МИД Абхазии. Архивное фото

Аԥсны Адәныҟатәи аусқәа рминистрра Қырҭтәыла-НАТО аҽазыҟаҵарақәа ахҳәаа рырҭеит

30
(ирҿыцуп 09:39 08.09.2020)
Қырҭтәыла имҩаԥысуа аҽазыҟаҵарақәа ирылахәхоит акырнызқь аруаа, арратә техника хьанҭа, авиациа, ЕАА арра-мшынтә флот аӷбақәа.

АҞӘА, цәыббра 8– Sputnik. НАТО атәылақәа милаҭрацәалатәи аҽазыҟаҵарақәа рцикл "Достойный партнер 2020" (Noble Partner 2020) аҳәаақәа ирҭагӡаны Қырҭтәыла адгьылҵакыраҿы имҩаԥырго аҽазыҟаҵарақәа рганахьала Аԥсны Адәныҟатәи аусқәа рминистрра аҳәамҭа ҟанаҵеит.

"Агәҭынчымра унаҭоит Қырҭтәыла арратә мчрақәа роперативтә зыҟаҵара аизырҳареи планла ишьақәырӷәӷәоу рмасштабқәа рыҭбаареи имҩаԥысуа аҽазыҟаҵарақәа рыбзоурала. Қырҭтәылатәи аруаа уи ала рылшарақәа дырҭбаауеит, аибашьратә операциақәа рымҩаԥгараҿ аԥышәа роуеит", - ҳәа азгәаҭоуп Аԥсны Адәныҟатәи аусқәа рминистрра аҳәамҭаҿы.

Иара убасгьы аминистрра ахаҭарнакцәа ргәаанагарала асеиԥш лассы-лассытәи инарҭбаау арратә ҽазыҟаҵарақәа рымҩаԥгара апрактика Аахыҵ Кавказ аҭынчреи аҭышәынтәалареи ашәарҭара иҭанаргылар алшоит. Уи шьақәзырӷәӷәо акәны иҟоуп 2008 шықәсазы Қырҭтәыла Аахыҵ Уаԥстәыла имҩаԥнагаз арратә агрессиа.

"Қырҭтәылеи иара Мрагыларатәи апартниорцәеи идеструктивтәиу рхымҩаԥгашьа иаҭакны аԥснытәи аган иагәҭакуп Аԥсны Аҳәынҭқарра атәылахьчареи ашәарҭадареи реиҿкааразы Урыстәылатәи Афедерациеи иареи рырра-техникатә усеицура арӷәӷәара амҩа анылара", - аҳәоит адырраҭараҿы.

Иҟалар зылшо аибарххара аескалациаан аҭакԥхықәра нагӡа зқәыло Қырҭтәылеи, Еиду аштатқәеи, НАТО атәылақәеи ракәхоит ҳәа азгәаҭоуп аҳәамҭаҿы.

30

Аԥсны ахада мчыбжьык аамҭа риҭеит афымцалашара ахархәара аларҟәразы

4
(ирҿыцуп 19:11 22.01.2021)
Аԥсны ахада Аслан Бжьаниа ажьырныҳәа 22 рзы аилацәажәара мҩаԥигеит ареспубликаҿы иҟоу аенергетикатә кризис иазкны.

АҞӘА, ажьырныҳәа 22 – Sputnik, Бадраҟ Аҩӡба. Мчыбжьык аҩнуҵҟала араионқәа рҿы афымцалашара ахархәара аларҟәра алымшар, араионқәа рхадацәа, амилициа, апрокурорцәа лахь рыҭахоит. Егьи иааиуа ашәахьазы аҭагылазаашьа аҽеиҭанамкыр – русура иамххоит ҳәа иҳәеит Аԥсны ахада Аслан Бжьаниа ажьырныҳәа 22 рзы аилацәажәараҿ.

"Зегь иаразнакы, аамҭа мгакәа иҟаҵатәуп. Ари апроблема аӡбара Аекономика аминистрреи Аҩнуҵҟатәи аусқәа рминистреи рымацара рықәҵара иашаӡам. Ақыҭақәа рхадацәа зегьы ирдыруеит досу инапы злаку. Мчыбжьык ахы-аҵыхәала аҭагылазаашьа шәнапахьы иаажәгароуп", - ҳәа иҳәеит аҳәынҭқарра ахада.

Иара иажәақәа рыла аенергетика аусхк аҟны аҭагылазаашьа ҷыда ыҟоуп.

