Аԥсны ашьапылампыл азыҟаҵаҩцәа рзы онлаин-курсқәа ирылагеит

10
(ирҿыцуп 17:11 07.09.2020)
Акурсқәа ирхысуеит Аԥсны ақалақьқәеи араионқәеи рҿы ахәыҷқәа лицензиада иазыҟазҵо 27-ҩык азыҟаҵаҩцәа.

АҞӘА, цәыббра 7 – Sputnik. Аҟәа аусура иалагеит ашьапылампыл азы ахәыҷы-қәыԥштә зыҟаҵаҩцәа рзы онлаин-курсқәа, урҭ Аԥсны Аҿари аспорти русқәа рзы Аҳәынҭқарратә еилакы Санкт-Петербургтәи "Зенит" ахылаԥшрала имҩаԥнагоит, абри атәы аанацҳауеит Аҳәынҭеилакы Facebook аҟны.

Акурсқәа ралагамҭазы аԥсуа зыҟаҵаҩцәа аԥсшәа реиҳәеит, ақәҿиарақәагьы рзеиӷьаршьеит СССР ачемпион, СССР аспорт азҟаза, Ашьапылампылтә клуб "Зенит" академиа аиҳабы Анатоли Давыдови Урыстәыла зҽаԥсазтәыз аспорт азҟаза, Урыстәыла хәынтәтәи ачемпион, Урыстәыла Асуперхраҿа иаиааихьоу, "Зенит" даланы УЕФА Ахраҿеи Асуперхраҿеи иаиааихьоу, Урыстәыла еизгоу акоманда даланы Европа ачемпионат аҟны аџьаз иаиааихьоу Андреи Аршавин.

"Сара шәара шәрезиумеқәа зегьы срыхәаԥшит, шәара зегьы ашьапылампыл шәасуеит, аҿар азыҟашәҵоит. Ҳара зегьы ишауа ала ишәеилҳаркаауеит зегьы. Ишәҵала, агха ҟашәҵаларгьы, шәҵаала. Ақәҿиарақәа шәзеиӷьазшьоит. Цәыббрамза анҵәамҭазы бзиа иаабо Аԥсынтәыла ҳнеип ҳәа ҳгәыӷуеит, апрактикахь ҳаиасыртә", - ҳәа азгәеиҭеит "Зенит" Азыҟаҵаҩцәа рыквалификациа аизырҳаразы ацентр адиректор Сергеи Морозов.

Аԥсны Аҿари аспорти русқәа рзы Аҳәынҭқарратә еилакы ахантәаҩы Џьамал Гәбаз ҭабуп ҳәа реиҳәеит "Зенит" академиа ахаҭарнакцәа Аԥсни уи азыҟаҵаҩцәеи рахь иаанарԥшуа агәцаракразы.

"Ганрацәала ҳаивагылап, аусеицура бзиа ҳабжьаҳҵап. Ҳаидгыланы аԥсуа шьапылампыл уаанӡа иамаз ахыԥша ҳархынҳәып", - ҳәа азгәеиҭеит Гәбаз.

Актәи амш азы имҩаԥгаз алекциа иахьӡын "Роль и социальная значимость футбола. Средства, методы, формы, принципы обучения в детско-юношеском футболе", уи ааиртит Азыҟаҵаҩцәа рыквалификациа аизырҳаразы ацентр аиҳабы ихаҭыԥуаҩ, Лесгафт ихьӡ зху НГУ ашьапылампыл ТиМ акафедра аиҳабы, апсихологиатә ҭҵаарадыррақәа ркандидат, адоцент Максим Нифонтов.

Акурсқәа анхыркәшахалак ашьҭахь азыҟаҵаҩцәа Урыстәылатәи ашьапылампылтә еилакы ишьақәнарӷәӷәо алицензиақәа рырҭоит.

Уаанӡа адырра ҟалахьан Санкт-Петербургтәи ашьапылампылтә клуб Аԥсны ашьапылампылтә академиа афилиал шаанартуа, азыҟаҵаҩцәа акурсқәа ирхысны алицензиақәа анроулак ашьҭахь.

