Амшыни ашьхақәеи рҿы: аԥсуеи аурыси арратә нџьнырцәа аҽазыҟаҵарақәа мҩаԥыргеит

10
(ирҿыцуп 14:27 07.09.2020)
Арратә ҽазыҟаҵарақәа ирылахәуп 500-ҩык аруаа инареиҳаны, иҷыдоу арратә техника акқәа 100.

АҞӘА, цәыббра 7 – Sputnik. Аладатәи арратә округи Аԥсны Атәылахьчара аминистрреи рынџьнырцәа атактикатә ҽазыҟаҵарақәа раан "аӷа" ирхәҭа ажәылара ааныркылеит, абри атәы аанацҳауеит Аладатәи арратә округа апресс-маҵзура.

Арратә ҽазыҟаҵарақәа раан аруаа амина-ԥжәаратә уси ахырӷәӷәарҭақәа рыҟаҵареи рҟны рдыррақәа еиздырҳауан аполигон Нагвалоу аҟны.

Аҽазыҟаҵарақәа рзы заанаҵ ишазԥхьагәаҭаз еиԥш, Амшын еиқәаҟынтәи "аӷа" ижәылараан аԥшаҳәа ацәаҳәа асапиорцәа иԥыржәеит.

"Аруаа ииашаз атактика ахьалырхыз азы "аӷа" ҩыџьарантәи ижәылара аанкылара рылшеит - амшыни ашьхақәеи рҟынтәи. Аԥжәаратә усурақәа раан иныхын иԥжәо амаҭәашьар 100 киллограм инеиҳаны атротиллтә еквивалент ала", - ҳәа азгәарҭеит Аладатәи арратә окурга апресс-маҵзураҿы.

Иара убас аруаа рԥышәа еиздырҳауан аминаҵхреи амина ахьыҵоу адәқәеи рышьақәыргылареи, ахырӷәӷәарҭақәеи ацҳақәеи рыргылареи аус аҿы. Аршьаҟауаа рзы аҭабиақәеи атанкқәеи артиллериатә бџьари рзы апозициақәеи реиқәыршәаразы анормативка нарыгӡеит ажраҟаӡагатә машьына ласқәа БТМ-3-и акотловантә машьынақәа МДК-и рыла.

Аӡы ахьыҵыҵуа аҭыԥқәа рыԥшаара, уи аҵхразы аҭыԥқәа реиқәыршәара, аӡы комплексла изрыцқьо ҳаамҭазтәи архәҭатә станциа СКО "Гигиена" рхы иархәаны аӡы арыцқьара уҳәа рзы адҵақәа нарыгӡеит.

Иара убас шәаԥхьар ҟалоит:

10

Аԥсны акоронавирус аламырҵәаразы аԥкра ҿыцқәа ирыцҵоуп ажьырныҳәа 12-нӡа

4
(ирҿыцуп 22:20 24.11.2020)
Аԥсны акоронавирустә чымазара ҿкы аламырҵәаразы иназыцҵоу аԥкрақәа ралагаларазы адҵа инапы аҵаҩын жьҭаара 13 рзы, урҭ рыҿҳәара нҵәон абҵара 24 рзы.

АҞӘА, абҵара 24 - Sputnik. Аԥсны ахада Аслан Бжьаниа аусдҵа инапы аҵеиҩит. Уи инақәыршәаны аԥкырақәа рыҿҳәара инахахоит 2021 шықәса ажьырныҳәа 12 рҟынӡа ҳәа аанацҳауеит ахада исаит.

Аусдҵа анапы аҵаҩуп Акоординациатә штаб 2020 шықәса абҵара 20 азтәи аӡбра шьаҭас иҟаҵаны.

