The Lancet аҟны икьыԥхьуп Covid-19 хызҽуа урыстәылатәи алаҵа аҭҵаара алҵшәақәа

18
(ирҿыцуп 11:51 05.09.2020)
Еицырдыруа амедицинатә журнал The Lancet аҟны икьыԥхьуп Covid-19 хызҽуа урыстәылатәи алаҵа Sputnik V аҭҵаара алҵшәақәа.

Ажурнал The Lancet иакьыԥхьуеит урыстәылатәи алаҵа аҭҵаарақәа раԥхьатәи аетапқәа ҩба рылҵшәақәа. Алаҵа аус адызулаз Гамалеиа ихьӡ зху ацентр аҵарауаа Александр Гинцбурги Денис Логунови, иара убасгьы аинвестициақәа рзы Урыстәылатәи афонд адиректор хада Кирилл Дмитриеви Sputnik иазеиҭарҳәеит ажурнал астатиа ҵакыс иамоу атәы.

Урыстәыла алаҵа Sputnik V ашәҟәы ианҭаргала ашьҭахь аҭҵаарадырратә журнал The Lancet иакьыԥхьит урыстәылатәи алаҵа аҭҵаарақәа раԥхьатәи аетапқәа ҩба рылҵшәақәа. Икьыԥхьу аматериал аҳәаанырцәтәи аекспертцәа ркритика ҿаԥнаҽуеит, акоронавирустә инфекциа аҽацәыхьчаразы раԥхьаӡа акәны адунеи аҿы аус зыдуло алаҵа ачымазара иахьаҿагыло адагьы ишәарҭадоуп ҳәа азгәанаҭоит.

Акьыԥхьымҭақәа рсериа

The Lancet афазақәа 1, 2 рылҵшәақәа акьыԥхьуеит. Гамалеиа ихьӡ зху НИЦЕМ аҵарауаа уи раԥхьатәи шьаҿаны иазырыԥхьаӡоит Спутник V иазкны иҟалаша акьыԥхьымҭақәа рыбжьара.

"Цәыббрамзазы акьыԥхьразы иазырхиахоит алаҵа аԥстәқәа рҟны ахымҩаԥгашьа аҭҵаара. Алаҵа 100% хра аманы ахы аанарԥшит. 40 нызқьҩык злахәыз аҭҵаарақәа раԥхьатәи рылҵшәақәа жьҭаара-абҵара амзақәа рзы икьыԥхьхоит", - рҳәеит Гамалеиа Ицентр аҿы.

Ишәарҭадоу алаҵа

Гамалеиа ихьӡ зху НИЦЕМ аҟазауаа ирылкаа хаданы иҟоу ируакуп алаҵа Спутник V ашәарҭадара. Афазақәа 1 - 2 раантәи аклиникатә ҭҵаарақәа иаадмырԥшит изакәызаалак иахәҭам ҟазшьак. Ари аҩыза аҭагылазаашьа иалаҽхәартә иҟам жәпакы алаҵақәа. Урҭ реиҳарак ицәырырго ахҟьа-ԥҟьақәа 25% ишәарҭоуп.

Акраамҭатәи аиммунитет

The Lancet акьыԥхьымҭаҿы иара убасгьы иӡыргоуп алаҵа Спутник V хра шамоу зырҵабыргуа адыррақәа. Иаҳҳәап, акраамҭатәи, 100% аиммунитет шцәырнаго азы аршаҳаҭгақәа ыҟоуп. Денис Логунов, Гамалеиа ихьӡ зху Ацентр адиректор ихаҭыԥуаҩ, ишьақәирӷәӷәоит алаҵа ззыҟаҵоу рҟынтәи 100% агуморалтәии ахацтәии иммуннатә ҭак шцәырнагаз. Уи ауаҩԥсы аҽазнык COVID-19 аиура дацәнахьчоит.

"Алаҵа ззыҟарҵаз рцәеижьҿагылақәа рыҩаӡара 1,4-1,5 рыла еиҳан ачымазара зхызгаз раасҭа. Аиҿырԥшразы британиатәи афармацевттә компаниа AstraZeneca алаҵаҿы алаҵа зызуыз рцәеижьҿагылеи ачымазара зхызгаз рцәеижьҿагылеи еиҟаран", - азгәарҭоит урыстәылатәи аҟазауаа.

Гамалеиа ихьӡ зху НИЦЕМ аҟны ишьақәдырӷәӷәоит хатәгәаԥхарала алаҵа Sputnik V ҟазҵаз зегьы Т-хыцтә иммунитет шроуз, CD4 + хыцқәа реиԥш CD8 + хыцқәа рылагьы. Арҭ ахыцқәа ирылшоит акоронавирустә хыцқәа рықәгара.

