Атестқәа рызҵаара: избан Аҟәа COVID-19 ашьақәырӷәӷәаразы агәаранқәа зыҟоу

19
(ирҿыцуп 17:47 21.09.2020)
Цәыббра 21 ашьыжь 70-ҩык инарзынаԥшуа ауаа Аҟәатәи аҿкчымазаратә хәышәтәырҭаҿы игылан COVID-19 азы анализ аҭаразы.

АҞӘА, цәыббра 21 – Sputnik, Бадраҟ Аҩӡба. Цәыббра 21 ашьыжь ауаа рацәаны Аҟәатәи аҿкчымазаратә хәышәтәырҭаҿы гәаран ҟаҵаны игылан COVID-19 азы анализ аҭаразы, аха зегьы зызнеиз рзыҟамҵеит. Sputnik аинтервиу азҭаз ахәышәтәырҭа аҳақьым хада Мадина Быҭәԥҳа иазгәалҭеит авирус атест аҭаразы аматериал шыԥку.

"Ҳахәышәтәырҭа ПЦР-мазокқәа ргара мҩаԥнагоит, аха мышказы иҳарҭо 20 ПЦР-тест роуп. Иахьымӡаз адырҩаҽны дааиуеит", - ҳәа лҳәеит лара.

Аҳақьым хада лажәақәа рыла, атестқәа рхыԥхьаӡара змаҷу абактериологиатә лабораториаҿы анализ аҟаҵара иахьзахьымӡо ауп.

"Ҳара иҳалшоит еиҳаны ПЦР-мазокқәа ргара, аха урҭ нас ранализ алабораториаҿы аҟаҵара иахьӡаӡом. Убри азоуп ахыԥхьаӡара зыԥку", - ҳәа лҳәеит Быҭәԥҳа.

Роберт иԥҳәыси иареи ашьыжь асааҭ ааба рзы арахь иааихьан. Абри аамҭазы агәаран иқәгылаз асиақәа ҟарҵахьан. Дара 23-тәи аномер ахь иақәшәеит. Роберт иԥҳәыс лшоура ҳаракуп ҩымш раахыс. Аҳақьым иконсультациа ашьҭахь арахь даарышьҭит.

"Асааҭ 9 шыҟоу атестқәа ааргоит рҳәеит. Аха ауаа рацәахеит, асиагьы иацлеит. Жәаба рыбжазы атестқәа ааргеит. Идәылҵыз аҳақьым иҳалалҳәеит атестқәа 20 шракәу иҟоу, аҳәара ҟалҵеит ахәыҷқәеи аинвалидцәеи аԥхьаҟа инашьҭызарц. Еизаз агәынамӡара аадырԥшит. Иҟан изныкымкәа иааихьаз. Ус акә егьыс акә 20-ҩык рҟынтә атестқәа ргеит. Егьырҭ еимыҵит", - ҳәа еиҭеиҳәоит иара.

Апроблема далацәажәеит асанитар ҳақьым хада Лиудмила Скорик.

"Атестқәа ранализ ахьыҟарҵо Ареспубликатә санитартә бактериологиатә лабораториаҿ. Алшарақәа ԥкуп. Иалшоны иҟоу 140-200 ҭҵаара рымҩаԥгара заҵәык ауп. Иахьазы Аԥсны иҟоу абазаҿы 500-1000 ҭҵаара ҟалашьа амаӡам", - ҳәа лҳәеит лара.

Лиудмила Скорик иазгәалҭеит ахәышәтәырҭақәа рҿы абиологиатә материал шакәу ирго.

"Алабораториа абазаҿы анализ ззыҟаҳҵо 200 тест ареспублика зегьы азы еихаҳшоит. Аҟәа ақалақь ахәышәтәырҭақәа зегьы рҿы 55 биоматериал роуп иаагоу. Аҿкчымазаратә хәышәтәырҭаҟынтә – 20. Аҟәа иахьаҵанакуа абиоматериал ргоит Ахәыҷтәы хәышәтәырҭаҿы, Ареспубликатә хәышәтәырҭаҿы, Аҿкчымазаратә хәыәшәтырҭаҿы. Зехьынџьара ишьақәыргылоуп алимит", - ҳәа лҳәеит лара.

Лиудмила Скорик иазгәалҭеит иаауҭахханы анализ аҭараз ишнеитәым.

"Ауаа рацәа ахьыҟаз џьара шәыҟазар, шәхы гәашәҭар шәҭахызар, шәызныруаз ачымазара рымазу ирымамзу жәдыруазароуп. 14 мшы ауаҩы ихы ԥхьакны дыҟазароуп. 14 мшы инеиԥынкыланы аӡәгьы шәизгәаҭаӡом. Алабораториа 14 мшы шәанализ азгаӡом. Асимптоматика шәхы иадшәымбалозар ачымазцәа ҟалар ахьалшо аҭыԥ ахь шәызнеиуеи!" - ҳәа лҳәеит лара.

Уаанӡа Атәылахьчара аминистрра адырра ҟанаҵахьан асанитар-бактериологиатә лабораториа азыԥхьагәаҭоуп Гагра ма Пицунда ҳәа, аха макьаназы ареспубликаҿ аус зуа Аҟәатәи алабораториа мацара ауп.

