Аҟәа даҽа школки ахәыҷбаҳчақәа хԥеи адыркит акарантин азы

26
(ирҿыцуп 12:41 29.09.2020)
Аԥсны аҵаратә усҳәарҭақәа рҟны акоронавирус аламырҵәаразы имҩаԥыргоит апрофилактикатә уснагӡатәқәа.

АҞӘА, цәыббра 29– Sputnik. Аҟәатәи абжьаратә школ №4 акарантин ахь ииагоуп жьҭаара 5 рҟынӡа. Хәҭакахьалатәи акарантин алагалоуп ашкол №3 аиҵбыратә классқәа рзы ҳәа аарыцҳауеит аҳҭнықалақь ахадара асаит аҟны.

Аҟәа ақалақь ахадара аилацәажәараҿы аҳҭнықалақь Аҵара аусбарҭа аиҳабы Асҭанда Ҭаркьылԥҳа илҳәеит ақалақь ахәыҷбаҳчақәа 13 рҟынтәи ҩба - "Алакәи" "Аҟармаҵыси" - акарантин азы ишарку.

Иара убасгьы ахәыҷбаҳча "Гәында" аҟны акоронавирустә инфекциа иахҟьаны ишьақәгылаз аепидемиологиатә ҭагылазаашьа инамаданы уи ашколқәранӡатәи аҵаратә усбарҭа аркызарц Асҭанда Ҭаркьылԥҳа Аҟәа ақалақь ахада Беслан Ешба диҳәеит.

"Ашколқәа ҩба рҟны аҭагылазаашьа шәарҭоуп. Убри азы аҳәара ҟасҵоит ашкол №4 аркызарц, ашкол №3 ахәҭакахьала жьҭаара 5 рҟынӡа иаркызарц. Егьырҭ ашколқәа рҿы аҭагылазаашьа ҭышәынтәалоуп. Ҳара уи хылаԥшра аҳҭоит. Иара убасгьы азхьаԥшра рыҭатәуп ахәыҷбаҳчақәа. Урҭ рҟынтәи ҩба аҳаркхьеит. Аҭагылазаашьа аицәахара ҳазымԥшыкәа, ахәыҷбаҳча "Гәындагьы" акарантин ахь ашьҭра аҭахны исыԥхьаӡоит", - иҳәеит Ешба.

Цәыббра 20 рзы аҟәатәи актәи ашкол аҵаҩцәа аҩныҟа иоушьҭын ҩымчыбжь ҳәа арҵаҩцәа руаӡәк лыԥсҭазаара даналҵ ашьҭахь.

Иара убас шәаԥхьар ҟалоит:

26
Атемақәа:
Ачымазара ҿкы – акоронавирус Аԥсни адунеи аҿи: иалкаау (789)

Аԥсны 134-ҩык акоронавирус рыдырбалеит, аӡәы лыԥсҭазаара далҵит

8
(ирҿыцуп 19:13 22.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 3306-ҩык ыҟоуп. Урҭ рахьтә ргәы бзиахеит 1289-ҩык, рыԥсҭазаара иалҵит 33-ҩык.

АҞӘА, жьҭаара 22- Sputnik. Иҳаҩсыз уахыки-ҽнаки рыла COVID-19 рцәа иалоу иаламу аилкааразы атестқәа 445-ҩык ирзыҟаҵан, урҭ рахьтә 134-ҩык акоронавирус адиагноз рзышьақәырӷәӷәоуп ҳәа аанацҳауеит Ауааԥсыра акоронавирус рацәыхьчаразы аоперативтә штаб.

Жьҭаара 21 рзы Гәдоуҭатәи агоспиталь аҿы лыԥсҭазаара далҵит 61 шықәса зхыҵуаз акоронавирус адиагноз ззышьақәырӷәӷәаз апациент, лара аҿкчымазаратә ҟәша дҭашәеит жьҭаара 18 рзы. Иақәнагаз атерапиа шизымҩаԥыргозгьы лдунеи лыԥсахит.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 148-ҩык апациентцәа, урҭ рахьтә 123-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 27-ҩык, ибжьаратәуп - 62-ҩык, илҩаауп 11-ҩык апациентцәа. Гәдоуҭатәи агоспиталь уахыки-ҽнаки рыла иҭашәеит 11-ҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбало 21-ҩык апациентцәа. 20-ҩык рҭагылазаашьа бжьаратәуп ҳәа иԥхьаӡоуп, аӡәы-иҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

8
Атемақәа:
Ачымазара ҿкы – акоронавирус Аԥсни адунеи аҿи: иалкаау (789)

Жьиба ацитрустә шәырқәа рзы: иҿала иҿамла есышықәса ихәшәтәлатәуп, аҩара рзымариоуп

4
(ирҿыцуп 18:42 22.10.2020)
Гагра араион Асычқәа ақыҭан иҟоу ацитрустә ааӡарҭа қьырала измоу Аркади Жьиба арадио Sputnik аефир аҿы еиҭеиҳәеит ашәырҵлақәа ишахәҭоу рааӡаразы ихымԥадатәны иҟоу.
Раионк аԥсҭазаараҟынтә: Жьиба ацитрустә шәырқәа рзы

"Ара еиҭаҳау ацитрустә шәырқәа асовет аамҭазы иаԥҵаз абаҳчақәа роуп. Аибашьра ашьҭахь дара рышьақәыргылара уадаҩын аҟнытә ажәлар ишаны ирырҭеит қьырала. Жәашықәсаҟа ҵуеит ҳхала нап адкыла иныҟәаҳгоижьҭеи. Аколнхара аҟынтә ииасыз 300 шьапы рҟынӡа сымоуп, иара ус схатәгьы 200 шьапы рҟынӡа ыҟоуп. Ацитрус анапы адукылар, ианахәҭоу ахәшә ауҭар, уацхраар, аҽаҩра уоуеит, аха иара акалашәа иҟоуп, шықәсык аҽаҩра бзиоуп, шықәсык ибжьанажьуеит. Аха иҿамла иҿала есышықәса ихәшәтәлатәуп, мамзар, иҩоит, уи рзымариоуп, избанзар, ақәра ду рымоуп шьҭа. Аиҭаҳатә аԥшаара уадаҩуп, иара ахәгьы маҷӡам, шықәсык зхыҵуа ашьаҭа 250 -500 мааҭ рҟынӡа инеиуеит", - еиҭеиҳәеит Жьиба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

4