Аԥсны аказақцәеи Аурыс уаԥшьи Ҟарабахтәи аимак аганқәа еиҿцәажәарц иаарыԥхьеит

13
Ҟарабах аконфликт ахы акит 1988 шықәса жәабранмзазы, Ашьха-Ҟарабахтәи автономтә област Азербаиџьантәи ССР ишалҵуа азы аҳәамҭа аныҟанаҵа ашьҭахь.

АҞӘА, цәыббра 29 – Sputnik. Аԥсны аказақцәеи Аурыс уаԥшьи Ҟарабахтәи аимак аганқәа рахь амца аанкыланы аиҿцәажәарахь инеиразы ааԥхьара ҟарҵеит ҳәа аанацҳауеит Амшынеиқәатә аказақтә ари Аурыс уаԥшьи рыпресс-маҵзура.

Ареспубликаҿы аимак аибарххара иалацәажәан Аурыс уаԥшь ахантәаҩы Роман Риазанцев дызлахәыз  аибашьра иалахәыз атаманцәеи аказақцәа-аветеранцәеи рхеилак аҟны.

"Ҳара, Аԥсны Амшынеиқәатә казақцәа рыр аказақцәа, аибашьра алахәылацәа аказақцәа-аветеранцәеи Аԥсны аурыс уаԥшь ахаҭарнакцәеи ааԥхьара ҟаҳҵоит амца аанкылазарц ԥхьаҟазы иҟалар зылшо  аԥсыҭбарақәеи Ареспублика Азербаиџьани Ареспублика Арцахи (Ашьха-Ҟарабахтәи Ареспублика - аред.) рыбжьара мҽхакыҭбаалатәи аибашьреи рыҟамларазы. Ҳара иаадыруеит аибашьра иацу арыцҳара, аҭынч уааԥсыра ргәаҟра, аибашьра ашьҭа знымҵуа аҿар рыԥсҭазаара. 1992-1993 шықәсқәа рызтәи Аԥсныжәлар Рџьынџьтәылатә еибашьра Аиааира Амш аламҭалаз аҳәара ҟаҳҵоит аганқәа рыҩбагьы ахынкылара аарԥшны аиҿцәажәараз еидтәаларц", - аҳәоит ааԥхьараҿы.

Уаанӡа Ашьха Ҟарабах ахаҭарнакцәа адырра ҟарҵахьан азербаиџьантәи аруаа иара аҵакыра, Степанакерт ақалақьгьы абрахь иналаҵаны, иақәкны ахысра аадыртит ҳәа. Аҭынч уааԥсыра рыбжьара аԥсыҭбарақәа ыҟоуп ҳәа азгәаҭан.

Бақәеи Еревани досу ахара рыдибаҵоит. Азербаиџьантәи аган ахысра иалагаз аерман ган ауп ҳәа иқәгылоуп. Ермантәылатәи аруаа ракәзар, ирҳәо азербаиџьантәи аган ауп ажәылара иалагаз ҳәоуп.

Иара убас шәаԥхьар ҟалоит:

13

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

15
Гал араион ахадара азиндырратә ҟәша аиҳабы Инал Қәычбериа арадио Sputnik аефир аҿы еиҭеиҳәеит иарбан зҵаарақәоу ирызцәырҵуа араион ауааԥсыра, есыҽнытәи иусура шеиҿкаау атәы.

 

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

"Еиҳарак аусура ахьыҟоу араион ахадара ирыдыркыло аԥҟаԥҵәақәа реилыргараҿы ауп. Уи ҳауаажәлар ирызнагатәуп, рхы иахьадырхәаша, ишадырхәаша раҳәатәуп. Насгьы ҳара иаҳзаауа Аԥсны ахада идҵақәа роума, аԥыза-министр идҵақәа роума, дара зегьы еилырганы ажәлар ирызнагатәуп, урҭ адҵақәа инарықәыршәаны аусура мҩаԥысларц азы. Уи адагьы мчыбжьык ахь ҩынтә ауааԥсыра рызҵаарақәа рыла исыдыскылоит. Иара уи аамҭа абжьарагьы ианааиуа иҟоуп. Ауааԥсыра еиҳарак изыргәамҵуа атәылауашәҟәы аиура азҵаароуп, иҟоуп иара убас ашәахтәқәа ршәараҿы азҵаарақәа анрызцәырҵуагьы, анаҩс ауалафахәы ацҵара иаҵанакуа уҳәа, иаҳзааиуа рацәаҩуп, иахьынӡаҳалшо ҳрыхәоит", - ҳәа еиҭеиҳәеит Қәычбериа.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

15

Асигареҭқәа S-класс ала: Аԥснынтәи Урыстәылаҟа иргоз аконтрабанда аанкылоуп

5
(ирҿыцуп 19:37 19.10.2020)
Атранспорттә хархәага агәаҭаратә комплекс ала игәаҭан, иагьыԥшаан атранспорт хархәага аконструкциа иаҵанамкуа аҭагәаҩарақәа рҿы иҭаз иҭагаламыз аҭаҭын. Аҭаҭын аалыҵ аконтрабандаз аусҭҵаара хацыркуп.

АҞӘА, жьҭаара 19 - Sputnik. Аҳазалхратә ҭыԥ "Адлер" аҿы аҳазалхратәи аҳәаахьчаратәи гәаҭараан иаанкылан аконтрабандатә аалыҵ зманы Аԥснынтәи Урыстәылаҟа ицоз автомашьына Мерседес-Бенц S450 ҳәа аанацҳауеит Шәача аҳазалхырҭа апресс-маҵзура.

© Foto / пресс-служба сочинской таможни
Аконтрабандатә аалыҵ зманы Аԥснынтәи Урыстәылаҟа ицоз автомашьына Мерседес-Бенц S450

Атранспорттә хархәага агәаҭаратә комплекс ала игәаҭан, иагьыԥшаан атранспорт хархәага аконструкциа иаҵанамкуа аҭагәаҩарақәа.

Ашьҭахьтәи апассаџьыртә тәарҭақәа анҭырга ашьҭахь, иԥшаан абылтәыҭгага ашьақәыргыларазы абылтәыҭра алиукқәа ҩба. Аха убри аан абылтәҭгагақәа ыҟамызт.

© Foto / пресс-служба Сочинской таможни

Абылтәыҭраҿы иҭаҵәахын аҭаҭын аалыҵ "HT Superslims", "NZ GOLDCOMPACT" аԥсуа акцизтә маркақәа рықәҵаны.

Даҽа ҵәахырҭакгьы ԥшаан абагаж аҟәшеи автомашьына асалони рыбжьара. Арагьы иҭаҵәахын 24 ҭоԥ асигареҭ "HTSuperslims".

Иааидкыланы иаарԥшын 864 пачка асигареҭ – 17280 цыра.

Мерседес арныҟәцаҩ, Шәача ауаҩԥсы, илҳәеит атауар Аԥсны ишаалхәаз акоммерциа хықәкыс иҟаҵаны. Аҳазалхратә ҳәааҟны аҭаҭын аалыҵ ахгара аԥкрақәа шамаз дырны иара лҵәахит.

Изакәаным атауари автомашьынеи лымхуп. Аҭаҭын аалыҵ аекспертизахь инашьҭуп. Абри ахҭыс аганахьала аусҭҵаара хацыркуп Урыстәыла АЗ ахәҭаҷ 16.1 ахәҭа 2 инақәыршәаны.

Иара убас шәаԥхьар ҟалоит:

5