Аҵара аминистрра: COVID-19 иахырҟьаны ашколқәа раркра макьана иаҭахны иҟам

18
(ирҿыцуп 10:29 16.09.2020)
Аԥснытәи ашколқәа рҿы аҵаратә процесс иалагеит ишахәҭаз еиԥш – цәыббра 1 азы, аха акоронавирус иахырҟьаны аурокқәа арежим ҷыдала имҩаԥысуеит.

АҞӘА, цәыббра 16 – Sputnik. Аԥсны аҵара аминистр Инал Габлиа иазиԥхьаӡоит иахьазы аҵаратә процесс аанкылара ахәҭаны иҟам ҳәа. Абри аҩыза аҳәамҭа ҟаиҵеит иара Аслан Бжьаниа дызлахәыз акоординациатә штаб аилатәараҿы.

"Макьаназ аҵаратә процесс ҳзаанкылом, Асанитартә-епидемиологиатә маҵзура абжьгарақәа мҩаԥаагалароуп. Уаанӡа ишысҳәахьаз еиԥш, ашәарҭара иҭагылоу арҵаҩцәа зыԥсахша ҳаԥшаауеит. Уи апроблема аӡбуеит. Убри аан аӡәгьы издырам уаҵәы, уаҵәашьҭахь иҟало", - иҳәеит иара.

Ада ԥсыхәа ҟамлар адистанциатә ҵарахьы ииастәуп, уи иацу атехникатә проблемагьы ӡыбтәуп ҳәа иҳәеит Габлиа.

"Анапхгара рахь аҳәара ҟасҵоит арҵаҩцәеи аҵаҩцәеи планшетла еиқәыршәазарц. Убри аан ирацәаҩуп арҵаҩцәа апланшет зхы иззамырхәо. Урҭ дырҵара ҳхахьы иаагоит. Асеиԥш аҿырԥштәқәа уаанӡагьы иҟан, иаҳҳәап ашкол "Алашара" аҿы абри аметод ала апрограмма иахысуан, ақәҿиарақәагьы ыҟан. Акарантин ахь ҳамцар ада ԥсыхәа анаму абри аҿы ҳкылсроуп", - иҳәеит иара.

Аслан Бжьаниа иҳәеит ашколқәа зегьы рҿы асанитартә-епидемиологиатә нормақәа ишрықәныҟәалатәу. Иара дазҵааит ашоурашәагақәеи арзҩыдагақәеи азхо иазымхо ҳәа.

"Агәабзиарахьчара аминистррахь аҳәара ҟаҳҵахьеит, аха макьаназы ишахәҭоу ҳаиқәыршәам. Агуманитартә еиҿкаарақәа ацхыраара ҳарҭараны иҟоуп", - ҳәа иҳәеит аминистр.

Аслан Бжьаниа иазгәеиҭеит аиҳабыра рахь иахәҭаны иҟоу реиқәыԥхьаӡа нарышьҭырц, ашколқәа иахәҭоу ацхыраара рыҭаразы.

"Шәара аматериал азшәырхиа, ашколқәа рҟынтә аинформациа еидышәкыл. Аҳәынҭқарра уи инақәыршәаны иахәҭоу аусқәа мҩаԥнагоит. Сгәы иаанагоит азҵаара ҳаӡбап ҳәа", - иҳәеит ахада.

Иахьазы Аԥсны иахьаҵанакуа 726 коронавирустә хҭыс аҭыԥ рымоуп. Гәдоуҭатәи ахәышәтәырҭа иҭоуп 66-ҩык апациентцәа, урҭ рҟынтәи 63-ҩык COVID-19 шрымоу шьақәырӷәӷәоуп. Ааҩык рҭагылазаашьа хьанҭоуп, зеижәҩык – бжьаратәуп.

Иара убас шәаԥхьар ҟалоит:

18
Атемақәа:
Ачымазара ҿкы – акоронавирус Аԥсни адунеи аҿи: иалкаау (869)

Аԥсны акоронавирус аламырҵәаразы аԥкра ҿыцқәа ирыцҵоуп ажьырныҳәа 12-нӡа

5
(ирҿыцуп 22:20 24.11.2020)
Аԥсны акоронавирустә чымазара ҿкы аламырҵәаразы иназыцҵоу аԥкрақәа ралагаларазы адҵа инапы аҵаҩын жьҭаара 13 рзы, урҭ рыҿҳәара нҵәон абҵара 24 рзы.

АҞӘА, абҵара 24 - Sputnik. Аԥсны ахада Аслан Бжьаниа аусдҵа инапы аҵеиҩит. Уи инақәыршәаны аԥкырақәа рыҿҳәара инахахоит 2021 шықәса ажьырныҳәа 12 рҟынӡа ҳәа аанацҳауеит ахада исаит.