Аусдҵа ҿыц инақәыршәаны ареспубликаҿы 2021 шықәса ажьырныҳәа 12 рҟынӡа азин ыҟам:

  • Ашколқәраҟынӡатәии азеиԥшҵаратәи еиҿкаарақәа русура урҭ реиҿкаара-зинтә формеи рхатәтәратә формеи ирыхьмырԥшыкәа;
  • Амассатә спорттә, агәмырҿыӷьгатә, ацәыргақәҵатә уснагӡатәқәа иарку аҭыԥқәа рҿы рымҩаԥгара;
  • Акультуратә усҳәарҭақәа (атеатрқәа, амузеиқәа, абиблиотекақәа, акультуратә центрқәа, акультура аханқәа, аконцерттәи ацәыргақәҵатәи залқәа) русура;
  • Афитнес-центрқәа, атренажиортә залқәа, аӡсарҭатәбассеинқәа, СПА-салонқәа, асаунақәа русура;
  • Арҵаратә кружокқәа, аспорттә, акәашаратә, арепетициатә секциақәа русура;
  • Акомпиутортә залқәа, абоулингқәа, ахәыҷтәы хәмарырҭатә центрқәа, егьырҭ аԥсшьарҭатә ҭыԥқәа;

Ауааԥсыра ирабыжьгоуп ауаажәларратә ҭыԥқәа рҟны рыҟазаараан ахыхьчаратә хархәагақәа ах рархәара, аԥсрақәеи аԥсхәрақәеи ирылахәу ауааԥсыра рхыԥхьаӡара рырмаҷра, аныҳәақәа раан акульттә обиектқәа (аҵакырақәа) рҟны ауаа рырмаҷра.

Абри аамҭазы икоммерциатәуи иккоммерциатәыми аиҿкаарақәа ирабжьгоуп руалафахәы рызныжьны 60 шықәса ирҭысхьоу, ашколқәраҟынӡатәии алагарҭатә школқәреи (1-4 аклассқәа) ирыҵаркуа ахәыҷқәа змоу русзуҩцәа рхы иақәиҭыртәырц ажьырныҳәа 12 2021 шықәсанӡа рулафахәы рызныжьны.

Аҟәа ақалақьи араионқәеи рҟны афатә, ақыҭанхамҩатә, ацәамаҭәатә џьармыкьақәа рҟны апрофилактикатә рзҩыдара мҩаԥгалатәуп.

Араионқәа рхадарақәа еиҿыркаароуп есыҽнтәи арзҩыдаратә усурақәа ауаажәларратә транспорт аҿы, атранспорт арныҟәцаҩцәа асабрадақәа рҿазароуп, амедицинатә напхаҵақәа ныҟәыргозароуп. Иара убасгьы иҟалом ахыхьчага зхы иазмырхәо апассаџьырцәа рныҟәгара.

Ауаажәларратә крыфарҭақәа ирабыжьгоуп робиектқәа ртәарҭақәа 50 процент рхы иархәаны атәылауаа рымаҵура иазку аишәақәа рыбжьара асоциалтә дистанциа (1,5 метра) рыбжьаҵарац, амаҵ зуа аусуҩцәа хаҭалатәи ахыхьчагақәа (амедицинатә сабрадақәеи амедицинатә напҭарҧақәеи) рхархәаразы аҭаххарақәа ирықәныҟәаларазы.

4
Атемақәа:
Ачымазара ҿкы – акоронавирус Аԥсни адунеи аҿи: иалкаау

Абҵарамза 25 рзы Аҟәа ахәҭак ӡыда иаанхоит

5
Гәымсҭатәи амассив, Ешератәи амҩа аӡымҩангага аремонт азыруеит абҵара 25 рзы, убри инадҳәаланы аӡынашьҭра аанкылахоит.

АҞӘА, абҵара 24 - Sputnik. Абҵара 25 асааҭ 03:00 инаркны асааҭ 18:00 рҟынӡа Аҟәа ахәҭак ӡыда иаанхоит ҳәа аанацҳауеит АУН "Аӡыканал".

Аӡынашьҭра аанкылахоит: Араион ҿыц, Ажәытә ҳабла, Колос, Адыгаа рымҩа, ВИЕМ, ақалақь агәаҿы аҩнеихагылақәа рҟны аӡы халом.

Гәымсҭатәи амассив, Ешератәи амҩа аӡымҩангага аремонт азыруеит.

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

5