COVID-19 рымоуп ҳәа агәаанагара ззыҟоу рзы ақалақьтә хәышәтәырҭаҿы аҟәша ҷыда аадыртуеит

© Sputnik / Марианна КубраваСухумская городская клиническая больница
Сухумская городская клиническая больница - Sputnik Аҧсны
Анапаҵаҩра
Аобсервациатә ҟәша аадыртраны иҟоуп ақалақьтә хәышәтәырҭаҿы, "акоронавирус" рымазар ҟалоит ҳәа агәаанагара ззыҟоу апациентцәа ишалшо ала ацхыраара ласы роурц азы.

АҞӘА, цәыббра 22 – Sputnik. Аобсервациатә ҟәша аадыртраны иҟоуп ақалақьтә хәышәтәырҭаҿы ҳәа Sputnik иазеиҭалҳәеит  ахәышәтәырҭа атерапиа аҟәша аиҳабы Нелли Џьынџьиа.

"Хаз аҩналарҭа ҟалоит, апалатақәа хазхоит. COVID-19 имазар ҟалоит ҳәа ҳгәы иззаанагаз апациент уахь днаагоит. Иаразнакы ирго анализ аҭак ҟалаанӡа уа даанхоит", - лҳәеит лара.

"Атест алабораториахь иҳашьҭуеит. Аҭак ҳауаанӡа ауаҩы аобсервациатә ҟәшаҿы дыҟазаауеит", - лҳәеит лара.

COVID-19 шимоу шьақәырӷәӷәахар, апациент дуадаҩымзар, иҩныҟа дрышьҭуеит ҽыԥхьакра. Иҭагылазаашьа бжьаратәзар, ма ихьанҭазар – Гәдоуҭатәи ахәышәтәырҭахь дрышьҭуеит ҳәа азгәалҭеит Џьынџьиаԥҳа.

Аҵыхәтәантәи адыррақәа рыла, Гәдоуҭатәи араионтә хәышәтәырҭа хадаҿы ишьҭоуп 101-ҩык апациентцәа, урҭ рахьтә 99-ҩык ари адиагноз рзышьақәырӷәӷәоуп, рҭагылазаашьа хьанҭоуп фҩык, ибжьаратәуп 15-ҩык. Ргәы бзиаханы ахәышәтәырҭаҟнытә иоушьҭуп хәҩык апациентцәа.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Иара убас шәаԥхьар ҟалоит:

 

Ажәабжьқәа зегьы
0