Аҵыхәтәантәи агәҽанҵареи аексперт иҿахәи: аӡбаҩцәа Ҭарба иус иахәаԥшуеит

8
(ирҿыцуп 11:17 17.09.2020)
Аԥсны Аҩнуҵҟатәи аусқәа рминистрра аҩныҵҟа иҭакыз Анзор Ҭарба иԥсра иадҳәаланы аабатәи аилатәара мҩаԥган цәыббра 16 рзы.

Апроцесс ахарадҵаҩ иԥсыз Ҭарба иаҳәшьа, Аида Ҭарԥҳа аилатәара лалахәразы азин лыҭара рҽазыршәеит Анзор Ҭарба иԥсыбаҩ агәаҭара мҩаԥызгоз аексперт иҿахәы дазыӡырҩырц азы.

Ааха зауз лырхынҳәра

Цәыббра 16 рзы имҩаԥысуаз аилатәарахь, уаанӡа аӡбаҩ Инар Кәарҷиа иӡбрала аӡбарҭатә регламент еилалгоит ҳәа аилатәарақәа рылахәра азин змихыз, зыԥсҭазаара иалҵыз Анзор Ҭарба иаҳәшьа, Аида Ҭарԥҳа дааит.

Кәарҷиа иҳәеит лара аилатәара алахәхара азин лымам ҳәа. Адукат иҟаиҵаз аҳәара аҭакс иҳәеит ахарадҵаратә ган ҩыратә формала Аида Ҭарԥҳа уажәшьҭарнахыс аԥҟаррақәа шеилалымго азы лырзаҳал аздырхиар акәын ҳәа.

Ҭарԥҳа арзаҳал аҩра мап ацәылкит, Анзор Ҭарба иԥҳа Милана Ҭарԥҳаи лареи егьырҭ аҭаацәара алахәылацәеи аилатәаратә зал ааныжьны идәылҵит.

Аӡбаҩ аԥсеиҭакра анрылеиҳәа ашьҭахь Милана Ҭарԥҳа дгьежьит аӡбарҭатә зал ахь. Аида Ҭарԥҳа лдукат Авҭандил Ҷкадуа иазгәеиҭеит аҭаацәа рҭагылазашьа, амилаҭтә ҟазшьа аҷыдарақәа азхьаԥшра рыҭаны ааха змоу аилатәара ралахәхара азин ҟарҵарц.

Аӡбаҩ уи дақәшаҳаҭхеит, аха Кәарҷиа аҽазныкгьы агәҽанҵара ҟаиҵеит аӡбаҩцәа раҳаҭыр лымбар аилатәаратә зал дышдәылгахо азы.

Аекспер иҿахәы

Аилатәараҿы аӡбарҭа-медицинатә експертиза ареспубликатә биуро аиҳабы Геннади Бобуа иҿахәы иҿырхуан. Иара 2019 шықәса ԥхынгәы 12 рзы Анзор Ҭарба иԥсыбаҩ агәаҭара мҩаԥигон.

Бобуа иажәақәа рыла, ԥхынгәы 11 рзы Аԥсны ААР аусзуҩцәа аҭел изасит, иаанкылаз ауаҩы иԥсыбаҩ агәаҭаразы днеирц.

"Уахынланы акгьы збом ҳәа шысҳәазгьы исышьҭаланы аҩны инеит. Аҭыԥ аҿы саннарга уажәшьҭа уаҭахны уҟам ҳәа сарҳәеит. Сырхынҳәны аҩныҟа сыргеит. Ус зыҟалаз ҳәа акгьы сарымҳәеит саргьы сымҵааит", - иҳәеит аексперт.

Ахьчаратә ган азҵаара – аҭел иасызи ишьҭаланы инеизи зусҭцәоу – рҭак изыҟамҵеит, исгәалашәом ҳәа.

- Шәара уахынла шәыргыланы Аҩныҵҟатәи аусқәа рминистррахь шәнаргеит, нас шәаҭахым ҳәа шәдыргьежьит. Експертк иҳасаб ала оумашәа ишәымбаӡеи, акгьы ахышәымҳәааӡеи? - ҳәа дҵааит Авҭандил Ҷкадуа.

- Ҳәарада, аха аиҳабыра ус рҳәеит анырҳәа иҟасҵоз. Еиҳабыс уа иҟаз ҳәа сара уаҩ дсымбеит, – ҳәа аҭак ҟаиҵеит Бобуа.

Ԥхынгәы 12 ирзы Бобуа аусҭҵааҩ дицны Тҟәарчал, Ҭарба иҩнаҿы аԥсыбаҩ гәеиҭон.

