Сотрудники АР в 70-е годы, старший редактор Артем Амкуаб, корреспонденты Владимир Хашба, Елена Гунба, Семен Адлейба, выпускающая программ Тамара Хишба

Артиом Амқәаб иԥсҭазаареи ирҿиареи ирызку ашәҟәы ӡырган Аҟәа

8
(ирҿыцуп 12:37 12.09.2020)
Ашәҟәы "Артиом Амқәаб. Аԥсҭазаареи арҿиареи" ажурналист диижьҭеит 110 шықәса аҵра иазкуп. Автор Владимир Ҳашба Артиом Амқәаб иԥсҭазаареи ирҿиамҭақәеи дрылацәажәоит дыздыруаз ауаа ргәалашәарақәа ацҵаны.

АҞӘА, цәыббра 11 – Sputnik. Артиом Амқәаб иԥсҭазаареи ирҿиареи ирызку ашәҟәы ӡырган Аҟәа, Папасқьыр ихьӡ зху Амилаҭтә библиотекаҿы цәыббра 11 рзы.

Ашәҟәы автор Владимир Ҳашба акыршықәса аус иуан Артиом Амқәаб инапхгарала.

"Ажурналистикаҿ лшара ҳәа акыр сыманы иҟазар, изыбзоуроу иара иоуп. Иахьа уажәшьҭа имаҷуп Артиом Амқәаб дызгәалашәо ауаа. Уи ауп ашәҟәы аҩрагьы салазыргаз. Аматериал аизакра саналага, избеит акыр ишыуадаҩыз. Аиҳарак иара агазеҭқәеи ажурналқәеи рҿы акәын иҩымҭақәа ахькьыԥхьыз. Уи адагьы иаҳхысыз ашәышықәсазы ашрифт изныкымкәа, иҩынтәымкәа ирыԥсаххьан. Иҟан кириллица, алатын, ақырҭуа шрифтқәа рыла икьыԥхьыз", – ҳәа еиҭеиҳәоит Владимир Ҳашба.

Владимир Ҳашба хәҭа-хәҭала Артиом Амқәаб иԥсҭазаара дазааҭгыланы далацәажәоит. Иара иажәақәа рыла, ара иҟоу Артиом Амқәаб иԥсҭазаара аҭоурых амацара акәӡам, Аԥсны усҟантәи аамҭа аҭоурых ауп.

"Сара исҭахуп ҳжурналистцәа Артиом Амқәаб иӡбахә рдыруазарц, илагала ахә ршьозарц. Абиԥарақәа еимадазароуп", - иҳәеит иара.

Артиом Амқәаб диит Кәыдрытәи аучасток иатәыз Маркәыла ақыҭан 1909 шықәса рзы. Аҟәатәи арҵаҩратә техникум доушьҭымҭан. 30-тәи ашықәсқәа раан "Аԥсны ҟаԥшьи" Аԥсуа радиои рҿы аусура еидибалон. Нас иҵара иациҵеит Москва.

Аинститут даналга "Аԥсны ҟаԥшь" ахь дхынҳәит. 1953 шықәса инаркны аҵыхәтәантәи имшқәа рҟынӡа Аԥсуа радио редакторс даман.

Аԥсны акультура зҽаԥсазтәыз аусзуҩ ҳәа ахьӡ ҳарак ихҵан.

Иара убас шәаԥхьар ҟалоит:

8

Аԥсны акоронавирус аламырҵәаразы аԥкра ҿыцқәа ирыцҵоуп ажьырныҳәа 12-нӡа

5
(ирҿыцуп 22:20 24.11.2020)
Аԥсны акоронавирустә чымазара ҿкы аламырҵәаразы иназыцҵоу аԥкрақәа ралагаларазы адҵа инапы аҵаҩын жьҭаара 13 рзы, урҭ рыҿҳәара нҵәон абҵара 24 рзы.

АҞӘА, абҵара 24 - Sputnik. Аԥсны ахада Аслан Бжьаниа аусдҵа инапы аҵеиҩит. Уи инақәыршәаны аԥкырақәа рыҿҳәара инахахоит 2021 шықәса ажьырныҳәа 12 рҟынӡа ҳәа аанацҳауеит ахада исаит.

Аусдҵа анапы аҵаҩуп Акоординациатә штаб 2020 шықәса абҵара 20 азтәи аӡбра шьаҭас иҟаҵаны.

