250 инареиҳаны аԥсуа ҭаацәарақәа ахԥатәи ахәыҷы изы аԥара рзыршәеит

42
Апрограмма "Адемографиа арҿиара 2020" аҳәаақәа ирҭагӡаны аԥсуа милаҭ еиуоу аҭаацәарақәа ахԥатәи рыхшареи ирышьҭанеиуеи рзы знык ала 100 нызқь мааҭ рзыршәоит. Уи азы Аԥсадгьыл ахь архынҳәразы Аҳәынҭқарратә еилакы Абиуџьетнҭыҵтәи афонд сынтәа иазоужьуп 50 миллион мааҭ.

АҞӘА, цәыббра 9 – Sputnik. 250 инареиҳаны аԥсыуа ҭаацәара ахԥатәи ахәыҷы изы 100-100 нызқь мааҭ аԥарашәарақәа рырҭеит ҳәа арадио Sputnik иазеиҭеиҳәеит аилак ахантәаҩы ихаҭыԥуаҩ Асҭамыр Багаҭелиа.

Иара иажәақәа рыла, аԥарашәарақәа мҩаԥысуамызт жьҭаарамза аахыс абиуџьетнҭыҵтә фонд "Азҳара" ауалқәа ахьақәыз азы. Уаанӡа ари афонд акәын аԥарашәарақәа ҟазҵоз. Аԥараанкылара иара убас мзызс иаиуит акарантингьы.

Аԥсны акоронавирус иахҟьаны иалагалаз аԥкрақәа анаԥырх ашьҭахь Аԥсадгьыл ахь ахынҳәразы аилак уаанӡатәи аусуратә режим ианазыгьежь, арзаҳалқәа рыдкылареи аԥашәарақәа рымҩаԥгареи иалагеит.

"Аԥсадгьыл ахь ахынҳәразы Аилак уаанӡатәи аусуратә режим ианазыгьежь, арзаҳалқәа рыдкылареи аԥарашәарақәа рымҩаԥгареи хацнаркит. Аԥара ршәомызт жьҭаарамза аахыс абиуџьетнҭыҵтә фонд "Азҳара" ауалқәа ахьақәыз азы. Жьҭаара 1, 2019 шықәса раахыс арзаҳалқәа 258 рыдкылоуп. Урҭ рҟынтәи 43 арзаҳал афонд "Азҳара" ахь инашьҭын. Иахьазы аԥарашәарақәа зегьы рзынагӡоуп", - иҳәеит Асҭамыр Багаҭелиа.

Уаанӡа аԥсуа ҭаацәарақәа рҟны ахԥатәии уи ишьҭанеиуеи ахәыҷқәа анилакгьы аԥара рзашәон агәыҳалалратә фонд "Азҳара". 2020 шықәса инаркны ари аус анапы ианҵоуп Аԥсадгьыл ахь архынҳәразы аилак.

"Хышықәса рыҩнуҵҟа ацхыраара рыҭан 1300 ҭаацәара. Аха афонд "Азҳара" алшарақәа ахьыԥкыз инадҳәаланы урҭ аԥарашәарақәа анапы ианырҵеит Аԥсадгьыл ахь архынҳәразы Аҳәынҭеилакы. Апрограмма ҿҳәарас иамоуп 2020 шықәса жьҭаара 1 инаркны ԥхынҷкәын 31 рҟынӡа. Абри ахықәказы Аԥсадгьыл ахь архынҳәразы Аҳәынҭеилакы Абиуџьетнҭыҵтәи афонд 2020 шықәсазы 50 миллион мааҭ азоужьуп. Уаанӡатәи ашықәсқәа рыстатистикала шықәсык ала ииуа рхыԥхьаӡара 500-ҩык иреиҳам", – ҳәа азгәеиҭеит Багаҭелиа.

100-100 нызқь мааҭ рзыршәоит милаҭла иаԥсыуаау аҭаацәарақәа. Убри азы аҭаацәа аилак ахь инеины арзаҳал рҩыроуп. Арзаҳал иацзароуп атәылауаҩшәҟәқәа рыхкьыԥхьаа, аҭыӡҭыԥ аҟынтә аршаҳаҭга, ахәыҷқәа риразы аршаҳаҭга, аҭаацәара алаларазы аршаҳаҭга рыхкьыԥхьаақәа.