Алаҵа аус ауеит 100%

Аҭҵаарадырратә еилазаара зыцәшәоны иҟаз ауаҩԥсы иаденовирустә вектор алаҵа шьаҭас амазаара акәын.

Аҽа ажәала иуҳәозар, ауаҩԥсы ииммунитет иахәҭаны иҟоу ауаҩы иаденовирус аднамкылар ауеит ҳәа акәын. Ауаа лассы-лассы аденовирус роуеит (ахьҭалаларатә чымазара), риммунитет аҽышьақәнакуеит. Уи иалнаршоит аденовирустә лаҵа алшара аларҟәра. Аха Гамалеиа ихьӡ зху Ацентр акоманда иаҿаԥырҽит ари агәаанагара: ауаҩы имоу аиммунитет алаҵа алшара иаԥырхагам.

"Иалкаан ишәарҭадоу ахышәаҵышәа, ааигәа аденовирустә инфекциа змаз ауаагьы налаҵаны. Аиммунттә ҭак 100% инаӡеит", - рҳәоит Ацентр аҿы.

Мраҭашәаратәи еилахәырақәак аус здыруло алаҵақәа иаҳҳәап атехнологиа мРНК (аилахәыра Moderna алаҵа) шьаҭас измоу мамзаргьы амаамын аденовирус (аилахәыра AstraZeneca алаҵа) шьаҭас измоу , никогда не были ранее использованы для создания зареуаанӡа ахархәара рмоуцызт алаҵаҟаҵаразы. Арҭ ахархәагақәа акраамҭа аԥышәара иахыжьлатәуп ауаҩы ирепродуктивтә функциа ма акьыбачымазара еиԥырҟьар ахьалшо азы.

Ажурнал The Lancet аҟны урыстәылатәи аҵарауаа Спутник V шшәарҭадоу азы аҵаҵӷәыркырақәа ааргоит.

"1953 шықәса раахыс адунеи аҿы имҩаԥган 250 рҟынӡа клиникатә ҭҵаара, икьыԥхьын 75 усумҭа, иаагаз аҵаҵӷәала алаҵеи ахәшәқәеи шәарҭара шрылам аазырԥшуа", - иҳәоит Денис Логунов.

"Ауаҩы иаденовирустә вектор апрактикаҿы ахархәара арҭоит 15 шықәса инарзынаԥшуа. Арахь иаҵанакуеит авирус Ебола хызҽуа алаҵеи акьыбачымазара зырԥсыҽуа ахәшә "Гендицини".

Иуникалу ҩ-вектортә технологиа

Алаҵа Спутник V иуникалтә ҟазшьаны иамоу, академик Александр Гинцбург иажәақәа рыла, ҩ-аденивируск – 5, 26 асеротипқәа хаз иго ҩ-лаҵак иахьрыҵаркуоуп. Иахьазы ҩ-лаҵак рыҟаҵара аҵарауаа иазгәарҭоит коронавирус иаҿагылоу аиммунитет дырҿиоит ҳәа. Аха векторк ҩ-лаҵак рҿы ухы иауырхәар, аиммунтә система аҽыхьчаратә механизм аусура иаланаргоит, аҩбатәи алаҵаан мап ацәнакуеит. Спутник V аҿы аҩбатәи авектор ахархәара ари апроблема аӡбоит.

Алаҵа аҭҵаараан акандидатцәа рхыԥхьаӡара маҷуп ҳәа иҟарҵо акритика аҭакс ҳҵарауаа иазгәарҭоит, ари асистема еиҳа ауаа рацәа адыԥхьалан аилахәыра AstraZeneca имҩаԥнагоз аусурақәа рҿы аасҭа ҳәа. Британиатәи афармацевтикатә еилахәыра ду ԥшьынтә еиҵаны ауаа аднаԥхьалеит алаҵа аԥышәара.

"Урыстәылатәи алаҵа Sputnik V аклиникатә ҭҵаарақәа ԥшьынтә еиҳаны хатәгәаԥхарала иҟарҵеит AstraZeneca аҟны аасҭа", - иҳәоит Кирилл Дмитриев.

Изаҵәыку, ишәарҭадоу атехнологиа

Ииасыз амчыбжь азы ЕАА афатәаалыҵи ахәшәқәеи рхылаԥшразы Аусбарҭа ирыланаҳәеит иҟоу аепидемиологиатә ҭагылазаашьа инадҳәаланы алаҵа-кандидатқәа ргәаҭара ахԥатәи афаза аҟынӡа инамыгӡакәа ахархәара аҭахоит ҳәа. Асеиԥш ацәажәарақәа ыҟан Британиа ду.