Аусдҵа ҿыц инақәыршәаны ареспубликаҿы 2021 шықәса ажьырныҳәа 12 рҟынӡа азин ыҟам:

  • Ашколқәраҟынӡатәии азеиԥшҵаратәи еиҿкаарақәа русура урҭ реиҿкаара-зинтә формеи рхатәтәратә формеи ирыхьмырԥшыкәа;
  • Амассатә спорттә, агәмырҿыӷьгатә, ацәыргақәҵатә уснагӡатәқәа иарку аҭыԥқәа рҿы рымҩаԥгара;
  • Акультуратә усҳәарҭақәа (атеатрқәа, амузеиқәа, абиблиотекақәа, акультуратә центрқәа, акультура аханқәа, аконцерттәи ацәыргақәҵатәи залқәа) русура;
  • Афитнес-центрқәа, атренажиортә залқәа, аӡсарҭатәбассеинқәа, СПА-салонқәа, асаунақәа русура;
  • Арҵаратә кружокқәа, аспорттә, акәашаратә, арепетициатә секциақәа русура;
  • Акомпиутортә залқәа, абоулингқәа, ахәыҷтәы хәмарырҭатә центрқәа, егьырҭ аԥсшьарҭатә ҭыԥқәа;

Ауааԥсыра ирабыжьгоуп ауаажәларратә ҭыԥқәа рҟны рыҟазаараан ахыхьчаратә хархәагақәа ах рархәара, аԥсрақәеи аԥсхәрақәеи ирылахәу ауааԥсыра рхыԥхьаӡара рырмаҷра, аныҳәақәа раан акульттә обиектқәа (аҵакырақәа) рҟны ауаа рырмаҷра.

Абри аамҭазы икоммерциатәуи иккоммерциатәыми аиҿкаарақәа ирабжьгоуп руалафахәы рызныжьны 60 шықәса ирҭысхьоу, ашколқәраҟынӡатәии алагарҭатә школқәреи (1-4 аклассқәа) ирыҵаркуа ахәыҷқәа змоу русзуҩцәа рхы иақәиҭыртәырц ажьырныҳәа 12 2021 шықәсанӡа рулафахәы рызныжьны.

Аҟәа ақалақьи араионқәеи рҟны афатә, ақыҭанхамҩатә, ацәамаҭәатә џьармыкьақәа рҟны апрофилактикатә рзҩыдара мҩаԥгалатәуп.

Араионқәа рхадарақәа еиҿыркаароуп есыҽнтәи арзҩыдаратә усурақәа ауаажәларратә транспорт аҿы, атранспорт арныҟәцаҩцәа асабрадақәа рҿазароуп, амедицинатә напхаҵақәа ныҟәыргозароуп. Иара убасгьы иҟалом ахыхьчага зхы иазмырхәо апассаџьырцәа рныҟәгара.

Ауаажәларратә крыфарҭақәа ирабыжьгоуп робиектқәа ртәарҭақәа 50 процент рхы иархәаны атәылауаа рымаҵура иазку аишәақәа рыбжьара асоциалтә дистанциа (1,5 метра) рыбжьаҵарац, амаҵ зуа аусуҩцәа хаҭалатәи ахыхьчагақәа (амедицинатә сабрадақәеи амедицинатә напҭарҧақәеи) рхархәаразы аҭаххарақәа ирықәныҟәаларазы.

5
Атемақәа:
Ачымазара ҿкы – акоронавирус Аԥсни адунеи аҿи: иалкаау

Абҵарамза 25 рзы Аҟәа ахәҭак ӡыда иаанхоит

5
Гәымсҭатәи амассив, Ешератәи амҩа аӡымҩангага аремонт азыруеит абҵара 25 рзы, убри инадҳәаланы аӡынашьҭра аанкылахоит.

АҞӘА, абҵара 24 - Sputnik. Абҵара 25 асааҭ 03:00 инаркны асааҭ 18:00 рҟынӡа Аҟәа ахәҭак ӡыда иаанхоит ҳәа аанацҳауеит АУН "Аӡыканал".

Аӡынашьҭра аанкылахоит: Араион ҿыц, Ажәытә ҳабла, Колос, Адыгаа рымҩа, ВИЕМ, ақалақь агәаҿы аҩнеихагылақәа рҟны аӡы халом.

Гәымсҭатәи амассив, Ешератәи амҩа аӡымҩангага аремонт азыруеит.

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

5