Аҟәатәи ашкол №1 арҵаҩцәа COVID-19 азы атестқәа ирхысуеит

20
(ирҿыцуп 15:53 21.09.2020)
Акоронавирус зцәа иалаз Аҟәатәи абжьаратә школ №1 арҵаҩы Қырҭтәылатәи ахәышәтәырҭаҿы цәыббра 20 рзы лыԥсҭазаара далҵит.

АҞӘА, цәыббра 21 – Sputnik. Аҟәатәи ашкол №1 арҵаҩцәа зегьы COVID-19 рылоу ирыламу агәаҭаразы атестқәа ирхысроуп ҳәа иҳәеит арадио Sputnik аинтервиу азҭаз Аҵареи абызшәатә политикеи рминистрра апресс-маӡаныҟәгаҩ Аслан Қәҭелиа.

Баграт Шьынқәба ихьӡ зху Аҟәатәи ашкол №1 аҵаҩцәа ҩымчыбжьтәи акарантин ахь иоушьҭуп ашкол аҿы иҟоу аепидемиологиатә ҭагылазаашьа инадҳәаланы.

"50-ҩык рҟынӡа аҵаҩцәеи рҵаҩцәақәаки ршоура ҳаракуп. Убри азы аминистри ашкол адиректори реицәажәараан иазырыӡбеит ашкол ҩымчыбжьтәи акарантин ахь ииагазарц. Аминистрра асанитартә маҵзурақәа акарантин аамҭаан арзҩыдаратә уснагӡатәқәа мҩаԥгазарц адҵа ҟанаҵоит", - иҳәеит Қәҭелиа.

Иара убасгьы иҳәеит аминистрра ашколқәа зегьы рҿы аепидемиологиатә ҭагылазаашьа шыҟоу азы адырра аиулоит ҳәа. Иара иажәақәа рыла макьаназы ареспублика ашколқәа раркра азҵаара иалацәажәам.

"Акарантин аҿы иҟоу аклассқәа маҷым. Зегьы еилыркаауазароуп акарантин аҿы иҟоу аҵаҩы 14 мшы ихы ԥхьакны дыҟазар шакәу", - ҳәа иҳәеит иара.

Аминистрра апресс-маӡаныҟәгаҩ иҳәеит ареспублика ашколқәа рҿы СЕС абжьгарақәа ишрықәныҟәо.

"Ахәыҷқәа ршоура ршәоит. Аҭаацәа ашкол аҵакырахь инарышьҭуам, аклассқәа аԥша рыҩнадырсуеит. Хара имгакәа арзҩыдагақәеи лакьысрадатәи ашоурашәагақәеи рзаҳшоит", - ҳәа иҳәеит иара.

Акоронавирус зцәа иалаз Аҟәатәи абжьаратә школ №1 арҵаҩы Қырҭтәылатәи ахәышәтәырҭаҿы цәыббра 20 рзы лыԥсҭазаара далҵит. Лара уи адагьы еиуеиԥшымыз ачымазарақәа лыман.

Уаанӡа Sputnik зыҿцәажәоз ашкол адиректор Нонна Делԥҳа илҳәеит ҩымчыбжьтәи акарантин ахь ахәыҷқәа шоушьҭу. Лара лажәақәа рыла, аклассқәа хәба рҟны ачымазара здырбалақәаз ыҟоуп.

Иара убас шәаԥхьар ҟалоит:

20

Уахыки-ҽнаки рыла 106-ҩык акоронавирус шрылаз аадырԥшит Аԥсны

9
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4058-ҩык ыҟоуп. Урҭ рахьтә ргәы бзиахеит 2071-ҩык, рыԥсҭазаара иалҵит 36-ҩык.

АҞӘА, жьҭаара 28 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 458 ҟаҵан, урҭ рахьтә акоронавирус аарԥшын 106 тест рҟны ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 137-ҩык ауааԥсыра, урҭ рахьтә 118-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 40-ҩык, илҩаауп 15-ҩык апациентцәа. Гәдоуҭатәи агоспиталь иҭашәеит жәҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 51-ҩык апациентцәа. 47-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп. Амобилтә госпиталь аҟынтәи илҩаауп быжьҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

9
Атемақәа:
Ачымазара ҿкы – акоронавирус Аԥсни адунеи аҿи: иалкаау

Џьынџьал Тҟәарчал аџьықәреи аҽаҩразы: аибашьра еилгеижьҭеи ас еиԥш ҳамбацт

4
(ирҿыцуп 20:06 28.10.2020)
Тҟәарчал араион ақыҭанхамҩа аусбарҭа аиҳабы Амиран Џьынџьал арадио Sputnik аефир аҿы еиҭеиҳәеит сынтәа араион анхацәа рџьықәреи аҽаҩра зеиԥшроу.
Голанӡиаԥҳа акоронавирус азы: абыржәгьы агәра зымго хәыҷык ихшыҩ днанамгозар акәхап

"Ҳраион аҿы ари аҩыза аҽаҩра ҟамлацызт уҳәар ҟалоит. Сынтәа аџьықәреи ахаҭабзиара бзиоуп, алаҵараангьы аҭагалараангьы амшқәа ақәшәеит, зынӡа ахьы иаҩызоуп. Иааидкылан 950 гектар аџьықәреи лаҵаны иҳаман. Гектаркнтә ҩ-тоннаки бжаки ҟалар акәын. Аибашьра еилгеижьҭеи ас еиԥш аҽаҩра ҳамҩбацызт. Аҽаҩра амш иахьыԥшуп, ажәларгьы ибзианы аус адырулан, ҳәарада, алҵшәагьы ҟалеит. Ажәакала, аҭагылазаашьақәеи зегьы еиқәшәеит, ауаа ахагьы роуит, аԥсабарагьы иара атәы ҟанаҵеит", - еиҭеиҳәеит Џьынџьал.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

4