Бжьаниа иҳәеит агоспиталь аҿы аус зуа аҳақьымцәа ашәарацҵақәа шрыҭахо

15
(ирҿыцуп 19:20 15.09.2020)
Цәыббра 15 азтәи адыррақәа рыла Гәдоуҭатәи ахәышәтәырҭаҿ аус руеит 125-ҩык аҳақьымцәа.

АҞӘА, цәыббра 15 – Sputnik. Аԥсны ахада Аслан Бжьаниа аҳәамҭа ҟаиҵеит Гәдоуҭатәи ахәышәтәырҭа амедицинатә усзуҩцәа русуразы ралкаара ахәҭоуп ҳәа.

Аслан Бжьаниа ахәышәтәырҭаҿ иҟазаараан Агәабзиарахьчара аминистр Ҭамаз Ҵахнакиа диҳәеит амедперсонал рсиа азирхиарц.

"Ҭабуп ҳәа расҳәар сҭахуп рџьабаазы. Асиа азшәырхиарц сшәыҳәоит цәыббра 30 рҟынӡа. Алшара ҳаԥшаауеит", - иҳәеит иара.

Бжьаниа иҳәеит аҳәынҭқарра агоспиталь аҿы аус зуа аҳақьымцәа ашәарацҵақәа шрырҭало, аԥхьахәқәагьы ԥкрыда ишрызшәахало.

Цәыббра 15 азтәи адыррақәа рыла Гәдоуҭатәи ахәышәтәырҭаҿ аус руеит 125-ҩык аҳақьымцәа. Иара убасгьы Урыстәылеи Аԥсни ргәабзиарахьчаратә министррақәа реиныррала ара аус руеит урыстәылатәи аҳақьымцәа аҩбатәи ргәыԥ.

Ахәышәтәырҭа иҭоуп 67 пациент, урҭ рҟынтәи 65-ҩык COVID-19 шрымоу шьақәырӷәӷәоуп. Хәҩык абокс ҷыдаҿы ишьҭоуп.

Иара убас шәаԥхьар ҟалоит:

15

Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

11
(ирҿыцуп 20:13 19.09.2020)
Ачарақәа рура аамҭа ахыгахоит иааиуа амзазы. Ас еиԥш аҭагылазаашьа ачараурҭатә хыбрақәа рыԥшәмацәеи ачара аҿҳәара ԥызҵәахьоу ауааи зҭанаргыло ауадаҩрақәа ртәы арадио Sputnik аефир аҟны еиҭеиҳәеит абанкеттә зал аиҳабы Авҭандил Ҷедиа.
Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

Аҳәынҭқарра ахада Аслан Бжьаниа аусԥҟа ҭижьит "Аԥсны Аҳәынҭқарра ауааԥсыра ргәабзиара акоронавирустә инфекциа COVID-19 ацәыхьчаразы хаз игоу уснагӡатәқәак рышьақәыргыларазы" ҳәа. Аԥкрақәа азинмчы роуеит жьҭаара 5 инаркны. Урҭ инарықәыршәаны, ачарақәа рымҩаԥгара аанкылатәхоит.

"Ашықәс нҵәаанӡа 20-25 чара ҳәа ашәҟәы ианҵаны иҳамоуп. Аԥарагьы ԥароуп, аха ачымазара ыҟазар, аҳәынҭқарра ахада иҭижьыз аусԥҟа ажәлар ацныҟәоит ҳәа ауп ишыздыруа, ус ауп ишеилыскаауа. Ажәлар чмазаҩхар, ирыцҳашьатәуп. Ауаа кредитла аԥара ргеит, ачара иазыԥшын, аха иҟауҵои. Ачара ахьыруа ахыбрақәа рҟны 40-45 рҟынӡа ҽнак иҭыҵуа ауаа аус руеит… Ачарақәа рыҿҳәара ԥҵәоуп. Октиабр азы ашәҟы ианыз сентиабр ахь рҽанырҵар рҭаххеит, агәыҭҟьара иҟоу збоит, аҩашагьы ачарақәа ҟарҵо иалагеит", - иҳәеит Ҷедиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

11

Даҽа 53-ҩык Аԥсны ауааԥсыра акоронавирус рыдбалоуп

5
(ирҿыцуп 18:24 19.09.2020)
Иахьатәи аамҭазы Аԥсны иахьаҵанакуа 878-ҩык акоронавирус шрылоу шьақәдыргылахьеит. Урҭ рахьтә 240-ҩык апациентцәа ргәы бзиахахьеит, быжьҩык рыԥсҭазаара иалҵит.

АҞӘА, цәыббра 19 - Sputnik. Даҽа 53-ҩык Аԥсны ауааԥсыра акоронавирустә чымазара шрылоу шьақәырӷәӷәахеит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

"Иҳаҩсыз уахыки-ҽнаки рыла акоронавирустә инфекциа рылоу ирыламу аилкааразы игәаҭан 195-ҩык ауааԥсыра, урҭ рахьтә ачымазара рыдбалоуп 53-ҩык", - ҳәа аҳәоит аацҳамҭа.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 81-ы апациентцәа, урҭ рахьтә 78-ҩык ари адиагноз рзышьақәырӷәӷәоуп, рҭагылазаашьа хьанҭоуп фҩык, ибжьаратәуп 13-ҩык. Ргәы бзиаханы ахәышәтәырҭаҟнытә иоушьҭуп хәҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

5
Атемақәа:
Ачымазара ҿкы – акоронавирус Аԥсни адунеи аҿи: иалкаау