Бжьаниа Гагра ашәахтәқәа рымшәара апроблема еилыргазарц адҵа ҟаиҵеит

14
(ирҿыцуп 14:28 17.09.2020)
Аслан Бжьаниа анапынҵа ҟаиҵеит ашәахтәқәа рымшәаразы аус Апрокуратура хадахьы инашьҭызарц.

АҞӘА, цәыббра 17 – Sputnik. Аԥсны ахада Аслан Бжьаниа Аԥсны ашәахтәқәеи аизгақәеи рминистрреи Аҩныҵҟатәи аусқәа рминистрреи рнапы ианиҵеит Гагра араион аҿы ашәахтәқәа зымшәо рус Апрокуратура хадахьы инашьҭызарц.

Ахада исаит ишаҳәо ала, ари аҩыза аҳәамҭа ахада иҟаиҵеит Гагра араион актив реизараҟны.

Араион ахада Иури Хагәышь ахада иирдырит 600-ҩык инарзынаԥшуа ашәахтәшәаҩцәа ашәҟәы ишҭагалам. Бжьаниа иҳәеит аиҳабыра абри аганахь ала аус дырӷәӷәар шакәхо.

"Асеиԥш изыҟалеи? Уи азы аҭакԥхықәра здыда? Иумбар, иумаҳар ауам. Асеиԥш ԥхьаҟагьы аусқәа анца аҭыԥантәи ашәахтә усбарҭақәа рнапхгаҩцәа ԥсахтәхоит", - иҳәеит иара.

Бжьаниа иара убасгьы иҳәеит азинхьчаратә усбарҭақәак рнапхгаҩцәа аус ҳдыруам ҳәа ргәаанагара шиаҳахьоу.

"Аус жәула, зегь рнапы шәзеинырҟьап уи азы. Алҵшәақәа аашәырԥшла! Иззеилымкаауа, ма еилызкаарц зҭахым рзы аҳәынҭқарра ахатә лшарақәа амоуп", - ҳәа азгәеиҭеит иара.

Ахада иҳәеит Гагра анхара ныҳәак иаҩызоуп ҳәа агәра шиго. Гагра араион ахь Аинвестициатә программа аԥарақәа рҟынтәи 32% нашьҭуп. Урҭ аԥарақәа уажәы ахархәара рырҭоит.

"Ари иаанаго атәыла анапхгара Гагра гәыгәҭарыжьуам ауп. Ҿырԥшыгас: Аинвестпрограммала Очамчыра араион иазоужьу 221 миллион мааҭ роуп. Уи иартәоит 5%. Иахьынӡеиԥшым шәымбои?", - ҳәа дҵааит атәыла ахада.

Аслан Бжьаниа иазгәеиҭеит араион аҿы еизгахо ашәахтәқәа иара ара иныххоит ҳәа.

"Ашәахтә маҵзурақәа, азинхьчаратә усбарҭақәа, аӡбратә приставцәа еизырымго аԥара ара иаанхон, урҭ аӡәгьы ишәымихуамызт", - иҳәеит иара.

Урыстәылатәи ацхыраара далацәажәо Бжьаниа иҳәеит аҵыхәтәантәи ԥшьышықәса абиуџьет аусхк аусзуҩцәа (агәабзиарахьчара, аҵарадырра, акультура, аспорт) руалафахәы ишахҭынҵаз миллиардки 440 миллиони мааҭ.

"Урыстәыла ацхыраара арҭ иарбоу аусхкқәа рҿы миллиардки ҩынҩажәа миллиони мааҭ артәеит – 78%, ҳара иаҳтәу 22% роуп", - иҳәеит ахада.

Аԥсны беиахар ҳҭахызар аус улатәуп, аинвесторцәа рзгьы аҭагылазаашьа маншәалақәа аԥҵатәуп ҳәа иҳәеит ахада.

"Аусушьа ҳҵароуп, уаҳа аҽа мҩак ыҟам", - азгәеиҭеит иара.

Аилатәара еихшьало Бжьаниа аиҳабыреи иусбарҭеи анапынҵақәа шриҭо атәы иҳәеит.

14

Кирвалԥҳа Очамчыра арентген аппарат аҟамзааразы: даҽа аамҭанык еиԥшымкәа иаҭахуп

2
(ирҿыцуп 10:34 26.10.2020)
Адырраҭара "Шьыжьбзиа Аԥсынтәыла" амҩаԥгаҩ Камила Кирвалԥҳа арадио Sputnik аефир аҿы еиҭалҳәеит COVID-19 ахәышәтәраан Очамчыра араион аҿы ауааԥсыра ирԥыло ауадаҩрақәа ртәы.
Кирвалԥҳа Очамчыра арентген аппарат аҟамзааразы: даҽа аамҭанык еиԥшымкәа иаҭахуп

Очамчыра араион аҿы иҟам арентген аппарат, уи аус ауӡом, ачымазара змоу ррыԥҳақәа рҭагылазаашьа гәарҭацаз араион анҭыҵ ицароуп ҳәа еиҭалҳәеит Кирвалԥҳа арадио аефир аҿы.

