В Севастополе начали принимать документы на выдачу российских паспортов

Акадрқәа азхом: избан аҳәаанырцә тәылауаҩшәҟәқәа рзы анкетақәа ргәаҭара зеиҵадырхо

9
(ирҿыцуп 12:16 17.09.2020)
Хәышықәса ҿҳәарас измоу урыстәылатәи аҳәаанырцәтә тәылауаҩшәҟә аԥсахра зҭаху атәылауаа рыдкылара мҩаԥыргоит Аԥсны иҟоу Урыстәыла ацҳаражәҳәарҭа аконсултә ҟәшаҿы.

АҞӘА, цәыббра 17 – Sputnik, Асмаҭ Ҵәыџьԥҳа. Урыстәылатәи аҳәаанырцәтә тәылауаҩшәҟә аԥсахразы арзаҳалқәа рыдкылареи аус рыдулареи реиҵахара зыхҟьо аҟәшаҿы акадрқәа рыҟазаара ахьазымхо ауп ҳәа Sputnik иазеиҭарҳәеит Аԥсны иҟоу Урыстәыла ацҳаражәҳәарҭа апресс-маҵзураҿы.

"Аԥсны иҟоу Урыстәыла ацҳаражәҳәарҭа аконсултә ҟәшаҿы хҩык адипломатцәа аус руеит. Сынтәа иара аусура аиҵахара зыхҟьаз акоронавирус иахырҟьаны мызки бжаки аҭааҩцәа рыдкылара ахьзалмыршаз ауп. Ус шакәугьы зықәра иҭысхьоу, аинвалидцәа уаанӡеиԥш ҷыдала рымаҵ руеит. Аконсултә ҟәша аусзуҩцәа арҭ атәылауаа рдокументқәа рыдыркылоит иагьрырҭоит агәаран иқәмыргылакәа, иара уа ашҭаҿы мамзаргьы рыҩныҟа инеины", - аҳәоит аусбарҭа Facebook аҿтәи аофициалтә даҟьаҿы.

Аԥсны аминистрцәа реилазаараҿы иҟоу Урыстәыла атәылауаҩра аиуреи аҳәаанырцә тәылауаҩшәҟәқәа реиҿкаареи рзы аконсультациатә ҭыԥ анапхгаҩы Фаина Герман лажәақәа рыла, цәыббрамзатәи аталонқәа зманы аҳәаанырцә тәылауаҩшәҟә аԥсахразы арахь инеиуа рдокументқәа рыхкьыԥхьаа ҟарҵоит, ирарҳәоит ирхиоу анкетақәа ԥхынҷкәынмзазы иргар шыҟало.

Анкета анроуа аҽны иалшоит аҳәынҭбаџь ашәара, уи ашьҭахь ауп аконсултә ҟәшахьы уадҵаалар анулшо.

"Иҟоуп згәы иамыхәо, аха ԥхынҷкәынмзазы мышкы ахы-аҵыхәала апроцедура зегь шеиҿкаахо анроуҳәалак уеилыркаауеит. Ишҳалшо ала аус армариара ҳашьҭоуп", - ҳәа лҳәоит лара.

Ԥкырада анкета аиура рылшоит 75 шықәса ирҭысхьоу, згәабзиаратә ҭагылазаашьа ала аҳәаанырцә ицараны иҟоу, Аԥсны анҭыҵ аҵара зҵо астудентцәа.

Хәышықәса аҿҳәара змоу атәылауаҩшәҟә азы аҳәынҭбаџь иартәоит 2450 мааҭ.

Зыҿҳәара иахыԥахьоу аҳәаанырцә тәылауаҩшәҟә аиуразы аконсультациатә ҭыԥ аҿы иахәҭоу адокументқәа анрыҭатәу арыцхә арбаны аталон рырҭоит.

Аталон аҿы иарбоу арыцхә аҽны абарҭ адокументқәа хиазароуп:

  • Атәылауаҩшәҟәы;
  • Аҭыӡҭыԥ зну аԥсуа ҩныҵҟатә тәылауаҩшәҟәы;
  • Аиразы аршаҳаҭга;
  • Аҭаацәара ушалалаз азы аршаҳаҭга (ажәла ԥсахзар);
  • Афотосахьақәа ԥшьба- 3,5X4,5.

