Арратә ҽазыҟаҵарақәа "Кавказ-2020" рыхәҭа хада Аԥсны имҩаԥысуеит

7
(ирҿыцуп 09:35 15.09.2020)
Астратегиа командаҟаҵаратә-штабтә ҽазыҟаҵарақәа "Кавказ-2020" мҩаԥгахоит цәыббра 21 - 26 рзы, Урыстәыла арратә мчрақәа рыштаб Хада аиҳабы инапхгарала.

АҞӘА, цәыббра 15 – Sputnik, Асмаҭ Ҵәыџьԥҳа. Аԥсуа ари Аԥсны иҟоу урыстәылатәи арратә база аруааи злахәны имҩаԥгахо аҽазыҟаҵарақәа "Кавказ-2020" рыхәҭак Аԥсны имҩаԥгахоит цәыббра 24 - 25 рзы ҳәа Sputnik иазеиҭеиҳәеит Аԥсны атәылахьчара аминистрра Аштаб хада аиҳабы ихаҭыԥуаҩ Вадим Камкиа.

Иара иажәақәа рыла аҽазыҟаҵарақәа раан Аԥсны ахьӡала иқәгылоит арра-ҳаиртә мчрақәа, амотохысцәа, анапынҵа ҷыда змоу арҟәшақәа.

"Аҽазыҟаҵарақәа рысценари ала "аӷа" ааха иҭалахоит артиллериа, авиациа рхархәарала, иара убасгьы иҭархахалоит адиверсиа-ԥшыхәратә гәыԥқәа, амшынтә десант", - иҳәеит Камкиа.

Астратегиа командаҟаҵаратә-штабтә ҽазыҟаҵарақәа "Кавказ-2020" мҩаԥгахоит цәыббра 21 - 26 рзы, Урыстәыла арратә мчрақәа рыштаб Хада аиҳабы, Атәылахьчара аминистр актәи ихаҭыԥуаҩ  Валери Герасимов инапхгарала, Аладатәи арратә округ аполигонқәа – "Прудбой", "Ашулук", "Капустин Яр", "Арзгирский", "Копанской" рҟны. Уи адагьы Амшын еиқәеи Каспитәи амшыни аакваториақәа рҿы имҩаԥгахоит афлотилиақәа злахәу аепизодқәа.

Аҽазыҟаҵарақәа ирыдыԥхьалахоит 80 000-ҩык аруаа. Аполигонқәа рахь инагахоит 250 танк, 450 аршьаҟауаа рмашьынақәа, акәылӡтәы транспортиорқәа, 200 артиллериатә системеи  ареактивтә системақәеи.

Аҽазыҟаҵарақәа ҩ-етапкны имҩаԥгахоит. Актәи аан –  арратә напхгара иазыԥхьагәарҭоит арра-политикатә ҭагылазаашьаҿы аҽазыҟаҵарақәа, аҩбатәи аан – амилаҭрацәатә ар ргәыԥ реицҽазыҟаҵарақәа.

Аҽазыҟаҵарақәа раан аус рыдулахоит ар рнапхгара азҵаарақәа атерроризм аҿагылараан. Астратегиатә маниоврқәа ирылахәхоит Белоруссиа, Мианма, Иран, Индиа, Пакистан рыруаа.

7

Аҟәа ақалақь ахадараҿ акарантин алагалоуп

1
(ирҿыцуп 10:11 23.09.2020)
Беслан Ешба цәыббра 22 рзы инапы аҵаиҩит аусдҵа: "Аҟәа ақалақь ахадараҿы акоронавирустә инфекциа (COVID-19) алаҵәара азыԥхьагәаҭареи аԥырҟәҟәаареи рзы ауснагӡатәқәа рзы".

АҞӘА, цәыббра 23– Sputnik. Аҳҭнықалақь ахада Беслан Ешба адҵа ҟаиҵеит ақалақь ахадара аусзуҩцәа русурҭа ҭыԥқәа рҟны рыҟазаара аҟынтәи рхы иақәиҭтәызарц цәыббра 22 инаркны жьҭаара 5 рҟынӡа руалафахәы ааныжьны. Ари аҩыза аусдҵа рыдкылоуп аусбарҭаҿ COVID-19 змаз ахьазгәаҭаз азы ҳәа аанацҳауеит ақалақь ахадара асаит.

"Ақалақь ахадара аусура арежим иадҳәалоу аԥкырақәа ирыҵаркуам ахадара амаҵзурауааи иара убасгьы аструктуратә ҟәшақәа рнапхгаҩцәа ишьақәдыргыло аграфик иаҵанакуа аструктуратә ҟәшақәа рҟазауааи", - аҳәоит адырраҭараҿы.

Ахадараҿы ауаа рыдкылара жьҭаара 5 рҟынӡа иаанкылоуп.

Уаанӡатәи адырраҭарақәа рыла, Аԥсны АҶА аусурақәа рымҩаԥгараан ақалақь ахадара аусзуҩцәа аднаԥхьалоит ада ԥсыхәа ыҟамкәа ианазыԥхьаӡоу. АҶА апресс-маҵзураҿы Sputnik иазеиҭарҳәеит аусбарҭа амаҵзурақәак адистанциатә усурахь ииасуеит ҳәа.

Акоронавирус иазку ажәабжьқәа шәрыԥхьар ҟалоит абра>>

1
Атемақәа:
Ачымазара ҿкы – акоронавирус Аԥсни адунеи аҿи: иалкаау

Sputnik аҿы иалацәажәоит самбо азы Афон ҿыц имҩаԥысуа XVII Жәларбжьаратәи атурнир

3
(ирҿыцуп 09:29 23.09.2020)
Цәыббра 23 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Афон ҿыц имҩаԥысуа XVII-тәи Жәларбжьаратәи атурнир иазку апресс-конференциа.

Апресс-конференциа иалахәхоит:

  • Михаил Чалмаз - дзиудои самбои рзы Аԥсны Афедерациа ахада
  • Михаил Пиканин - дзиудои самбои рзы Аԥсны Афедерациа ахантәаҩы
  • Андреи Погосов - дзиудои самбои рзы Аԥсны Афедерациа ахада ихаҭыԥуаҩ
  • Роберт Новоиан - дзиудои самбои рзы Аԥсны Афедерациа ахада ихаҭыԥуаҩ

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

3