Бжьаниа Ҵабал имҩаԥысуа аҽазыҟаҵарақәа "Кавказ-2020" дырҭааит

11
Аполигон Ҵабал аҿы Аладатәи арратә округ аруааи Аԥсны Атәылахьчара аминистрра, Ашәарҭадаратә маҵзура аррамҵзурауааи Аԥсны АҶА аусуҩцәеи еицымҩаԥыргеит астратегиа акомандаҟаҵара-штабтә ҽазыҟаҵарақәа.

АҞӘА, цәыббра 25 – Sputnik. Аԥсны ахада, ар Ркомандаҟаҵаҩ хада Аслан Бжьаниа аполигон Ҵабал даҭааит аҽазыҟаҵарақәа "Кавказ -2020" рҳәаа иҭагӡаны аманиоврқәа ахьымҩаԥысуаз ҳәа аанацҳауеит аокруг апресс-маҵзура.

"Аҽазыҟаҵарақәа рсценари иазԥхьагәанаҭон амотохысцәа, артиллеристцәа, аракета-зениттә ҟәшақәа Кавказтәи ашьхақәа рҿы зҽызҵәахыз изакәаным атеррористтә гәыԥқәа массалатәи ахымцала рнырҵәара. Ахысрақәа мҩаԥысуан адгьыл аҿеиԥш ашьхараҿгьы. Ажәҩан иалан аԥшыхәра-жәыларатә вертолиотқәа КА-52 "Аллигатор", МИ-24, МИ-8, МИ-8АМТШ "Терминатор", - аҳәоит аокруг апресс-маҵзура.

Аруаа Бжьаниа идырбеит арратә ҟазара атактикатә форма ҿыцқәа. Атәыла ахада еицымҩаԥгаз аманиоврқәа агәахәара ирҭеит.

Аслан Бжьаниа иеиԥш ара иҟан Атәылахьчара аминистр актәи ихаҭыԥуаҩ, аинрал-полковник Беслан Ҵәыџьба, Аԥсны иҟоу Аладатәи арратә база акомандаҟаҵаҩ Олег Сеньков, атәылақәа рыҩбагьы рырратә мчрақәа ргәыԥ агенералитет.

© Foto / Пресс-служба Президента
Аԥсны ахада, ар Ркомандаҟаҵаҩ хада Аслан Бжьаниа аполигон Ҵабал аҟны имҩаԥысуа аҽазыҟаҵарақәа "Кавказ -2020" дырҭааит

Астратегиа командаҟаҵаратә-штабтә ҽазыҟаҵарақәа "Кавказ-2020" ирылагеит цәыббра 21 рзы. Аҽазыҟаҵарақәа ирыдыԥхьалоуп 80 000-ҩык аруаа. Аполигонқәа рахь инагоуп 250 танк, 450 аршьаҟауаа рмашьынақәа, акәылӡтәы транспортиорқәа, 200 артиллериатә системеи ареактивтә системақәеи.

Аҽазыҟаҵарақәа мҩаԥысуеит Аладатәи арратә округ аполигонқәа – "Прудбой", "Ашулук", "Капустин Яр", "Арзгирский", "Копанской" рҟны. Уи адагьы Амшын еиқәеи Каспитәи амшыни ракваториақәа рҿы имҩаԥгахоит афлотилиақәа злахәу аепизодқәа.

Иара убас шәаԥхьар ҟалоит:

11

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

15
Гал араион ахадара азиндырратә ҟәша аиҳабы Инал Қәычбериа арадио Sputnik аефир аҿы еиҭеиҳәеит иарбан зҵаарақәоу ирызцәырҵуа араион ауааԥсыра, есыҽнытәи иусура шеиҿкаау атәы.

