Скачки в селе Дурипш

Аҽырыҩра, амҵәышәымпыл, ашьапылампыл: Аԥсны аспорттә афиша

17
(ирҿыцуп 10:42 14.09.2020)
Sputnik еиднакылеит цәыббра 14-20 рзы имҩаԥысраны иҟоу, еиҳа аинтерес зҵоу аспорттә хҭысқәа реидкыла.

Иааиуа амчыбжь азы имҩаԥгахоит еиуеиԥшым аспорттә еиндаҭларақәа. Урҭ инарылукаауа Sputnik аспорттә афишаҿ.

Бадраҟ Аҩӡба, Sputnik

Ахада Ихраҿаз аҽырыҩра

Аԥсны ахада Ихраҿаз аҽырыҩрақәа рымҩаԥгара аҿҳәара инахеит цәыббра 12 инаркны цәыббра 19 рахь. Аҿҳәара анахара атәыла ахада играфик иадҳәалоуп.

Бзыԥтәи аипподром аҿы имҩаԥгахо ари ауснагӡатә иалахәхоит аҽыҩқәа 30.

Аҽырыҩра иалагоит асааҭ 10:00 рзы.

Аԥыжәаратә ҭыԥқәа ргаразы быжь-еикәшарак рҿы еиндаҭлоит: 1200 метра – ҩышықәса зхыҵуа аҽыҩқәа, 1400 метра – Аџьынџьтәылатә еибашьраан иҭахаз ргәалашәаразы аԥхьахә, 1600 метра – Аԥсны ииз аҽыҩқәа, 1800 метра – Аԥсны иҟоу Урыстәыла Ацҳаражәҳәаҩ иаԥхьахә, 2000 метра – Аԥсны раԥхьатәи ахада Владислав Арӡынба иаԥхьахә, 2400 метра – атәыла ахада иаԥхьахә, 3200 метра – Аԥсны аҩбатәи ахада Сергеи Багаԥшь иаԥхьахә.

Аԥсны ахада Ихраҿаз аҽырыҩра аԥхьахәтә фонд 1 000 000 мааҭ иҟоуп.

Анапылапыл азы атурнир

Аҽырыҩрақәа рыдагьы иааиуа амчыбжь азы имҩаԥгахоит иаарту Ареспубликатә турнир анапылампыл азы, Аԥсны анапылампыл азы Афедерациа раԥхьатәи ахада Едуард Ԥлиа игәалашәара иазкны.

Атурнир аатуеит цәыббра 18 рзы Сергеи Багаԥшь ихьӡ зху аспорт Ахан аҿы.

Едуард Константин-иԥа Ԥлиа, аҳәынҭқарратә, аполитикатә, ауаажәларратә усзуҩ, Аԥсны аимадара уаанӡатәи аминистр, АЕ "Аԥсныеимадара" адиректор хада, Аԥсны анапылампыл азы Афедерациа раԥхьатәи ахада, анапылампыл азы Аԥсны аспорт азҟаза, аорден "Ахьӡ-Аԥша" III аҩаӡара занашьаз диит нанҳәа 26, 1937 шықәса рзы. Иԥсҭазаара далҵит ԥхынгәы 25, 2012 шықәса рзы.

Ашьапылампыл азы Аԥсны Ахраҿа

Ашьапылампыл азы Аԥсны Ахраҿаз аиндаҭларақәа ирылахәуп аа-командак: "Нарҭ", "Динамо", "Ерцахә", "Риҵа", "Афон", "Самырзаҟан", "Гагра", "Саӡ".

Цандрыԥшьтәи акоманда "Саӡ" атәыла ачемпионат ахәмаррақәа ирылахәым, аха аҳәара ҟанаҵеит атәыла Ахраҿаз ахәмаррақәа ирылахәхарц.

Иааиуа амчыбжь азы ахәмаррақәа ирылагоит афинал аԥшьбатәи ахәҭаҿы иаиааиуа иалкааразы.

Цәыббра 14 рзы Гал ақалақьтә стадион аҿы еиԥылоит галтәи "Самырзаҟани" очамчыратәи "Ерцахәи". Уаанӡа "Ерцахә" 4:0 ҳәа аԥыжәара аиухьан.

