Сурам Сакания

Сақаниа "Асахьаҭыхыҩ. Аамҭа. Агәалашәара" азы: ҩ-еибашьрак еидкыланы уажәада иӡырҳамгацызт

8
(ирҿыцуп 14:14 23.09.2020)
Аҳәынҭқарратә милаҭтә галереиа аиҳабы Сурам Сақаниа арадио Sputnik аефир аҿы еиҭеиҳәеит Аҟәа аус зуа ҩ-еибашьрак еидызкылаз ацәыргақәҵаҿы иӡыргоу аусумҭақәа ртәы.
Сақаниа "Асахьаҭыхыҩ. Аамҭа.Агәалашәара" азы: ҩ-еибашьрак еидкыланы уажәада иӡырҳамгацызт

Аҟәа Аԥсны асахьаҭыхыҩцәа рцәыргақәҵатә Зал аҿы аус ауеит "Асахьаҭыхыҩ. Аамҭа. Агәалашәара" ҳәа хьӡыс измоу ацәыргақәҵа. Уи азкуп 1992-1993 шықәсқәа раантәи Аџьынџьтәылатә еибашьраҿы Аиааира амши 1941-1945 шықәсқәа раантәи Аџьынџьтәылатә еибашьра Ду аҿы Аиааира амши.

"Иҳаӡбеит иахьа зыԥсы ҭаны иҳамоу асахьаҭыхыҩцәеи, асахьатә галереиаҿы зусумҭақәа ҵәаху асахьаҭыхыҩцәеи рсахьақәеи ицәырган ауаа идҳарбарц. Хыԥхьаӡарала 15-ҩык инархыҳәҳәо русумҭақәа ҳамоуп. Сергеи Габелиа, Хәыта Аҩӡба, Тариел Амԥар уҳәа русумҭақәа ԥыхьаӡа зны иааҳхәахьаз. Ус еиԥш иҟоуп Сергеи Ҵәыџь иусумҭа, "1942" ҳәа хьӡыс измоу, иара ҵакылагьы ԥшшәылагьы даара ишьахәуп, абас ирацәоуп ари атематика иадҳәалоу аусумҭақәа. Иҳамоуп 50 шықәса инарҭысхьоу аусумҭақәагьы. Иаҳҳәап, Тариел Амԥар иусумҭа, Сергеи Габелиа уҳәа. Еиҭа аԥхьаҟа атәы ҳҳәозар, усҟан аусумҭақәа раахәаразы агалереиа аганахьала аусура иаҳа иԥсыҽны имҩаԥысуан, убри аҟнытә еиҳарак 60-тәи ашықәсқәа аԥсуа асахьаҭыхыҩцәа бзианы ианааиҵагылаз аамҭазы иаахәаз ауп иӡыргахо ацәыргақәҵаҿы", - ҳәа еиҭеиҳәеит Сақаниа.

Ацәыргақәҵа "Асахьаҭыхыҩ. Аамҭа. Агәалашәара" мҩаԥысуеит Акультура аминистрра адгыларала. Аиҿкааҩцәа: Асахьаҭыхыҩцәа реидгыла, Аҳәынҭқарратә милаҭтә галереиа.

Ацәыргақәҵа аус ауеит жьҭаара 8 рҟынӡа. Апроект аинформациатә дгылара анаҭоит Sputnik Аԥсны.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

8

Уахыки-ҽнаки рыла 106-ҩык акоронавирус шрылаз аадырԥшит Аԥсны

11
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4058-ҩык ыҟоуп. Урҭ рахьтә ргәы бзиахеит 2071-ҩык, рыԥсҭазаара иалҵит 36-ҩык.

АҞӘА, жьҭаара 28 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 458 ҟаҵан, урҭ рахьтә акоронавирус аарԥшын 106 тест рҟны ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 137-ҩык ауааԥсыра, урҭ рахьтә 118-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 40-ҩык, илҩаауп 15-ҩык апациентцәа. Гәдоуҭатәи агоспиталь иҭашәеит жәҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 51-ҩык апациентцәа. 47-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп. Амобилтә госпиталь аҟынтәи илҩаауп быжьҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

11
Атемақәа:
Ачымазара ҿкы – акоронавирус Аԥсни адунеи аҿи: иалкаау

Џьынџьал Тҟәарчал аџьықәреи аҽаҩразы: аибашьра еилгеижьҭеи ас еиԥш ҳамбацт

7
(ирҿыцуп 20:06 28.10.2020)
Тҟәарчал араион ақыҭанхамҩа аусбарҭа аиҳабы Амиран Џьынџьал арадио Sputnik аефир аҿы еиҭеиҳәеит сынтәа араион анхацәа рџьықәреи аҽаҩра зеиԥшроу.
Голанӡиаԥҳа акоронавирус азы: абыржәгьы агәра зымго хәыҷык ихшыҩ днанамгозар акәхап

"Ҳраион аҿы ари аҩыза аҽаҩра ҟамлацызт уҳәар ҟалоит. Сынтәа аџьықәреи ахаҭабзиара бзиоуп, алаҵараангьы аҭагалараангьы амшқәа ақәшәеит, зынӡа ахьы иаҩызоуп. Иааидкылан 950 гектар аџьықәреи лаҵаны иҳаман. Гектаркнтә ҩ-тоннаки бжаки ҟалар акәын. Аибашьра еилгеижьҭеи ас еиԥш аҽаҩра ҳамҩбацызт. Аҽаҩра амш иахьыԥшуп, ажәларгьы ибзианы аус адырулан, ҳәарада, алҵшәагьы ҟалеит. Ажәакала, аҭагылазаашьақәеи зегьы еиқәшәеит, ауаа ахагьы роуит, аԥсабарагьы иара атәы ҟанаҵеит", - еиҭеиҳәеит Џьынџьал.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

7