Иара убас шәаԥхьар ҟалоит:

42

Бжьаниа афымцамч ахархәара аларҟәразы аштабқәа аԥҵазарц адҵа ҟаиҵеит

5
Аԥсны ахада Аслан Бжьаниа ареспубликаҿы иҟоу аенергетикатә ҭагылазаашьазы аилацәажәара мҩаԥигеит ахәаша ажьырныҳәа 22 рзы.

Атәыла ахада аилатәараан афымцамч ахархәараз арбагақәа ааигеит. Урҭ инарықәыршәаны, 2020 шықәса рзы иҟаз ахархәара 2019 шықәсатәи ахархәара иаҿырԥшны 21 процент еиҳахеит.

Ахада адҵа ҟаиҵеит араионқәа рҿы аштабқәа аԥырҵарц, урҭ русура афымцамч ахархәара аиҵатәра иаздырхарц иҳәеит. Апроблема ӡбамхар, акадртә еиҭакрақәа мҩаԥгатәхоит ҳәа иҳәеит ахада.
Аԥхьатәи алҵшәақәа мчыбжьык иахымгакәа иҟалароуп ҳәа азгәеиҭеит Бжьаниа. Иара убас есышьыжь асааҭ 10 рзы аԥыза-министр инапынҵақәа назыгӡои ахада Иусбарҭа аиҳаби рҿаԥхьа русуразы аҳасабырба ҟарҵаларц рыдиҵеит.

"Мчыбжьык иалагӡаны араионқәа рҿы афымцамч ахархәара лаҟәымхар, ишәырҭаз адокумент аҿы иарбоу 2019 шықәсазтәи анорматив 5 % ацны аҟынӡа имнеир, араион ахада, амилициа аҟәша аиҳабы, апрокурор, аенергетик – зегьы лахь рыҭахоит, иааиуа егьи ашәахьазы русура иамххоит", - ҳәа инаҵишьит Аԥсны ахада Аслан Бжьаниа.

5
Атемақәа:
Аԥсны аенергетика апроблемақәа

Бжьаниа Аԥсны аенергетика аусхк аҟны узыцәшәаша аҭагылазаашьа ыҟоуп ҳәа алаҳәара ҟаиҵеит

4
(ирҿыцуп 18:02 22.01.2021)
Аԥсны ахада Аслан Бжьаниа ареспубликаҿы иҟоу аенергетикатә ҭагылазаашьазы аилацәажәара мҩаԥигеит ахәаша ажьырныҳәа 22 рзы.

АҞӘА, ажьырныҳәа 22 - Sputnik, Бадраҟ Аҩӡба. Аԥсны аенергетика аусхк аҟны узыцәшәаша аҭагылазаашьа ҷыда ыҟоуп ҳәа алаҳәара ҟаиҵеит Аԥсны ахада Аслан Бжьаниа ареспубликаҿы иҟоу аенергетикатә ҭагылазаашьазы аилацәажәараҿы.

Атәыла ахада афымцамч ахархәараз арбагақәа ааигеит. Урҭ инарықәыршәаны, 2020 шықәса рзы иҟаз ахархәара 2019 шықәсатәи ахархәара иаҿырԥшны 21 процент еиҳахеит.

Ахада иҳәеит араионқәа рҿы ишаԥҵахо аштабқәа, урҭ русура афымцамч ахархәара аиҵатәра ишазырхахо. Апроблема ӡбамхар, акадртә еиҭакрақәа мҩаԥгатәхоит ҳәа иҳәеит иара.

Аԥхьатәи алҵшәақәа мчыбжьык иахымгакәа иҟалароуп ҳәа азгәеиҭеит ахада.

© Sputnik / Томас Тхайцук
Аԥсны ахада Аслан Бжьаниа ареспубликаҿы иҟоу аенергетикатә ҭагылазаашьазы аилацәажәара мҩаԥигеит.

Иара иҳәеит Апарламент ахаҭарнакцәа алархәны аилацәажәара шымҩаԥгаз амаинерцәа рганахьала ахараԥсақәеи ашьаус ҭакԥхықәрақәеи ралагаларазы.

Аилацәажәара иалахәын Ашәарҭадаратә хеилак амаӡаныҟәгаҩ Сергеи Шамба, Аҩнуҵҟатәи аусқәа рминистр Дмитри Дбар, "Амшынеиқәафымцамч" адиректор хада Михаил Логәуа, ареспублика ақалақьқәеи араионқәеи рхаҭарнакцәа.

Иара убас шәаԥхьар ҟалоит:

4