Аԥсны АҶА аобиектқәа рырзҩыдара аҭагылазаашьақәа рыԥсахит

11
(ирҿыцуп 15:28 22.09.2020)
Ареспублика араионқәа зегьы рҿы Аԥсны АҶА аҟәшақәа русзуҩцәа аҳәынҭқарратә усҳәарҭақәеи ,аҩнеихагылақәеи, ахатә ҩнқәеи рҟны арзҩыдара мҩаԥыргоит.

АҞӘА, цәыббра 22 – Sputnik. Аԥсны АҶА аусзуҩцәа уажәшьҭарнахыс ахатәхаҿқәеи аусҳәарҭақәеи аҭел расрала арзҩыдарахь инеиуам СЕС абжьагарада. Абри атәы иҳәеит аусҳәарҭа ахада Лев Кәыҵниа аусҳәарҭа аппарат хадеи аҟәшақәа рнапхгаҩцәеи алархәны имҩаԥысуаз аилацәажәараҿы. Аилацәажәараҿы ирзааҭгылан COVID-19 аламырҵәаразы аминистрра имҩаԥнаго аусурақәа ртәы.

"Аминистр Лев Кәыҵниа иакымкәа иҩбамкәа аӡбрақәа идикылеит акоронавирустә инфекциа алаҵәара аамҭазы аусҳәарҭа аусзуҩцәа рхы шымҩаԥыргашазы. Аҳәынҭқарратә ма ахаҭалатә обиектқәа рырзҩыдара иадҳәалоу аусурақәа аҳҭнықалақьтә ма ареспубликатә СЕС ақәшаҳаҭзароуп. Ианеиқәшаҳаҭхалак ашьҭахь ауп Аԥсны АҶА  арзҩыдаратә усурақәа нап аныддыркуа", - ҳәа аҳәоит АҶА адырраҭараҿы.

Уаанӡа аусҳәарҭа аусзуҩцәа аҭел ишырзаслак, аҭыԥ ахь инеиуан.

АҶА анапхгаҩы иазгәеиҭеит "авирус алаҵәара инадҳәаланы аусбарҭақәа рхадарақәа аусура радыԥхьалара мҩаԥгахоит ада ԥсыхәа ыҟамкәа иҟалар" ҳәа.

Акоронавирустә инфекциа ахы шцәырнагаз аиԥшҵәҟьа АҶА аусуҩцәа иаразнакы COVID-19 аҿагылара иазырхоу ауснагӡатәқәа ирылагеит. Акарантин аамҭаан дара аԥсуа-аурыс ҳәааҿы иҷаԥшьон, акоронавирустә инфекциа аҟазаара амониторинг мҩаԥыргон.

Иара убас шәаҳьар ҟалоит:

11
Атемақәа:
Ачымазара ҿкы – акоронавирус Аԥсни адунеи аҿи: иалкаау (806)

COVID аҿагыларазы аԥкырацҵақәа алагалахоит Бжьаниа Москва амедусзуҩцәа данырԥыла ашьҭахь

0
(ирҿыцуп 20:25 27.10.2020)
Аслан Бжьаниа Москва иҟазаараан дырԥылеит Москва аус зуа Аԥснытәи амедицинатә усзуҩцәа.

АҞӘА, жьҭаара 27 - Sputnik. Аԥсны COVID-19 аҿагыларазы аԥкырацҵақәа алагалахоит Бжьаниа Москва амедусзуҩцәа данырԥыла ашьҭахь, абри атәы арадио Sputnik иазеиҭеиҳәеит Урыстәыла иҟоу Аԥсны ацҳаражәҳәаҩ Игор Ахба.

"Аиԥылара еиҿнакааит Москва иҟоу Аԥсны Ацҳаражәҳәарҭа. Уахь инаԥхьан акоронавирус зыхьуа рҟны аус заухьаз ҳџьынџьуаа-амедусзуҩцәа: Владимир Аргәын, Викториа Тарԥҳа, Мераб Арӡынба, Астан Мышәба, Едуард Быҭәба. Бжьаниа ирзеиҭеиҳәеит Аԥсны иҟоу аепидемиологиатә ҭагылазаашьа зеиԥшроу. Нас аҳақьымцәа рабжьагарақәа дырзыӡырҩит. Авирус аҿаԥҽра еиҳа хра аманы иҟаларц азы аԥкырацҵақәа алагалахоит", - иҳәеит Ахба.

Иара иажәақәа рыла абжьгарақәа ахәышәтәра апроцесси апациентцәа онлаин-режим ала аконсультациақәа рыҭареи роуп ирыҵаркуа. Ацҳаражәҳәаҩ иҳәеит ишалацәажәаз Москвантәи Аԥсныҟа амедусзуҩцәа ргәыԥ аарагьы.

Аслан Бжьаниа усутә ныҟәарала Москва дыҟоуп жьҭаара 26 раахыс.  Аслан Бжьаниа Москва иҟазаараан дырԥылеит Москва аус зуа Аԥснытәи амедицинатә усзуҩцәа.

Иара убас шәаԥхьар ҟалоит:

0

Џьергьениа аԥсыӡ ақәырҭ аҟьараан ахылаԥшразы: амлагәыр иацло иалагеит

1
Риҵатәи Амилаҭҭә ареликттә парк аҟны абнахылаԥшҩы хада Ҭенгьыз Џьергьениа арадио Sputnik аефир аҟны еиҭеиҳәеит аԥсыӡқәа ақәырҭ анырҟьо аамҭазы , урҭ реиқәырхаразы аҷаԥшьара шымҩаԥырго.
Џьергьениа аԥсыӡ ақәырҭ аҟьараан Риҵа ахылаԥшразы: амлагәыр иацло иалагеит

Жьҭаара 25 инаркны ԥхынҷкәын 10-нӡа аԥсыӡқәа ақәырҭ аҟьара иалагоит. Ари аамҭазы аԥсыӡкра азин ыҟаӡам.

"Аинспекторцәа, аиҳабацәа зегьы ҳазҿу ҳаԥсабара, ҳаԥсыӡ ахьчара ауп, ҳхәыҷқәа ирбартә еиԥш аус ҳуеит. Акалмаҳи амлагәыри ари аамҭазы ақәырҭ рҟьоит, аԥсыӡкра аанкыланы иҟоуп. Аҷкәынцәа уахынлагьы иҷаԥшьоит. Ҵыԥх амлагәыр ахьыҟоу 26 жрақәа ыҟазҭгьы, сынтәа иҵегьы иацлароуп ҳәа агәаанагара ҳамоуп. Иубаратәы иҟоуп ахылаԥшра амҩаԥгара ашьҭахь аԥсыӡ ишацлаз. Аԥҟарақәа рықәныҟәара иабзоураны ҳӡиасқәа рҟны аԥсыӡ аҽеиҵнахо иалагеит", - иҳәеит Џьергьениа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

1