Цәыббра 15 рзы аҟәатәи "Динамо" аҳҭнықалақьтә стадион аҿы "Гагра" ахәмарыҩцәа аднакылоит.

Цәыббра 16 рзы гәдоуҭатәи "Риҵа" аҟәатәи "Нарҭ" иацыхәмаруеит Лев Ажьиба ихьӡ зху астадион аҿы.

Ашьапылампыл азы Аԥсны Ахраҿаз афинал мҩаԥгахоит абҵара 8 азы астадион "Динамо" аҿы.

17
Архивное фото Капитолия в Вашингтоне

Еиду аштатқәа Урыстәыла аганахь асанкциа ҿыцқәа аланагалеит

0
(ирҿыцуп 09:42 16.04.2021)
Еиду америкатәи аштатқәа асанкциақәа аланагалеит хә-хатәхаҿыки х-еилахәыраки рганахьала Ҟрым иахырҟьаны.

АҞӘА, мшаԥы 16 - Sputnik. Еиду аштатқәа Урыстәыла аганахь асанкциа ҿыцқәа аланагалеит ҳәа аанацҳауеит РИА Новости Аҩны шкәакәа адыррақәа ҵаҵӷәыс иганы.

"Иахьа (мшаԥы 15 рзы - аред.) Џьо Баиден Иусбарҭа Урыстәыла аганахьала ауснагӡатәқәа аднакылеит аҵыхәтәантәи аиҳабыреи аԥшыхәратә маҵзурақәеи ЕАА асуверинитети аинтересқәеи ахьҵыршәаауазы", - ҳәа аҳәоит Аҩны шкәакәа аҳәамҭаҿы.

Рашәара 14 раахыс ЕАА афинанстә усҳәарҭақәа азин рыҭам Урыстәыла Абанк хадеи Афинансқәа рминистрреи хәызмоу ақьаадқәа рымрыхәҳаларц.

Вашингтон иара убасгьы аԥкрақәа аланагалеит атехнологиатә еилахәырақәа фба рганахьала урҭ "урыстәылатәи амаҵзура ҷыдақәа ркиберпрограммақәа ирыцхраауеит" ҳәа ишьаны. Арахь иаҵанакит арратә технополис "Эра".

Адокумент аҿы иҳәоуп Урыстәыла Адәныҟаԥшыхәратә маҵзура "инарҭбаау акибершпионаж" SolarWind ацхыраарала имҩаԥнагоит ҳәа.

Асанкциатә сиа хадырҭәааит Урыстәыла 32 еилахәыреи хатәхаҿи рыла "алхрақәа рхы рыладырхәит" ҳәа рызҳәаны.

"ЕАА азыхиоуп аҩыза-ҳәынҭқаррақәа, апартниорцәа ршәарҭадара аиқәыршәара, иҟаҳҵогьы аҽазнык ишьақәнарӷәӷәоит ари апринцип ҳшацәхьамҵуа", - ҳәа аҳәоит аҳәамҭа арелиз аҿы.

Уи адагьы Американтәи иқәырцоит Вашингтон адипломатиатә миссиа аусзуҩцәа жәаҩык. Мшаԥы 15 ашьыжь, жәларбжьаратәи аусқәа рзы Афедерациа ахеилак ахантәаҩ актәи ихаҭыԥуаҩ Владимир Џьабаров аҳәамҭа ҟаиҵеит ари Москва аҭак шанаҭо.

Ахаша Урыстәыла ААР аҟынтә РИА Новости адырра аиуит ЕАА ацҳаражәҳәаҩ Џьон Салливан Урыстәыла ахада ицхырааҩ Иури Ушаков иахь дышнаԥхьаз, Баиден Урыстәылеи ҳареи ҳаизыҟазаашьақәа еиӷьтәтәуп ҳәа ииҳәаз ашьҭахь асанкциа ҿыцқәа аларгалар Москва уи аҭак шанаҭо.