"Акризис алҵразы аҭагылазаашьа ҷыдақәа ҳадаҳкылароуп. Сара иҟоу ауп исҳәо", - ҳәа иҳәеит ахада.

2019 шықәса абри аамҭа иаҿырԥшны 2020 шықәса рзы афымцалашара ахархәара иааизакны 21 процент ихалеит. Тҟәарчали Тҟәарчал араиони рҿы – 62 процент, Очамчыра араион - 56 процент, Аҟәа араион - 47 процент, Гәылрыԥшь араион - 31 процент ҳәа арбагақәа рыӡбахә иҳәеит ахада.

"Араионқәа рҿы аштабқәа аԥҵахоит. Урҭ напхгара рыҭареи азеиԥш хылаԥшреи мҩаԥыргоит араионқәа рхадацәа. Аштаб иалахәхоит: амилициа аиҳабы, апрокурор, аенергетик. Иахьа хәылбыҽханӡа шәара шәусурақәа рахь шәнеины, аиԥыларақәа мҩаԥыжәгоит. Ари азҵаара зус алоу аминистрцәа русзуҩцәа иахәҭоу адҵақәа рырҭоит. Аштаб актәи аилатәара анымҩаԥыжәгалак, уаха аԥыза-министр инапынҵақәа назыгӡои ахада Иусбарҭа аиҳаби адырра рышәҭоит аштаб аилатәара шымҩаԥысыз азы", - ҳәа иҳәеит ахада.

Бжьаниа Тҟәарчал араион ахаҭарнак диазҵааит араион аҿы афымцалашара ахархәара азҳара мзызс иамои ҳәа.

"Шәраион аҿы афымцалашара ахархәара азҳара мзызс иаиузеи? Анаплак ҿыцқәа аусура иалагама?" - ҳәа дҵааит Аслан Бжьаниа. Уи аҭак иҭан закәаншьаҭада афымцацәаҳәақәа рыҽрыԥшьра шакәу мзызс иҟоу.

Абри аҩыза азҵаара иҭан Гәылрыԥшь араион ахада Аслан Бараҭелиагьы. Уи иҭакгьы амаининг фермақәа ирыхҟьеит акәын.

Аилацәажәара иалахәын Ашәарҭадаратә хеилак амаӡаныҟәгаҩ Сергеи Шамба, Аҩнуҵҟатәи аусқәа рминистр Дмитри Дбар, "Амшынеиқәафымцамч" адиректор хада Михаил Логәуа, ареспублика ақалақьқәеи араионқәеи рхаҭарнакцәа.

Иара убас шәаԥхьар ҟалоит:

4
Атемақәа:
Аԥсны аенергетика апроблемақәа

Аԥсуа ҳазалхыҩцәа амаининг хархәагақәа аҳәаа рахыгара аԥдырҟәҟәааит

7
(ирҿыцуп 18:42 22.01.2021)
Акриптовалиута аиуразы амаининг азы аусурақәа Аԥсны иахьаҵанакуа иаанкылоуп 2021 шықәса рашәарамза акы азынӡа Аминистрцәа реилазаара аусԥҟа инақәыршәаны, иара абри аамҭазы азин ыҟам амаининг хархәагақәагьы ареспубликахь ралагалара.

АҞӘА, ажьырныҳәа 22 - Sputnik. Аԥсуа ҳазалхыҩцәа амаининг хархәагақәа быжьба аҳәаа рахыгара аԥдырҟәҟәааит ҳәа аанацҳауеит Аԥсны Аҳазалхратә еилакы.

"Ажьырныҳәа 19 2021 шықәсазы аҳазалхратә хылаԥшра азонаҿы аҳазалхырҭатә ҭыԥ "Ԥсоу" амаҵзурауаҩ иааникылеит автотранспорттә хархәага, Урыстәылатәи Афедерациа атәылауаҩ зыԥсҟы икыз. Автомашьына агәаҭараан аидараҭраҿы иԥшаан Аԥсны залагалара азин ыҟам амаининг хархәагақәа быжь-цырак", - ҳәа аҳәоит Аԥсны АЕ адырраҭараҿы.

Абри административтә зинеилагара аганахьала аус нашьҭуп Аԥсны Аҳәынҭқарра Аҳазалхратә еилакы аҳазалхратә ҭҵаарақәа рыҟәшахьы.

Иара убас шәаԥхьар ҟалоит:

7