Аусдҵа анапы аҵаҩуп Акоординациатә штаб 2020 шықәса абҵара 20 азтәи аӡбра шьаҭас иҟаҵаны.

Аусдҵа ҿыц инақәыршәаны ареспубликаҿы 2021 шықәса ажьырныҳәа 12 рҟынӡа азин ыҟам:

  • Ашколқәраҟынӡатәии азеиԥшҵаратәи еиҿкаарақәа русура урҭ реиҿкаара-зинтә формеи рхатәтәратә формеи ирыхьмырԥшыкәа;
  • Амассатә спорттә, агәмырҿыӷьгатә, ацәыргақәҵатә уснагӡатәқәа иарку аҭыԥқәа рҿы рымҩаԥгара;
  • Акультуратә усҳәарҭақәа (атеатрқәа, амузеиқәа, абиблиотекақәа, акультуратә центрқәа, акультура аханқәа, аконцерттәи ацәыргақәҵатәи залқәа) русура;
  • Афитнес-центрқәа, атренажиортә залқәа, аӡсарҭатәбассеинқәа, СПА-салонқәа, асаунақәа русура;
  • Арҵаратә кружокқәа, аспорттә, акәашаратә, арепетициатә секциақәа русура;
  • Акомпиутортә залқәа, абоулингқәа, ахәыҷтәы хәмарырҭатә центрқәа, егьырҭ аԥсшьарҭатә ҭыԥқәа;

Ауааԥсыра ирабыжьгоуп ауаажәларратә ҭыԥқәа рҟны рыҟазаараан ахыхьчаратә хархәагақәа ах рархәара, аԥсрақәеи аԥсхәрақәеи ирылахәу ауааԥсыра рхыԥхьаӡара рырмаҷра, аныҳәақәа раан акульттә обиектқәа (аҵакырақәа) рҟны ауаа рырмаҷра.

Абри аамҭазы икоммерциатәуи иккоммерциатәыми аиҿкаарақәа ирабжьгоуп руалафахәы рызныжьны 60 шықәса ирҭысхьоу, ашколқәраҟынӡатәии алагарҭатә школқәреи (1-4 аклассқәа) ирыҵаркуа ахәыҷқәа змоу русзуҩцәа рхы иақәиҭыртәырц ажьырныҳәа 12 2021 шықәсанӡа рулафахәы рызныжьны.

Аҟәа ақалақьи араионқәеи рҟны афатә, ақыҭанхамҩатә, ацәамаҭәатә џьармыкьақәа рҟны апрофилактикатә рзҩыдара мҩаԥгалатәуп.

Араионқәа рхадарақәа еиҿыркаароуп есыҽнтәи арзҩыдаратә усурақәа ауаажәларратә транспорт аҿы, атранспорт арныҟәцаҩцәа асабрадақәа рҿазароуп, амедицинатә напхаҵақәа ныҟәыргозароуп. Иара убасгьы иҟалом ахыхьчага зхы иазмырхәо апассаџьырцәа рныҟәгара.

Ауаажәларратә крыфарҭақәа ирабыжьгоуп робиектқәа ртәарҭақәа 50 процент рхы иархәаны атәылауаа рымаҵура иазку аишәақәа рыбжьара асоциалтә дистанциа (1,5 метра) рыбжьаҵарац, амаҵ зуа аусуҩцәа хаҭалатәи ахыхьчагақәа (амедицинатә сабрадақәеи амедицинатә напҭарҧақәеи) рхархәаразы аҭаххарақәа ирықәныҟәаларазы.

5
Атемақәа:
Ачымазара ҿкы – акоронавирус Аԥсни адунеи аҿи: иалкаау (869)

Абҵарамза 25 рзы Аҟәа ахәҭак ӡыда иаанхоит

5
Гәымсҭатәи амассив, Ешератәи амҩа аӡымҩангага аремонт азыруеит абҵара 25 рзы, убри инадҳәаланы аӡынашьҭра аанкылахоит.

АҞӘА, абҵара 24 - Sputnik. Абҵара 25 асааҭ 03:00 инаркны асааҭ 18:00 рҟынӡа Аҟәа ахәҭак ӡыда иаанхоит ҳәа аанацҳауеит АУН "Аӡыканал".

Аӡынашьҭра аанкылахоит: Араион ҿыц, Ажәытә ҳабла, Колос, Адыгаа рымҩа, ВИЕМ, ақалақь агәаҿы аҩнеихагылақәа рҟны аӡы халом.

Гәымсҭатәи амассив, Ешератәи амҩа аӡымҩангага аремонт азыруеит.

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

5