рзы еилкаахеит атәыла Аҩнуҵҟатәи аусқәа рминистрра иатәу аамҭалатәи аҭақырҭаҿы иԥсҭазаара дшалҵыз иҭакыз Инал Џьабиев, иара дҭакын аҩнуҵҟатәи аусқәа рминистр Игор Наниев ишьра аҽазышәаразы ҳәа гәҩарас дрыман. Апрокуратура ашьаус хацнаркит "Амаҵуратә зинмчра ахыԥара" ахәҭаҷ аҟазшьақәа рыла.

Иара уи аҽны, нанҳәа 28 рзы Аахыҵ Уаԥстәыла аҳҭнықалақь Цхьинвал амитингқәа мҩаԥысит. Еизаз ауаа Инал Џьабиев иԥсра аҭҵаара дҵас иқәдыргылон. Атәыла аԥыза-министр Ерик Пухаев амитингқәа ирхырҟьаны имаҵура аанижьит. Ԥхьатәара ицеит атәыла аиҳабыра реилазаара.

Аахыҵ Уаԥстәыла Апарламент изаамҭанытәим асессиа мҩаԥнагеит. Асессиаҿ адепутатцәаАпрокурор хада Урузмаг Џьагаев имаҵура нижьырц рыбжьы рҭиит. Ашәахьаҽны апрокуратура Џьабиев иԥсра зыхьӡ адҳәалаз рыӡбахә рҳәеит, Аҩнуҵҟатәи аусқәа рминистрра аусзуҩцәа быжьҩык ҭаркит. Аҩашаҽны Аахыҵ Уаԥстәыла жәибжьҩык адепутатцәа рнапынҵақәа ааныркылеит атәыла ахада Џьагаев ԥхьатәара дишьҭаанӡа.

22

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

11
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

11

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

7
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

7