Адокументқәа анрыдыркылалак ашьҭахь аконсультациатә ҭыԥ аусзуҩцәа анкета ҷыда хадырҭәаауеит.

Абиуро акассаҿ абаџь анушәалак ашьҭахь Аԥсны иҟоу Урыстәыла ацҳаражәҳәарҭа аконсултә ҟәшахьы унеиуеит. Ара атәылауаҩшәҟәы аиҿкаара мҩаԥыргоит, арегламент инақәыршәаны, хымз рыҩныҵҟала.

Иара убас шәаԥхьар ҟалоит:

9
Гурам Шоуа

Раионк аԥсҭазаараҟынтә: Шьоууа авирус змоу рзы ахәышәтәырҭақәа рҿы аҭыԥқәа раартразы

6
(ирҿыцуп 19:22 22.09.2020)
Гәылрыԥшьтәи арратә госпиталь аҳақьым хада Гәырам Шьоууа арадио Sputnik аефир аҿы еиҭеиҳәеит акороновирус змоу рзы Агәыӡера ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Шьоуа авирус змоу рзы ахәышәтәырҭақа рҿы аҭыԥқәа раартразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра уҳәа убас. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Ари ачымазара зыхьуа ҳзаанагоит, урҭ ҳрыхәаԥшуеит нас ишахәҭоу аҭыԥ иқәаҳҵоит, шьоукы аҩныҟа, шьоукы – Гәдоуҭаҟа, аха уи анализқәа рҭак анҳаулак ашьҭахь. Ахәышәтәырҭа атерапиа аҟәшаҿы архиара ҳаҿуп 40-ҩык рҭыԥ ари ачымазара зыхьуа рышьҭаҵаразы, аха макьана хаз аҟәша аашәырты ҳәа адҵа ҳмоуӡац. Иахьазы дҵас иҳамоу: ачымазаҩцәа ашоура змоу, Агәыӡера рыдкылара, нас ишахәҭоу аус рыдулароуп. Ахәышәтәырҭаҿы акоронавирус аҟынтә иахьазы анализ аҭак иазыԥшу ҳәа аӡәгьы дыҟам, зегьы аҩны итәоуп. Дара есымша аҭел ҳарзасуеит, рҭагылазаашьа еилаҳкаауеит. Анализ аҭак анааилак нас рыхәшәтәразы даҽа мҩак ылаҳхуеит. Аҩны рҽырхәышәтәуеит 16-ҩык рҟынӡа", - ҳәа еиҭеиҳәеит Шьоууа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6

Акоронавирустә хҭыс ҿыцқәа даҽа 59 азгәаҭоуп Аԥсны

13
(ирҿыцуп 20:08 22.09.2020)
Иахьатәи аамҭазы Аԥсны иахьаҵанакуа акоронавирус 1054-ҩык ишрыхьхьоу аарԥшуп. Урҭ рахьтә 311-ҩык апациентцәа ргәы бзиахеит, быжьҩык акоронавирус зыхьуаз рыԥсҭазаара иалҵит.

АҞӘА, цәыббра 22 – Sputnik. Аԥсны даҽа 59-ҩык акоронавирус рцәа ишалаз аадырԥшит ҳәа аанацҳауеит Ауааԥсыра акоронавирус рацәыхьчаразы аоперативтә штаб. 

"Цәыббра 22 рзтәи адыррақәа рыла, иҳаҩсыз уахыки-ҽнаки рзы игәаҭан 198-ҩык ауааԥсыра, урҭ рахьтә адиагноз COVID-19 рзышьақәдырӷәӷәеит 59-ҩык", - ҳәа аарыцҳауеит аоперштаб аҟынтәи.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 98-ҩык апациентцәа, дара зегьы ари адиагноз рзышьақәырӷәӷәоуп, рҭагылазаашьа хьанҭоуп быжьҩык, ибжьаратәуп 31-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

13
Атемақәа:
Ачымазара ҿкы – акоронавирус Аԥсни адунеи аҿи: иалкаау