Аҵара ҳамҭас: Аҵара аминистрра ашколхәыҷқәа ацхыраара рыҭаразы акциа хацнаркит

18
(ирҿыцуп 11:09 22.09.2020)
Акциа "Ашколхәыҷ изы аелектронтә техника ҳамҭас" иалахәхар зҭаху зегьы ироуеит алшара ԥарала, ма еиқәшәоу акомпиутертә техникала ашколхәыҷқәа ацхыраара рырҭарц.

АҞӘА, цәыббра 22 – Sputnik. Аԥсны Аҵареи абызшәатә политикеи рзы аминистрра ихацнаркит агәыҳалалратә акциа "Ашколхәыҷ изы  аелектронтә техника ҳамҭас". Абри атәы аанацҳауеит аусҳәарҭа Facebook аҿтәи адаҟьаҿы.

"Ҳара ашколқәа иаразнакы иаабац аусурахь риасра уадаҩхар алшоит ҳәа иазыԥхьаӡаны иаҳҭахуп онлаини офлаини аформатқәа реилагӡара. Уи адагьы иахьатәи аамҭазы ашколхәыҷ аноутбук имамкәа иҵараҵара шыуадаҩу аанарԥшит 2020 шықәса ааԥынраамҭа", - аҳәоит атекст аҿы.

Аԥсны Аҵареи абызшәатә политикеи рзы аминистрра иаҳгәаланаршәоит 2020 шықәса хәажәкырамзазы COVID-19 аҭагылазаашьа иахҟьаны аҵаратә усҳәарҭақәа жәпакы адистанциатә ҵарахьы ишиасыз.

"Еилкаахеит аҩны аинтернет ыҟамзар, ирыхәҭоу аелектронтә хархәагақәа рхыԥхьаӡара ыҟамзар ахәыҷқәа аҽазыҟаҵара шрылымшо. Аҭаацәарақәа жәпакы, аиҳаракгьы ахәыҷы рацәа змоу рҭагылазаашьа уадаҩхеит", - аҳәоит атекст.

Абри аҩыза аҭагылазаашьаан «ҳаамҭазтәи ауаҩы изин хадақәа иреиуоу, аҵара амазаара, ашәарҭара иҭагылеит» ҳәа азгәарҭоит аминистрраҟны.

Ашколхәыҷқәа ацхыраара рырҭар алшоит ахатәхаҿқәа реиԥш аиҿкаарақәагьы. Абри азы ашәҟәы нашьҭтәуп Аԥсны Аҵареи абызшәатә политикеи рзы аминистрра аелектронтә ԥошьҭахь.

Иахьазы Аԥсны акарантин адҟаҵалоуп школк амацара. Аҟәатәи ашкол №1 арҵаҩы лыԥсҭазаара даналҵ ашьҭахь арҵаҩцәеи аҵаҩцәеи 14 мштәи ахыԥхьакрахь ирышьҭит.

Иара убас шәаԥхьар ҟалоит:

18

Аԥснынтәи Урыстәылаҟа иргоз аконтрабанда аанкылоуп

2
(ирҿыцуп 16:55 29.10.2020)
Краснодартәи аҳазалхратә маҵзура Шәача ақалақь аҿтәи апресс-маҵзура адырра ҟанаҵахьан аурыс-аԥсуа ҳәааҿы аҭаҭын аалыҵ изакәанымкәа ахыгаразы азинеилагарақәа рхыԥхьаӡара иазҳаит ҳәа.

АҞӘА, жьҭаара 29 - Sputnik. Аушьҭырҭатә ҭыԥ "Адлер" аҿы Урыстәыла АШәМ Краснодартәи атәылаҿацә аҿтәи амаҵзура аусзуҩцәеи аҳазалхыҩцәеи иааныркылеит аҭаҭын аалыҵ аконтрабанда. Абри атәы аанацҳауеит Шәачатәи аҳазалхырҭа апресс-маҵзура.