Анзор Ҭарба дыԥҟан ԥхынгәы 14 рзы, иԥсра зыхҟьаз ҳәа ишьақәыргылан иваҵкьарақәа рыԥҵәара, ицәеижь шьаршәыла ахҩара. Бобуа иажәақәа рыла, иара ихы инаркны ишьапаҟынӡа дҟәаҟәан.

"Аҟәаҟәара мҩаԥгазар алшон иҟагәоу маҭәарк ала: ҭачкәымла, хыла, лабала", - ҳәа иҳәеит иара.

Апрокурор дазҵааит асеиԥш ҟалар алшозма амардуан аҟынтәи дкаҳар ҳәа. Бобуа уи аҭакс иҳәеит аҟәаҟәарақәа рыхәҭак шалшоз, аха итәарҭа инаркны ишьамхаҟынӡа аҭыԥ змаз ашьеизакыра акаҳара иахҟьомызт ҳәа.

Ахьчаҩцәа рган аинтерес рыман афымцашокер ашьҭа, ма ахәырратә шьҭа ыҟазу иҟамзу. Бобуа изныкымкәа иазгәеиҭеит усеиԥш акгьы шимбаз.

Анзор Ҭарба иҭахаразы изаамҭанытәиу аилатәара мҩаԥгахоит цәыббра 21 рзы.

8
Гурам Шоуа

Раионк аԥсҭазаараҟынтә: Шьоууа авирус змоу рзы ахәышәтәырҭақәа рҿы аҭыԥқәа раартразы

6
(ирҿыцуп 19:22 22.09.2020)
Гәылрыԥшьтәи арратә госпиталь аҳақьым хада Гәырам Шьоууа арадио Sputnik аефир аҿы еиҭеиҳәеит акороновирус змоу рзы Агәыӡера ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Шьоуа авирус змоу рзы ахәышәтәырҭақа рҿы аҭыԥқәа раартразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра уҳәа убас. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Ари ачымазара зыхьуа ҳзаанагоит, урҭ ҳрыхәаԥшуеит нас ишахәҭоу аҭыԥ иқәаҳҵоит, шьоукы аҩныҟа, шьоукы – Гәдоуҭаҟа, аха уи анализқәа рҭак анҳаулак ашьҭахь. Ахәышәтәырҭа атерапиа аҟәшаҿы архиара ҳаҿуп 40-ҩык рҭыԥ ари ачымазара зыхьуа рышьҭаҵаразы, аха макьана хаз аҟәша аашәырты ҳәа адҵа ҳмоуӡац. Иахьазы дҵас иҳамоу: ачымазаҩцәа ашоура змоу, Агәыӡера рыдкылара, нас ишахәҭоу аус рыдулароуп. Ахәышәтәырҭаҿы акоронавирус аҟынтә иахьазы анализ аҭак иазыԥшу ҳәа аӡәгьы дыҟам, зегьы аҩны итәоуп. Дара есымша аҭел ҳарзасуеит, рҭагылазаашьа еилаҳкаауеит. Анализ аҭак анааилак нас рыхәшәтәразы даҽа мҩак ылаҳхуеит. Аҩны рҽырхәышәтәуеит 16-ҩык рҟынӡа", - ҳәа еиҭеиҳәеит Шьоууа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6

Акоронавирустә хҭыс ҿыцқәа даҽа 59 азгәаҭоуп Аԥсны

12
(ирҿыцуп 20:08 22.09.2020)
Иахьатәи аамҭазы Аԥсны иахьаҵанакуа акоронавирус 1054-ҩык ишрыхьхьоу аарԥшуп. Урҭ рахьтә 311-ҩык апациентцәа ргәы бзиахеит, быжьҩык акоронавирус зыхьуаз рыԥсҭазаара иалҵит.

АҞӘА, цәыббра 22 – Sputnik. Аԥсны даҽа 59-ҩык акоронавирус рцәа ишалаз аадырԥшит ҳәа аанацҳауеит Ауааԥсыра акоронавирус рацәыхьчаразы аоперативтә штаб. 

"Цәыббра 22 рзтәи адыррақәа рыла, иҳаҩсыз уахыки-ҽнаки рзы игәаҭан 198-ҩык ауааԥсыра, урҭ рахьтә адиагноз COVID-19 рзышьақәдырӷәӷәеит 59-ҩык", - ҳәа аарыцҳауеит аоперштаб аҟынтәи.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 98-ҩык апациентцәа, дара зегьы ари адиагноз рзышьақәырӷәӷәоуп, рҭагылазаашьа хьанҭоуп быжьҩык, ибжьаратәуп 31-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

12
Атемақәа:
Ачымазара ҿкы – акоронавирус Аԥсни адунеи аҿи: иалкаау