Уаанӡа Баидени Владимир Путини ҭелла реицәажәараан иҳәеит ахԥатәи атәылаҿы еиԥылар шиҭаху. Урыстәыла ахада ипресс-маӡаныҟәгаҩ Дмитри Песков асанкциақәа алагалахаанӡа иҳәахьан урҭ ахадацәа реиԥылара иацхраауа ишыҟам.

0

Аслан Бжьаниа Урыстәыла аделегациа идикылеит

4
(ирҿыцуп 09:37 16.04.2021)
Урыстәыла аекономикатә ҿиара аминистрреи Урыстәыла афымцамч аминистрреи рхаҭарнакцәа рделегациа Аԥсны иааны иҟоуп Аинвестициатә программала асоциал-економикатә ҿиара ацхрааразы аобиектқәа рыргылара шцо рбаразы.

АҞӘА, мшаԥы 16 - Sputnik. Аԥсны ахада Аслан Бжьаниа мшаԥы 15 рзы идикылеит Урыстәыла аекономикатә ҿиара аминистр ихаҭыԥуаҩ Сергеи Назаров зхадараҿы дыҟоу аделегациа ҳәа аанацҳаит ахада ипресс-маҵзура.

Урыстәыла аекономикатә ҿиара аминистрреи Урыстәыла афымцамч аминистрреи рхаҭарнакцәа рделегациа Аԥсныҟа иааит мшаԥы 15 рзы Аинвестициатә программала асоциал-економикатә ҿиара ацхрааразы аобиектқәа рыргылара шцо рбаразы. Аусутә ныҟәара аҳәаақәа ирҭагӡаны аинспекциа рызун Гагра араион аобиектқәа.

Урыстәылатәи аделегациа аԥсшәа раҳәо ахада агәыӷра ааирԥшит Аԥсни Урыстәылеи рекономикатә усбарҭақәа русеицура ԥхьаҟагьы қәҿиарала имҩаԥыслап ҳәа.

Анаҩс имҩаԥысит инарҭбаау аилатәара: Аԥсны аԥыза-министр Александр Анқәаб, ахада Иусбарҭа анапхгаҩы Алхас Кәыҵниа, ихаҭыԥуаҩ Џьансыхә Нанба, аԥыза-министр ихаҭыԥуаҩ Владимир Делба, аԥыза-министр ихаҭыԥуаҩ, аекономика аминистр Кристина Озган, Аҳазалхратә маҵзура ахантәаҩы Оҭар Хьециа алархәны.

  • Аслан Бжьаниа Урыстәыла аделегациа идикылеит
    © Sputnik / Томас Тхайцук
  • Аслан Бжьаниа Урыстәыла аделегациа идикылеит
    © Sputnik / Томас Тхайцук
1 / 2
© Sputnik / Томас Тхайцук
Аслан Бжьаниа Урыстәыла аделегациа идикылеит

Аилацәажәараҿы ирзааҭгылан 2020-2022 шықәсазтәи Аԥсны асоциал-економикатә ҿиараз Аинвистициатә программа иазыԥхьагәанаҭо ауснагӡатәқәа.

Аԥыза-министр Кристина Озган 2020-2022 шықәсазтәи Аԥсны асоциал-економикатә ҿиараз Аинвестициатә программа ауснагӡатәқәа дрылацәажәеит. Аслан Бжьаниа дазааҭгылеит Роспотребнадзор Урыстәыла алаларазы иҟанаҵаз аԥҟарақәа реиҭакра азҵаара.

"Ари Аԥсны азҵаара рацәа цәырнагеит. Аиҳаракгьы атуристтә сезон аламҭалаз. Атуризм – ареспублика аекономикатә хырхарҭақәа ираԥхьагылоуп. Ҳгәыӷуеит ҳара ҳахь иаауа атуристцәа арҭ аиҭакрақәа рԥырхагахарым ҳәа. Абри азҵаараҿы адгылара ҳауп ҳәа сыԥшуп", - иҳәеит ахада.

Урыстәыла аекономикатә ҿиара аминистр ихаҭыԥуаҩ Сергеи Назаров иҳәеит азҵаара ҵоураны иӡбахап ҳәа агәра шиго.

Аиԥылараҿы ирылацәажәан аԥсуа-аурыс усеицура егьырҭ азҵаарақәагьы.

4