"Иахьазы иахәҭаны иҟоу акритериқәа ирықәшәо иҟоу технологиа заҵәык ауп - ауаҩы иаденовирустә вектор шьаҭас измоу аплатформа. Иара иаанарԥшит ашәарҭадара хыԥхьаӡара рацәала агәаҭарақәа ирхысны", - иҳәоит Кирилл Дмитриев.

Кирилл Дмитриев иазгәеиҭоит The Lancet иҟанаҵаз ахыркәшаратә кьыԥхьра Урыстәыла иаҿагыло азҵаарақәа жәпакы ирҭакуп ҳәа.

"Уажәшьҭа Урыстәыла иалшоит адунеижәларбжьаратә еилазаара азҵаарақәа рзықәыргылара. Ааԥхьара ҟаҳҵоит аофициалтә дыррақәа кьыԥхьзарц амаамын аденовирус ма мРНК шәарҭара шрымам азы. Иеилкаазар ҳҭахуп AstraZeneca алаҵа иахәҭам анырра ҟанаҵар аҭакԥхықәра аҵагылара мап зацәнакуа", - иҳәоит иара.

Иара убас шәаԥхьар ҟалоит:

18

Қәрааԥҳа: аԥсшьаҩцәа Аԥсныҟа рааразы изеиԥшразаалакгьы ԥынгылак ҟалар, уи иархәыцуеит

0
(ирҿыцуп 11:13 16.04.2021)
Аԥсуа туристтә компаниа адиректор хада Самилиа Қәрааԥҳа арадио Sputnik аефир аҿы еиҭалҳәеит Роспотребнадзор Урыстәыла акоронавирус аламырҵәаразы ишьақәнаргылаз аԥҟарақәа Аԥсныҟа иаарц згәы иҭаз рҿы зҿлымҳарас иамаз атәы.

Урыстәыла алалараан иаларгалаз аԥҟарақәа ирыҵаркӡом аурыс-аԥсуа ҳәаа уахьгьы арахьгьы иахысуа Урыстәыла атәылауаа, уи ҿҳәарала шаҟа ицо иаауагьы иахьыԥшым ҳәа аилыркаара ҟарҵеит Аԥсны Аминистрцәа реилазаараҿы.

Уи аԥхьа, Роспотребнадзор иаланагалаз аԥҟарақәа рыла, мшаԥы 15 инаркны Урыстәыла иалало ртәылауаа зегьы хымш рыҩнуҵҟа ПЦР-тестқәа арҭароуп, аҭак роуаанӡагьы аҽыԥхьакра арежим мҩаԥыргароуп, атест аҭак аҳәынҭқарратә маҵзурақәа иаку рпортал аҿы иркьыԥхьроуп.

Қәрааԥҳа: аԥсшьаҩцәа Аԥсныҟа рааразы изеиԥшразаалакгьы ԥынгылак ҟалар, уи иархәыцуеит

"Ас еиԥш аԥкра алагалахозҭгьы, раԥхьа ҳара ҳакәын изныԥшуазгьы, избанзар, ҳа ҳахь иаауа аԥсшьаҩцәа хымш инеиҳаны зыԥсы зшьо роуп. Аминистрцәа реилазаара рҟынтә иааз ажәабжь даара ҳаигәырӷьеит, атуризм ҳара ҳзы, уи знапы алаку, иара усгьы маҷк иадымхаргьы уи иахьыԥшу рзы, ари аамҭа акырӡа аҵанакуеит. Ари проблема дуухон зегьы ҳзы. Иахьа, иацы иаараны иҟаз рзы Роспотребнадзор аҟынтә ажәабжь рааразы агәыҩбара рызцәырнагозҭгьы, амчыбжь иалагӡаны иаараны иҟоу рзы уи проблемам. Ҳара ӡыргарак ҳасабала иаразнак ирылаагалоит аԥкрақәа шыҟам атәы, анаҩс даргьы ирылаҵәоит. Даара ҳгәы шьҭнахит ажәабжь. Атуризм иаҿу асезон иалагаанӡагьы иалаҳгало ҳџьабаа рацәоуп, аԥара маҷымкәа иаҭахуп аусура аиҭахацыркразы, аха уи аан ҳақәгәыӷуеит асезон бзиа. Ҳџьабаа бзабаан иаҳԥылап ҳәа, аԥеиԥш бзиа ҳақәгәыӷуеит. Аԥсныҟа ааразы ԥкрақәак алагалахар, аԥсшьаҩцәа уи иархәыцуеит, избанзар, иара уеизгьы имаҷым ауадаҩрақәа ирԥыло рыԥсшьараамҭа ара ирхыргарцаз, иара аҳәааҿы иҟало агәаранқәа уахь иналаҵаны", - ҳәа еиҭалҳәеит Квираиаԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

0

Гәдоуҭатәи агоспитали галтәи арҵаҩцәеи рзы ашәарақәа рҭагылазаашьа атәы рҳәеит

3
(ирҿыцуп 10:22 16.04.2021)
Sputnik Аԥсны акорреспондент еиликаауан асоциалтә ҳа Феисбук аҿы Гәдоуҭатәи агоспитали Галтәи арҵаҩцәеи хымз ирықәуп ауалафахәқәа рмоуижьҭеи ҳәа ицәырҵыз аинформациа ахьынӡаиашоу.

