Аԥсны Аҵәахырҭатә банк атәанчахәы ашаразы цәыббрамзатәи аграфик шьақәнаргылеит

20
(ирҿыцуп 12:52 16.09.2020)
Аԥсны Аҵәахырҭатә банк есымза урыстәылатәи атәанчахәқәа ршара аграфик аус аднаулоит. Цәыббрамзазы атәанчахәыҭара амҩаԥысшьа хылаԥшра арҭоит Урыстәыла Атәанчахәытә фонд аделегациа.

АҞӘА, цәыббра 16 – Sputnik. Аԥсны Аҵәахырҭатә банк цәыббрамзатәи аграфик шьақәнаргылеит атәанчахәы ашаразы ҳәа иҳәеит абанк анапхгара ахантәаҩы Роберт Агрба ателеилахәыра "Абаза-ТВ" аинтервиу аҭо.

"1940 шықәсанӡа ииз ҳтәылауаа атәанчахәы роуеит цәыббра 16 синаркны; 1941 - 1947 шықәсқәа рзы ииз цәыббра 21 инаркны; 1947 - 1950 шықәсқәа рзы ииз цәыббра 24 инаркны; 1951 - 1953 шықәсқәа рзы ииз цәыббра 28 инаркны; 1954 - 1956 шықәсқәа рзы ииз – жьҭаара 2 инаркны; 1957 шықәса рзы ииз жьҭаара 5 инаркны", - иҳәеит иара.

Роберт Агрба иазгәеиҭеит аграфик ала атәанчахәшара зеиҿыркааз атәы.

"Ауаа ирҭахуп атәанчахәқәа аамҭак ала ирзыршәаларц. Аха урыстәылатәи атәанчахәы амза 16-17 рзы иаауазар, иара 30 нызқьҩык рҟынӡа ироуеит, нас аԥсуа тәанчахәы ҟалар, уи 40 нызқьҩык раҟара ироуеит, иҟало шәазхәыц. Аамҭакала ари аҟара ауаа рымаҵ ҳзуӡом. Убри азы аамҭа-аамҭала еихаҳшеит", - ҳәа иҳәеит Агрба.

Роберт Агрба иажәақәа рыла, Аԥсны иааны иҟоуп Урыстәыла Атәанчахәытә фонд ахаҭарнакцәа, атәанчахәшара амҩаԥысшьа ахылаԥшразы.

Иалшоит аԥсуеи аурыс гани еилацәажәаны атәанчахәқәа уаанӡеиԥш абанктә картақәа рыла роура иалагар ҳәа иҳәеит Агрба. Аха макьаназы усеиԥш еиқәшаҳаҭра ыҟам.

Ԥхынгәымза анҵәамҭазы Аԥсны асоциалтә еиқәыршәареи адемографиатә политикеи рминистр Руслан Аџьба адырра ҟаиҵеит нанҳәамза инаркны урыстәылатәии аԥснытәии атәанчахәқәа Аҵәахырҭатә банк акассақәа рыла ршара ишалаго.

Иара убас шәаԥхьар ҟалоит:

20

Аԥсны даҽа 85-ҩык акоронавирус рыдырбалеит, ҩыџьа рыԥсҭазаара иалҵит

4
(ирҿыцуп 20:36 28.11.2020)
Иҳаҩсыз уахыки-ҽнаки рыла COVID-19 рылоу ирыламу аилкааразы 238-ҩык атестқәа рзыҟаҵан, урҭ рахьтә 85-ҩык акоронавирус рцәа ишалаз аадырԥшит.

АҞӘА, абҵара 28 - Sputnik. Гәдоуҭатәи араионтә хәышәтәырҭа хадаҿы аԥсҭбарақәа ҩба ҟалеит, ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.

Абҵара 18 рзы лыԥсҭазаара далҵит 1946 шықәсазы ииз апациент. Иара акоронавирустә инфекциеи ҩганктәи аполисегментартә гәыҵәкреи иманы ахәышәтәырҭа дҭашәеит жьҭаара 19 рзы. Иақәнагаз атерапиа шызмҩаԥыргозгьы, идунеи иԥсахит игәеисра аԥсыҽхара иахҟьаны абҵара 28 рзы, ашьыжь.

Иԥсҭазаара далҵит 74 шықәса ирҭагылаз даҽа пациентк. Иара ахәышәтәырҭа дҭашәеит жьҭаара 26 рзы акоронавирус ицәа иаланы. Изымҩаԥыргоз атерапиа иахьмырԥшкәа, апациент иԥсҭазаара далҵит абҵара 27 рзы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 67-ҩык ауааԥсыра, урҭ рахьтә 56-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 14-ҩык, ибжьаратәуп - 7-ҩык.

Аҟәатәи аинфекциатә хәышәтәырҭаҿы ирхәышәтәуеит 34-ҩык апациентцәа, аӡәы иҭагылазаашьа уадаҩуп.

Аҟәатәи амобилтә госпиталь аҟны ишьҭоуп акоронавирус зыдбалоу 45-ҩык апациентцәа. 43-ҩык рҭагылазаашьа бжьаратәуп ҳәа иԥхьаӡоуп, ҩыџьа рҭагылазаашьа бааԥсуп.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 5883-ҩык ыҟоуп. Урҭ рахьтә ргәы бзиахеит 3678-ҩык, рыԥсҭазаара иалҵит 81-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Ачымазара ҿкы – акоронавирус Аԥсни адунеи аҿи: иалкаау
Даур Латария

Латариа дазааҭгылеит адинхаҵара иадҳәалоу ауаажәлар ирызцәырҵуа азҵаарақәа ртәы

4
(ирҿыцуп 18:25 28.11.2020)
Ауаажәларратә еиҿкаара "Аԥшьаҭыԥ" анапхгаҩы Даур Латариа арадио Sputnik аефир аҿы еиҭеиҳәеит адинхаҵара иадҳәалоу ауаажәлар ирызцәырҵуа азҵаарақәа ртәы.
Латариа: жәытә-натә аахыс аԥсуа ирыман дара рхатә анцәахаҵара

"Жәытә-натә аахыс аԥсуа ирыман дара рхатә анцәахаҵара. Ҳазшаз даӡәыкуп, аха адинхаҵарақәа еиуеиԥшым, доусу иара итәала дазнеиуеит. Аԥсуаа ақьырсиан атәгьы ныҟәыргоит, амсылман итәгьы ныҟәыргоит, Ажьирахьгьы инеиуеит. Зегьы мҩаԥаҳгоит Ҳазшаз игәы ҟаҳҵарц. Уажәы қьырсианла аҿбаара иҵалоит. Ԥсыуала аныҳәагатә мҩаԥызгар зҭаху изы уи акгьы амам. Ажәытә аԥсуаа ирымаз ачгара, уи ауаҩы даныԥслак акәын, ахаа ықәырҵаанӡа, ашьтәа ршьаанӡа ичгон. Анаҩсан шәарыцара ианцоз, мышкы ҩымш ианычгозгьы иҟан. Ачгарақәеи аҿбаарақәеи зегьы ныҟәаҳго ҳалагар, ҳаԥсуарагьы каҳажьыр акәхоит", - иҳәеит Латариа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

4