 

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

"Еиҳарак аусура ахьыҟоу араион ахадара ирыдыркыло аԥҟаԥҵәақәа реилыргараҿы ауп. Уи ҳауаажәлар ирызнагатәуп, рхы иахьадырхәаша, ишадырхәаша раҳәатәуп. Насгьы ҳара иаҳзаауа Аԥсны ахада идҵақәа роума, аԥыза-министр идҵақәа роума, дара зегьы еилырганы ажәлар ирызнагатәуп, урҭ адҵақәа инарықәыршәаны аусура мҩаԥысларц азы. Уи адагьы мчыбжьык ахь ҩынтә ауааԥсыра рызҵаарақәа рыла исыдыскылоит. Иара уи аамҭа абжьарагьы ианааиуа иҟоуп. Ауааԥсыра еиҳарак изыргәамҵуа атәылауашәҟәы аиура азҵаароуп, иҟоуп иара убас ашәахтәқәа ршәараҿы азҵаарақәа анрызцәырҵуагьы, анаҩс ауалафахәы ацҵара иаҵанакуа уҳәа, иаҳзааиуа рацәаҩуп, иахьынӡаҳалшо ҳрыхәоит", - ҳәа еиҭеиҳәеит Қәычбериа.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

15

Асигареҭқәа S-класс ала: Аԥснынтәи Урыстәылаҟа иргоз аконтрабанда аанкылоуп

5
(ирҿыцуп 19:37 19.10.2020)
Атранспорттә хархәага агәаҭаратә комплекс ала игәаҭан, иагьыԥшаан атранспорт хархәага аконструкциа иаҵанамкуа аҭагәаҩарақәа рҿы иҭаз иҭагаламыз аҭаҭын. Аҭаҭын аалыҵ аконтрабандаз аусҭҵаара хацыркуп.

АҞӘА, жьҭаара 19 - Sputnik. Аҳазалхратә ҭыԥ "Адлер" аҿы аҳазалхратәи аҳәаахьчаратәи гәаҭараан иаанкылан аконтрабандатә аалыҵ зманы Аԥснынтәи Урыстәылаҟа ицоз автомашьына Мерседес-Бенц S450 ҳәа аанацҳауеит Шәача аҳазалхырҭа апресс-маҵзура.

© Foto / пресс-служба сочинской таможни
Аконтрабандатә аалыҵ зманы Аԥснынтәи Урыстәылаҟа ицоз автомашьына Мерседес-Бенц S450

Атранспорттә хархәага агәаҭаратә комплекс ала игәаҭан, иагьыԥшаан атранспорт хархәага аконструкциа иаҵанамкуа аҭагәаҩарақәа.

Ашьҭахьтәи апассаџьыртә тәарҭақәа анҭырга ашьҭахь, иԥшаан абылтәыҭгага ашьақәыргыларазы абылтәыҭра алиукқәа ҩба. Аха убри аан абылтәҭгагақәа ыҟамызт.

© Foto / пресс-служба Сочинской таможни

Абылтәыҭраҿы иҭаҵәахын аҭаҭын аалыҵ "HT Superslims", "NZ GOLDCOMPACT" аԥсуа акцизтә маркақәа рықәҵаны.

Даҽа ҵәахырҭакгьы ԥшаан абагаж аҟәшеи автомашьына асалони рыбжьара. Арагьы иҭаҵәахын 24 ҭоԥ асигареҭ "HTSuperslims".

Иааидкыланы иаарԥшын 864 пачка асигареҭ – 17280 цыра.

Мерседес арныҟәцаҩ, Шәача ауаҩԥсы, илҳәеит атауар Аԥсны ишаалхәаз акоммерциа хықәкыс иҟаҵаны. Аҳазалхратә ҳәааҟны аҭаҭын аалыҵ ахгара аԥкрақәа шамаз дырны иара лҵәахит.

Изакәаным атауари автомашьынеи лымхуп. Аҭаҭын аалыҵ аекспертизахь инашьҭуп. Абри ахҭыс аганахьала аусҭҵаара хацыркуп Урыстәыла АЗ ахәҭаҷ 16.1 ахәҭа 2 инақәыршәаны.

Иара убас шәаԥхьар ҟалоит:

5