АҞӘА, мшаԥы 16 – Sputnik, Бадри Есиава. Гәдоуҭатәи араионтә хәышәтәырҭа амедусзуҩцәа ашықәс иаалагазар руалафахәы рызшәоуп ҳәа Sputnik иазеиҭеиҳәеит Гәдоуҭа араион афинанстә ҟәша аиҳабы Роман Гамсаниа.

Иара иҳәеит арахь иаҵанакуа ауалафахәқәа роуп, аковидтә центр аҿы аус зуа рзы ашәарацҵақәа ракәымкәа ҳәа. Урҭ ашәарацҵақәа Ареспубликатә биуџьет аҟынтәи ауп ишынарышьҭуа.

"Араион иарбанзаалак уал амам. Ажьырныҳәа, жәабран, хәажәкыра рзы аԥарақәа зегь шәоуп. Асоциалтә ҳаҿы излацәажәо аковидтә центр аусзуҩцәа рԥарацҵа акәзар ҟалап", - ҳәа иҳәоит Гамсаниа.

Аҵара аусхк аҿы акәзар, арҵаҩцәа руалафахәы роураҿы иҟан аиҵахара, аха урҭ аԥарақәа уажәы араион абиуџьет иахыԥхьаӡалоуп, ашәахьа инаркны ашәарақәа ирылагоит.

"Проблеманы иҟоу уи ауп - ҳара дотациатә раионуп. Ҳхатә ԥарақәа ҳазхом. Мызкахьала абиуџьетникцәа руалафахәы азы 27 миллион мааҭ ҳҭахуп. Убри азы аулафахәқәа реиҳарак ареспублика иашәоит. Ианаамҭоу иаарышьҭуам ҳәа сызҳәом, избанзар графикла амза 10 - 15 рзоуп ашәарақәа анымҩаԥырго. Ҩымш-хымш анахылало ҟалоит, аха уи учҳартә иҟоуп. Мызк ахыланы ауалафахәы ҳшәоны исгәалашәом", - ҳәа иҳәоит Гамсаниа.

Гәдоуҭатәи араионтә хәышәтәырҭа аҳақьым хада ихаҭыԥуаҩ Ангелина Оҭырԥҳа ишьақәлырӷәӷәеит ауалафахәы ашәаразы еиҵахара шыҟам, аиҵахара аҭыԥ шамоу аковид госпиталь аусзуҩцәа ршәарацҵаҿы.

"Иахьынӡаздыруа ала атәыла зегьы аҿы ашәарацҵа еиҵаханы иҟан. Ҳара ҳҿы мацара акәым. Уажәы асиақәа еиҿдырԥшуеит", - ҳәа лҳәоит Оҭырԥҳа, иагьазгәалҭоит ашәарацҵақәа зхьыԥшу амаҵзуреи аҷаԥшьара ахыԥхьаӡареи шракәу.

Аԥсны афинансқәа рминистр ихаҭыԥуаҩ Саид Гәбаз иҳәеит амедусзуҩцәа рзы ашәарацҵақәа Агәабзиарахьчара аминистрра ишышьақәнаргыло. Иароуп Афинансқәа рминистррахь аԥаразоужьразы азыҳәа ҟазҵо.

"Ажьырныҳәеи жәабрани рзы аԥарақәа шәоуп. Хәажәкыразы аминистрраҟынтә аинформациа ҳмоуцт", - ҳәа иҳәеит иара.

Sputnik аредакциа Агәабзиарахьчара аминистррахь аҭагылазаашьа аилкааразы иҵааит, аха макьаназы хҳәаа амоуцт.

Гал араион ахадара аҵара аҟәша аиҳабы Екатерина Габелиаԥҳа асоциалтә ҳақәа рҿтәи аинформациа мцуп ҳәа ахылҳәааит.

"Арҵаҩцәа ауалафахәы роухьеит. Еиҵахарак ыҟазаргьы, ҩбаҟа мчыбжь роуп, аԥсуа уалафахәи аурыс уалафахәи хаз-хазы иахьроуа аҟынтә. Ҳаҳасабеилыргаҩцәа ари аус адырулон. Убри ауп изыхҟьаз. Ииасыз амчыбжь азы ауалафахәы неит, аха еихша-еихшаны", - ҳәа лҳәеит лара.

3