Архивное фото СИЗО в Дранде

Аиааира Амш аламҭалаз Аԥсны амнистиа рылаҳәахоит

22
Амнистиаз ақәҵара азинмчра аиуеит ианыркьыԥхь инаркны ҩымз рыҩнуҵҟа. Азакәан апроект рыдигалеит адепутат Валери Агрба.

АҞӘА, цәыббра 24 – Sputnik. Аԥсны Апарламент аҟны ирыдыркылеит ақәҵара "Аԥсны Аҳәынҭқарра ахьыԥшымреи Аиааира Амши – цәыббра 30, 2020 шықәса, 27 шықәса рхыҵра инадҳәаланы амнистиа рылаҳәаразы" ҳәа ааицҳауеит Sputnik акорреспондент.

Азакәан апроект рыдигалеит адепутат Валери Агрба.

Апарламент ақәҵара инақәыршәаны амнистиа иаҵанакуеит:

1. Хышықәсанӡа зус ӡбаны иҭаку.

2. Хәышықәсанӡа зус ӡбаны иҭаку:

  • Аԥсны Аџьынџьтәылатә еибашьра алахәылацәа, арезервистцәа;
  • 2008 шықәсазы Кәыдрытәи аиҩхааҿы имҩаԥысуаз аоперациа алахәылацәа;
  • раԥхьаӡа акәны ашьаустә ҭакԥхықәра иақәыршәоу;
  • аҳәса.

3. Рхы иақәиҭыртәуеит рыҿҳәара иахьмырԥшыкәа:

  • машәырла ацәгьа зуыз;
  • зықәра намӡац ахәыҷқәа ма аинвалидцәа змоу, зцәа зтәым аҳәса;
  • 55 шықәса иреиҳабу аҳәса, 60 шықәса еиҳабу ахацәа;
  • I - II агәыԥқәа ирыҵаркуа аинвалидцәа, I-II агәыԥқәа ирыҵаркуа агәыҵәкра змоу, акьыбачымазара змоу, III-IV аклиникатә гәыԥ иаҵанакуа иара убасгьы аинсульт зхызгаз;
  • зықәра намӡац.

4. Амнистиахь иаҵанакуеит ақәҵара амчра аиуаанӡа ирықәу ахәҭа зхызымгаци иара убасгьы ахақәиҭра алхәдатәра иаҵаркым ҳәа ахара зыдҵоуи.

Ақәҵара инақәыршәаны иаанкылахоит аҭҵааратә усбарҭақәа, заанаҵтәи аусҭҵаара аусбарҭақәеи аӡбарҭеи аус здыруло амнистиаз ақәҵара амчра аиуаанӡа имҩаԥгаз ацәгьоурақәа рзы аусшәҟәқәа абри Ақәҵара ахәҭақәа 1, 2, 3 рахь иаҵарку ахаҿқәа рганахьала.

Амнистиахь иаҵаркым ацәгьоура хьанҭақәа ҟазҵаз ахаҿқәеи уаанӡа ариашара акти амнистиеи зоухьаз ахаҿқәеи.

Иара убас шәаԥхьар ҟалоит:

22

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

15
Гал араион ахадара азиндырратә ҟәша аиҳабы Инал Қәычбериа арадио Sputnik аефир аҿы еиҭеиҳәеит иарбан зҵаарақәоу ирызцәырҵуа араион ауааԥсыра, есыҽнытәи иусура шеиҿкаау атәы.

 

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

"Еиҳарак аусура ахьыҟоу араион ахадара ирыдыркыло аԥҟаԥҵәақәа реилыргараҿы ауп. Уи ҳауаажәлар ирызнагатәуп, рхы иахьадырхәаша, ишадырхәаша раҳәатәуп. Насгьы ҳара иаҳзаауа Аԥсны ахада идҵақәа роума, аԥыза-министр идҵақәа роума, дара зегьы еилырганы ажәлар ирызнагатәуп, урҭ адҵақәа инарықәыршәаны аусура мҩаԥысларц азы. Уи адагьы мчыбжьык ахь ҩынтә ауааԥсыра рызҵаарақәа рыла исыдыскылоит. Иара уи аамҭа абжьарагьы ианааиуа иҟоуп. Ауааԥсыра еиҳарак изыргәамҵуа атәылауашәҟәы аиура азҵаароуп, иҟоуп иара убас ашәахтәқәа ршәараҿы азҵаарақәа анрызцәырҵуагьы, анаҩс ауалафахәы ацҵара иаҵанакуа уҳәа, иаҳзааиуа рацәаҩуп, иахьынӡаҳалшо ҳрыхәоит", - ҳәа еиҭеиҳәеит Қәычбериа.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

15

Асигареҭқәа S-класс ала: Аԥснынтәи Урыстәылаҟа иргоз аконтрабанда аанкылоуп

5
(ирҿыцуп 19:37 19.10.2020)
Атранспорттә хархәага агәаҭаратә комплекс ала игәаҭан, иагьыԥшаан атранспорт хархәага аконструкциа иаҵанамкуа аҭагәаҩарақәа рҿы иҭаз иҭагаламыз аҭаҭын. Аҭаҭын аалыҵ аконтрабандаз аусҭҵаара хацыркуп.

АҞӘА, жьҭаара 19 - Sputnik. Аҳазалхратә ҭыԥ "Адлер" аҿы аҳазалхратәи аҳәаахьчаратәи гәаҭараан иаанкылан аконтрабандатә аалыҵ зманы Аԥснынтәи Урыстәылаҟа ицоз автомашьына Мерседес-Бенц S450 ҳәа аанацҳауеит Шәача аҳазалхырҭа апресс-маҵзура.

© Foto / пресс-служба сочинской таможни
Аконтрабандатә аалыҵ зманы Аԥснынтәи Урыстәылаҟа ицоз автомашьына Мерседес-Бенц S450

Атранспорттә хархәага агәаҭаратә комплекс ала игәаҭан, иагьыԥшаан атранспорт хархәага аконструкциа иаҵанамкуа аҭагәаҩарақәа.

Ашьҭахьтәи апассаџьыртә тәарҭақәа анҭырга ашьҭахь, иԥшаан абылтәыҭгага ашьақәыргыларазы абылтәыҭра алиукқәа ҩба. Аха убри аан абылтәҭгагақәа ыҟамызт.

© Foto / пресс-служба Сочинской таможни

Абылтәыҭраҿы иҭаҵәахын аҭаҭын аалыҵ "HT Superslims", "NZ GOLDCOMPACT" аԥсуа акцизтә маркақәа рықәҵаны.

Даҽа ҵәахырҭакгьы ԥшаан абагаж аҟәшеи автомашьына асалони рыбжьара. Арагьы иҭаҵәахын 24 ҭоԥ асигареҭ "HTSuperslims".

Иааидкыланы иаарԥшын 864 пачка асигареҭ – 17280 цыра.

Мерседес арныҟәцаҩ, Шәача ауаҩԥсы, илҳәеит атауар Аԥсны ишаалхәаз акоммерциа хықәкыс иҟаҵаны. Аҳазалхратә ҳәааҟны аҭаҭын аалыҵ ахгара аԥкрақәа шамаз дырны иара лҵәахит.

Изакәаным атауари автомашьынеи лымхуп. Аҭаҭын аалыҵ аекспертизахь инашьҭуп. Абри ахҭыс аганахьала аусҭҵаара хацыркуп Урыстәыла АЗ ахәҭаҷ 16.1 ахәҭа 2 инақәыршәаны.

Иара убас шәаԥхьар ҟалоит:

5