"Очамчыра араион дууп, 27 қыҭа ахьыҟоу ауаагьы рхыԥхьаӡара рацәоуп. Раԥхьа ачымазаҩ дахьнеиуа араионтә хәышәтәырҭахь ауп. Аҳақьым данысзыӡырҩ ашьҭахь арентген ҟаҵатәуп ҳәа салҳәеит, ахәышәтәырҭаҿы аппарат ахьыҟамыз азы Аҟәаҟа сцар акәхеит. Актәи амш азы санца, уа агәаран сықәгылан сааҭки бжаки инарзынаԥшуа ашоура шсымаз. Усҟан срыԥҳақәа цқьоуп ҳәа сарҳәеит. Мышқәак анабжьыс аҩынтә раангьы сцар акәхеит. Агәаран сшықәгылаз алашара дырцәеит, амш аҩбатәи азыбжанӡа Аҟәа ҳаҟан, ҳазыԥшын алашара аныҟало ҳәа. Алашарагьы ҟамлеит, саргьы сгәы ҽеимшәа анызба аҩны сааргеит. Сыԥсы анеиҭаск аҳақьым исабжьалгеит Галтәи ахәышәтәырҭахь ацара. Аҵыхәтәаны ахәылбыҽха убра аҳақьым сидикылан, арентген ҟасҵеит. Амш зегьы аҩныҵҟа абри аус ҳашьҭан, ари хымԥада, араион ауааԥсыра рзы ауадаҩрақәа цәырнагоит, егьырҭ аамҭақәа иреиԥшымкәа арентген аппарат ахәышәтәырҭаҿы иаҭахуп", - ҳәа азгәалҭеит Кирвалԥҳа.

Иара уи адагьы, ачымазара зхызгаз лажәақәа рыла, араион аҿы иҟарҵаӡом ПЦР- анализ. Иааидкыланы ачымазара ахәышәтәра имаҷымкәа аԥара шаго, излымшо ауаа рзы ари еидара ӷәӷәоуп, ҳәа азгәалҭеит лара.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Акоронавирус иазку ажәабжьқәа зегьы шәрыԥхьар ҟалоит абра>>

2

"Нарҭи" "Афони" реиԥылара: ашьапылампыл азы Аԥсны ачемпионат афинал

2
(ирҿыцуп 10:02 26.10.2020)
Амҽыша, жьҭаара 25 рзы акомандақәа "Нарҭи" (Аҟәа) "Афони" (Афон Ҿыц) реиԥыларала имҩаԥысит ашьапылампыл азы Аԥсны ачемпионат аҵыхәтәантәи ахәмарра.

Аҟәатәи "Нарҭ" ашьапылампыл азы Аԥсны иачемпионхеит, ашьапылампылтә клуб "Афон" ианаиааи ашьҭахь. Аҟәатәи аклуб Афонҿыцтәи акоманда иаԥнагеит 3:0 ҳәа ашьапылампыл азы Ачемпионат аҵыхәтәантәи атур аҿы.

Ачемпионат аихшьаалақәа рыла "араӡны" аиуит гәдоуҭатәи "Риҵа", ахԥатәи аҭыԥ ннакылеит аҟәатәи акоманда "Динамо".

2
  • © Sputnik / Томас Тхайцук

    Афон Ҿыц имҩаԥган ашьапылампыл азы Аԥсны ачемпионат ахәмарра.

  • © Sputnik / Томас Тхайцук

    Афинал аҟны "Нарҭи" (Аҟәа) "Афони" (Афон Ҿыц) ркомандақәа еиԥылеит.

  • © Sputnik / Томас Тхайцук

    Ахәмарра ахәбатәи аминуҭ аан ампыл амба иҭаиршәит Ҭемыр Агрба ("Нарҭ" Аҟәа)

  • © Sputnik / Томас Тхайцук

    Аҩбатәи атаим аан аӡбаҩ аҟәатәи акоманда ахәмарыҩ Асҭамыр Џьынџьал далицеит. Абри ашьҭахь "Нарҭ" жәаҩыкны ихәмаруан.

  • © Sputnik / Томас Тхайцук

    Еиҭахарыла ма аҵахарыла ихәмарыр актәи аҭыԥ зауаз гәдоуҭатәи "Риҵа" акәхон.

  • © Sputnik / Томас Тхайцук

    Ҭемыр Агрба, аҽазныкгьы, 60-тәи аминуҭ азы ампыл ҭаиршәит. 71-тәи аминуҭ азы ахԥатәи ампыл амба иҭаиршәит Алан Кәыҵниа.

  • © Sputnik / Томас Тхайцук

    Аҟәатәи аклуб Афонҿыцтәи акоманда иаԥнагеит 3:0 ҳәа ашьапылампыл азы Ачемпионат аҵыхәтәантәи атур аҿы.

  • © Sputnik / Томас Тхайцук

    Ачемпионат аихшьаалақәа рыла "араӡны" аиуит гәдоуҭатәи "Риҵа", ахԥатәи аҭыԥ ннакылеит аҟәатәи акоманда "Динамо".

  • © Sputnik / Томас Тхайцук

    27-тәи ачемпионати Атәыла ахраҿеи рзы ахәмаррақәа ирылахәын быжь-командак: "Риҵа", "Афон", "Ерцахә", "Самырзаҟан", "Динамо", "Нарҭ", "Гагра".

  • © Sputnik / Томас Тхайцук

    Ашьапылампыласҩцәа риааира иақәгәырӷьоит.

  • © Sputnik / Томас Тхайцук

    Аԥсны ашьапылампыл азы ачемпионат ахәмаррақәа хацыркын нанҳәа 3 - 4 рзы.

  • © Sputnik / Томас Тхайцук

    Аҟәатәи "Нарҭ" ашьапылампыл азы Аԥсны иачемпионхеит.