Иахьатәи аамҭазы аоперштаб адыррала Гәдоуҭатәи араионтә хәышәтәырҭа хадаҿы ишьҭоуп 99-ҩык апациентцәа, урҭ рахьтә 97-ҩык ари адиагноз рзышьақәырӷәӷәоуп, рҭагылазаашьа хьанҭоуп фҩык, ибжьаратәуп 14-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Иара убас шәаԥхьар ҟалоит:

19
Атемақәа:
Ачымазара ҿкы – акоронавирус Аԥсни адунеи аҿи: иалкаау (815)

"Ковид" аԥырхагамхар: Гагра агәамсам аизгаразы атехника аахәара азыԥхьагәаҭоуп

2
(ирҿыцуп 15:40 29.10.2020)
Иазхоны иҟоу агәамсамеизакырҭа атехникеи аконтеинерқәеи раахәаразы 20 миллион мааҭ аҭахны иҟоуп.

АҞӘА, жьҭаара 29 – Sputnik, Бадри Есиава. Аԥхьаҟатәи акурорттә сезон азы Гагра агәамсам аизгаразы атехника аахәара азыԥхьагәаҭоуп акоронавирус апандемиа аԥырхагамхар, абри атәы Sputnik иазеиҭеиҳәеит Гагра араион ақалақьтә нхамҩа аусбарҭа аиҳабы Роман Чагәаа.

Иара иҳәеит иахьазы х-машьынак шракәу ирымоу, аха иахәҭаны иазыԥхьаӡоу ԥшьба-хәба шракәу.

"Асезон алагамҭаз амашьынақәа ҩба ракәын иҳамаз агәамсам ақәгаразы. Ахԥатәи амашьына аремонт азаауит. Аха урҭгьы азхом ақалақь арыцқьаразы аиҳарак аԥхынра аамҭазы. Ианамуӡа 4 ма 5 машьына ҳҭахуп. Иара убасгьы иаахәатәуп 400 цыра агәамсамҭаҵарҭақәа", - иҳәеит Чагәаа.

Чагәаа ишиԥхьаӡо ала иҿыцу атехника 3-4 миллион мааҭ иаԥсоуп. Иааидкыланы 15 миллион мааҭ рҟынӡа инаӡоит. Уи адагьы 5 миллион мааҭ рҟынӡа аинвентарь аахәатәуп.

"Ҳақәгәыӷуеит апандемиа шԥанымҵәари ҳәа. Иара убасгьы ҳгәыӷуеит апроблема аӡбразы атәыла аиҳабыра ҳацхраап ҳәа. Уи залмыршахар, абанк аҿы акредит гатәхоит, избанзар атехника ада ԥсыхәа ҳамам", - иҳәеит Чагәаа.

Акурорттә сезон аан агәамсам Гагра инахыкны иҟоу аполигон ахь иганы икарыжьуеит, мышкала 15-20 реис ҟарҵоит. Ари аполигон ахь инаргоит Гәдоуҭа араион аҿтәи агәамсамгьы. Ацрыҵқәа атехника ҷыдала анышә иарҭоит, агәамсам аус еиҭадулара ахьзалымшо азы.

2

Гоԥиа: аԥсшьаҩцәа атур ҿыцқәа рҭахуп, ҳаргьы ирыдаҳгалаша ҳамоуп

9
(ирҿыцуп 15:42 29.10.2020)
Аныҟәарақәа рымҩаԥгаҩ Денис Гоԥиа арадио Sputnik аефир аҿы иҳәеит аԥсшьаҩцәа рзы ҿыц еиҿыркаауа атурқәа зхылҿиаауа атуристцәа рҭахрақәа шракәу.
Гоԥиа: аԥсшьаҩцәа атур ҿыцқәа рҭахуп, ҳаргьы ирыдаҳгалаша ҳамоуп

"Амандарин аҿалара ианалагалак Урыстәылантә арахь ирацәаҩны аԥсшьаҩцәа аауеит. Иҟоуп атурфирмақәа Аԥсны "амандаринтә тур" ҳәа иахьырбо. Ҳара заа амандаринатә баҳчақәа змоу ҳрацәажәоит аԥсшьаҩцәа ҳаманы ҳашнеиуа ала. Аԥсшьаҩцәа рнапала амандарин ҿырхуеит, агьама рбоит, абаҳчаҿы афотоҭыхымҭақәа ҟарҵоит. Анаҩс урҭ асоциалтә даҟьақәа рҿы иӡырыргоит, уи акыр иацхраауеит Аԥсны аӡбахә аларҵәаразы. Уи збо ҳтәылахь аара иҭаххоит. "Амандаринатә тур" адагьы иҟоуп аџьырмыкьахь игоу аныҟәарақәагьы, ҳмилаҭтә чысқәа: аџьынџьыхәа, алаҳарҩа, аҵәарҩа, ахьырҭиуа аҭыԥқәа рҿы инеиуеит, ирзеиҭаҳҳәоит уи заку. Аԥсшьаҩцәа атур ҿыцқәа рҭахуп, ҳаргьы ирыдаҳгалаша ҳамоуп", - ҳәа еиҭеиҳәеит Гоԥиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

9