Бжьаниа араионтә активқәа рԥылара ааникылоит COVID-19 аҭагылазаашьа инамаданы

9
(ирҿыцуп 16:35 22.09.2020)
Атәылаҿы еиҳа-еиҳа иазҳауеит акоронавирустә инфекциа ахҭысқәа рхыԥхьаӡара. Аоперативтә штаб адыррақәа рыла, аҵыхәтәантәи уахи-ҽни рыла Аԥсны 56 коронавирустә хҭыс аҭыԥ аман.

АҞӘА, цәыббра 22 – Sputnik. Уаанӡа иазыԥхьагәаҭаз Аԥсны ахада Аслан Бжьаниеи араионқәа руаажәларреи реиԥыларақәа рыҿҳәара инахоуп  ареспубликаҿы аепидемиологиатә ҭагылазаашьа ауадаҩхара инадҳәаланы ҳәа аанацҳауеит ахада ипресс-маҵзура.

"Аҳәынҭқарра ахада аиԥыларақәа мҩаԥигараны дыҟоуп аҭагылазаашьа шааиӷьхалак", - ҳәа аҳәоит аацҳамҭа.

Ииасыз амчыбжь азы Аслан Бжьаниа Гагреи Очамчыреи араионқәа рҿы ауааԥсыра дырԥылеит.

Гагратәи аиԥылараҿы иалацәажәан ашәахтәқәа рымшәара апроблема. Ахада Ашәахтәқәеи аизгақәеи рминистрреи Аҩныҵҟатәи аусқәа рминистрреи рнапы ианиҵеит ашәахтә зымшәо рус Апрокуратура хадахьы инарышьҭырц.

Очамчыра араион аҿы Бжьаниа далацәажәеит хылаԥшра змам амаининг атема, афымцамч азы ауал, ақыҭанхамҩаалыҵ аекспорт апроблема.

Иара убас шәаԥхьар ҟалоит:

9

COVID аҿагыларазы аԥкырацҵақәа алагалахоит Бжьаниа Москва амедусзуҩцәа данырԥыла ашьҭахь

1
(ирҿыцуп 20:25 27.10.2020)
Аслан Бжьаниа Москва иҟазаараан дырԥылеит Москва аус зуа Аԥснытәи амедицинатә усзуҩцәа.

АҞӘА, жьҭаара 27 - Sputnik. Аԥсны COVID-19 аҿагыларазы аԥкырацҵақәа алагалахоит Бжьаниа Москва амедусзуҩцәа данырԥыла ашьҭахь, абри атәы арадио Sputnik иазеиҭеиҳәеит Урыстәыла иҟоу Аԥсны ацҳаражәҳәаҩ Игор Ахба.

"Аиԥылара еиҿнакааит Москва иҟоу Аԥсны Ацҳаражәҳәарҭа. Уахь инаԥхьан акоронавирус зыхьуа рҟны аус заухьаз ҳџьынџьуаа-амедусзуҩцәа: Владимир Аргәын, Викториа Тарԥҳа, Мераб Арӡынба, Астан Мышәба, Едуард Быҭәба. Бжьаниа ирзеиҭеиҳәеит Аԥсны иҟоу аепидемиологиатә ҭагылазаашьа зеиԥшроу. Нас аҳақьымцәа рабжьагарақәа дырзыӡырҩит. Авирус аҿаԥҽра еиҳа хра аманы иҟаларц азы аԥкырацҵақәа алагалахоит", - иҳәеит Ахба.

Иара иажәақәа рыла абжьгарақәа ахәышәтәра апроцесси апациентцәа онлаин-режим ала аконсультациақәа рыҭареи роуп ирыҵаркуа. Ацҳаражәҳәаҩ иҳәеит ишалацәажәаз Москвантәи Аԥсныҟа амедусзуҩцәа ргәыԥ аарагьы.

Аслан Бжьаниа усутә ныҟәарала Москва дыҟоуп жьҭаара 26 раахыс.  Аслан Бжьаниа Москва иҟазаараан дырԥылеит Москва аус зуа Аԥснытәи амедицинатә усзуҩцәа.

Иара убас шәаԥхьар ҟалоит:

1

Џьергьениа аԥсыӡ ақәырҭ аҟьараан ахылаԥшразы: амлагәыр иацло иалагеит

1
Риҵатәи Амилаҭҭә ареликттә парк аҟны абнахылаԥшҩы хада Ҭенгьыз Џьергьениа арадио Sputnik аефир аҟны еиҭеиҳәеит аԥсыӡқәа ақәырҭ анырҟьо аамҭазы , урҭ реиқәырхаразы аҷаԥшьара шымҩаԥырго.
Џьергьениа аԥсыӡ ақәырҭ аҟьараан Риҵа ахылаԥшразы: амлагәыр иацло иалагеит

Жьҭаара 25 инаркны ԥхынҷкәын 10-нӡа аԥсыӡқәа ақәырҭ аҟьара иалагоит. Ари аамҭазы аԥсыӡкра азин ыҟаӡам.

"Аинспекторцәа, аиҳабацәа зегьы ҳазҿу ҳаԥсабара, ҳаԥсыӡ ахьчара ауп, ҳхәыҷқәа ирбартә еиԥш аус ҳуеит. Акалмаҳи амлагәыри ари аамҭазы ақәырҭ рҟьоит, аԥсыӡкра аанкыланы иҟоуп. Аҷкәынцәа уахынлагьы иҷаԥшьоит. Ҵыԥх амлагәыр ахьыҟоу 26 жрақәа ыҟазҭгьы, сынтәа иҵегьы иацлароуп ҳәа агәаанагара ҳамоуп. Иубаратәы иҟоуп ахылаԥшра амҩаԥгара ашьҭахь аԥсыӡ ишацлаз. Аԥҟарақәа рықәныҟәара иабзоураны ҳӡиасқәа рҟны аԥсыӡ аҽеиҵнахо иалагеит", - иҳәеит Џьергьениа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

1