Аидаратә транспорттә хархәага иҭаҵәахны аԥсуа-аурыс ҳәаа аҭаҭын аалыҵ ахыгара аԥырҟәҟәаан Урыстәыла Афедералтә Шәарҭадаратә Маҵзура Краснодартәи атәылаҿацә аҿтәи амаҵзура аусзуҩцәеи аҳазалхыҩцәеи русеицурала ҳәа азгәаҭоуп аҳәамҭаҿы.

Аԥснынтәи Урыстәылаҟа амҩа иқәыз аидарамҩангагатә автотранспорт агәаҭараан иаарԥшын иҭаҵәахыз аҭаҭын аалыҵ 2560 ҭоԥ (25600 пачка).

Аконтрабандатә аалыҵ изгоз имхуп, аекспертизахь инашьҭуп. Уи алкаақәа инарықәыршәаны ишьақәыргылахоит аалыҵ аџьармыкьатә хәыԥса. Аусҭҵааратә уснагӡатәқәа мҩаԥысуеит.

Уаанӡа Шәача аҳазалхратә маҵзура адырра ҟанаҵахьан аурыс-аԥсуа ҳәааҿы аҭаҭын аалыҵ изакәанымкәа ахыгаразы азинеилагарақәа рхыԥхьаӡара иазҳаит ҳәа.

Краснодартәи атәылаҿацә Шәача ақалақь аҳазалхырҭа иазгәанаҭоит еиҳа иҿыцу атехникатә ҭаԥшыхәгақәа ахархәара шрырҭо урыстәылатәи аџьармыкьахь асигарет маӡала алагалара аԥырҟәҟәааразы.

2

Пицунда ахада атуристцәа рзы: 2020 шықәсазы аахәаратә лшара еиҳахеит

3
Аԥсны атуризм аминистрра адыррала 2020 шықәса нанҳәа 1 инаркны Аԥсны иаҭааит 600 нызқьҩык инареиҳаны атуристцәа.

АҞӘА, жьҭаара 29 – Sputnik, Бадри Есиава. 2020 шықәсазы Пицунда иаҭааз атуристцәа раахәаратә лшара еиҳахеит ҳәа Sputnik иазеиҭеиҳәеит  Пицунда ахада Алхас Шамба.

"Сара 50 шықәса ҵуеит Пицунда сынхоижьҭеи. Ибзианы исгәалашәоит Лиудмила Гурченкои Ельдар Риазановы неиааиуа ҳаԥшаҳәа иананыз. Дысгәалашәоит аолимпиатә чемпион Владислав Третиак ҳпансионат аҿы иԥсы шишьоз. Еиҿсырԥшыша сымоуп. Иахьатәи атуристцәа усҟантәи аамҭақәа рыҩаӡараҟынӡа раахәаратә лшара ҟаланы иҟоуп", - иҳәеит иара.

Шамба иажәақәа рыла, сынтәа, Пицунда иаҭааз ҵыԥх аасҭа рхыԥхьаӡара шеиҵоугьы нанҳәамзаахыс акаҳуажәырҭақәа, ақьафурҭақәа, ахатә сектор ҭәын.

Ақалақь ахада ари атенденциа адиҳәалоит апандемиа иахырҟьаны урыстәылаа адунеитә курортқәарахь рцара ахьыԥкхаз. Иаартыз атәылақәа иреиуан Аԥсны.

"Акаҳуажәырҭақәа рҭааҩцәа рацәаҩын, аплиажқәа, аотельқәа рҿы аномерқәа иара убасгьы иҭәын. Заҟаҩ ҳҭааз сызҳәом, аха абри аамҭазы уаанӡа  Пицунда иаҭаауаз рхыԥхьаӡара абжанӡа ыҟан", - иҳәеит Шамба.

Нанҳәа акы азы аурыс-аԥсуа ҳәаа аадыртызар, Аԥсны иаҭаахьеит 600 000-ҩык атуристцәа иҳәеит Аԥсны атуризм аминистр Ҭеимураз Хышба Аԥсуа телехәаԥшраҿы апресс-конференциа анымҩаԥигоз.

3