Избан Аԥсныҟа DutyFree адәқьанқәа раалыҵ алагалара азин зыҟам

12
(ирҿыцуп 09:31 10.09.2020)
DutyFree – баџьдатәи хәаахәҭратә дәқьанқәоуп, аԥсуа-аурыс ҳәааҿы аус руеит. Адәқьан аҿы атауар рҭиуеит Аԥсны аҳазалхратә еилакы ахылаԥшрала.

АҞӘА, цәыббра 10 – Sputnik, Асмаҭ Ҵәыџьԥҳа. Баџьдатәи ахәаахәҭратә дәқьанқәа DutyFree рҟынтәи атауар Аԥсны аҵакырахь аагара алшоит Урыстәылатәи аҳәаа ахысра ашьҭахь ҳәа Sputnik иазеиҭалҳәеит Аҳәынҭқарратә ҳазалхратә еилакы азинтә ҟәша аиҳабы Анана Гогохьиаԥҳа.

Лара лажәақәа рыла, DutyFree аҟынтәи аалыҵ атәыла аҵакырахь алагалара аҳазалхратә закәанԥҵара иаҿагылоит.

"Ҳара еилаҳкаауазароуп баџьдатәи адәқьан иаабац дәқьанны ишыҟам, уа аҳазалхратә режим аус шауа. Уи аан атауар рҭиуеит аҳазатә баџьқәа, ашәахтәқәа уҳәа ршәарада. Ари арежим инақәыршәаны адәқьан аҿы ирҭиуа атауарқәа Аԥсны аҳазалхратә ҵакыра иалганы иргароуп", - ҳәа лҳәоит лара.

Гогохьиаԥҳа иазгәалҭеит ари аҩыза арежим аԥсуа-аурыс ҳәааҿы ахаангьы аус шауаз. Уи инахырҳәҳәангьы аахәаҩ аҳазалхратә нормақәа рыла DutyFree атауар аахәара азин иман Аԥсны анҭыҵҟа дышцо шьақәзырӷәӷәо адокумент аныдирбалак ашьҭахь.

"Убри аан аус ауан Аминистрцәа Реилазаара адҵа, уи инақәыршәаны аҳәаа дахымскәа ауаҩы азин иман х-литрак арыжәтә аалыҵи ҩ-ҭоԥк асигареҭи. Ари узвысша ҭагылазаашьан", - ҳәа еиҭалҳәоит лара.

Аха ари аҭагылазаашьа Аԥсны абжьаратәи абизнеси абизнес маҷи ирԥырхагахеит. Аҳазалхырҭахь ашшыԥхьыӡқәа нарышьҭуа иалагеит ҳәа лҳәеит Гогохьиаԥҳа.

"Еилкаахеит азакәан аҿы аԥсахра шаҭаххаз, ҷыдала абри апункт. Аԥсны аиҳабыра аилкаара аадырԥшит, уаанӡатәи аԥыза-министр Геннади Гагәылиа инапы зҵаиҩыз аусԥҟа апункт еиҭакын", - ҳәа азгәалҭеит лара.

"DutyFree" адәқьан аҟынтәи Аԥсныҟа аалыҵ алагаларазы аԥҟара ҿыцқәа амчра роуит рашәара 4 2020 шықәса инаркны.

DutyFree – баџьдатәи ахәаахәҭратә дәқьанқәа, аԥсуа-аурыс ҳәааҿы аус зуа хәажәкыра 15 аахыс акарантинтә ԥкырақәа ирхырҟьаны аус руамызт. DutyFree Аҟәа араион абиуџьет ахь ихадароу шәахтәшәаҩуп. Абиуџьет алагалаҿы иара ахәҭа 50% артәоит.

12

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

11
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

11

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

7
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

7