10

Аҟәатәи ашкол адыркит акоронавирус злаз арҵаҩы лыԥсҭазаара даналҵ ашьҭахь

13
(ирҿыцуп 23:25 20.09.2020)
Апандемиа ааҟалеижьҭеи Аԥсны акоронавирус зцәа иалоу 939-ҩык аарԥшын. Цәыббра 20 рызтәи аоперштаб адыррақәа рыла, Гәдоуҭатәи ахәышәтәырҭаҿы ишьҭоуп 97-ҩык апациентцәа.

АҞӘА, цәыббра 20 — Sputnik, Асмаҭ Ҵәыџьԥҳа. Баграт Шьынқәба ихьӡ зху Аҟәатәи абжьаратә школ №1 аҵаҩцәа акарантин ахь аҩныҟа иоушьҭуп ҩымчыбжь ҳәа, ашкол аҿы аепидемиологиатә ҭагылазаашьа ахьеицәахаз инамаданы, абри атәы Sputnik иазеиҭалҳәеит ашкол адиректор Нонна Делԥҳа.

Лара лажәақәа рыла, иахьа ашкол адирекциахь адырра ҟарҵеит акоронавирус зцәа иалаз рырҵаҩцәа руаӡәк, даҽа хроникатә чымазаракгьы зцәа иалаз, лыԥсҭазаара дшалҵыз. Иара убасгьы рышкол аҿы аклассқәа хәба рҟны ари аҿкы чымазара зцәа иалаз ачымазцәа азгәарҭахьан. Уи адагьы аҭаацәа аӡәырҩы  рхәыҷқәа COVID-19 асимптомқәа шрыдырбало адиректор иларҳәарц азы аҭел ишылзасыц илзасуеит.

"Сара аҵара аминистр аҭел сизасит, иҟоу аҭагылазаашьа иеилсыркаарц азы. Иара аҵаҩцәа ҩымчыбжьа ҳәа иоушәышьҭ акарантин ахь иҳәеит, избанзар ҳашкол аҿы актәи, аҩбатәи, ахԥатәи аклассқәа рҿы ада, егьырҭ аклассқәа зегьы рҿы аҿкы злалаз ахәыҷқәа ыҟоуп, урҭ зегьы аишьцәа, аиҳәшьцәа рымоуп егьырҭ аклассқәа рҟны. Иара убас ҳарҵаҩцәа быжьҩык акарантин аҿы иҟоуп, саргьы сыбжьы иахьа исгәаԥхом", - лҳәеит Делԥҳа.

Иара убас лара иазгәалҭеит иахьа Асанитартә епидемиологиатә станциа анапхгара лыҽрымалдарц дшаҿыз, аха аӡәгьы аҭел шьҭимхит ҳәа. Делԥҳа ишылҳәаз ала, уажәы ашкол адирекциа аилкаара иаҿуп шаҟаҩык рҵаҩцәеи рырҵаҩцәеи акоронавирус рыхьыз, макьана урҭ рхыԥхьаӡара рыздыруам.

Аԥсны агәабзиарахьчара аминистрра апресс-маҵзура COVID-19 зыхьны иҟаз арҵаҩы лыԥсҭазаара дшалҵыз азы аинформациа Sputnik иазышьақәнарӷәӷәеит, иагьазгәарҭеит лара Қырҭтәыла дшырхәышәтәуаз, уаҟа шакәу лыԥсҭазаара дахьалҵыз.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

13
Атемақәа:
Ачымазара ҿкы – акоронавирус Аԥсни адунеи аҿи: иалкаау
Старший научный сотрудник Отдела этнологии Абхазского государственного музея, этнолог Инга Шамба. Архивное фото.

Аҭоурых иагәылаҵәаху: Шамԥҳа ԥшь-ҿык змоу ампахьшьы иазкны

9
(ирҿыцуп 19:36 20.09.2020)
Аԥсуа ҳәынҭқарратә музеи аетнологиа аҟәша аҭҵаарадырратә усзуҩ еиҳабы Инга Шамԥҳа арадио Sputnik аефир аҟны еиҭалҳәеит 2015 шықәсазы Елена Гордиенко-Леиба амузеи ҳамҭас иалҭаз ампахьшьқәа рҭоурых атәы.

 

"Аҭоурых иагәылаҵәаху": Шамԥҳа ԥшьҿык змоу ампахьшьы иазкны

Шәазыӡырҩла арубрика "Аҭоурых иагәылаҵәаху" есмҽыша арадио Sputnik Аԥсны аефир аҿы.

 

Иара убас шәаԥхьар ҟалоит:

9