Краснодартәи атәылаҿацә аҿы 98 коронавирус хҭыс азгәаҭоуп

4
(ирҿыцуп 13:57 29.09.2020)
Уахыки-ҽнаки рыла Урыстәыла 83 регион рҿы иазгәаҭоуп COVID-19 ахҭысқәа даҽа 8232 ацлеит. 27,6% авирус аҟазшьақәа рыдбаламызт. Ргәы бзиахеит 6749 пациент, рыԥсҭазаара иалҵит 160-ҩык.

АҞӘА, цәыббра 29 – Sputnik. Ҟәыбан иаҳхысыз уахыки-ҽнаки рыла COVID-19 ахҭыс ҿыцқәа 98 шьақәыргылоуп ҳәа аанацҳауеит атәылаҿацә ахадара апресс-маҵзура.

"Краснодар 45-ҩык чмазаҩуп. Урҭ рҟынтәи жәаҩык хәыҷқәоуп. Тҟәаԥс араион аҿы - 7, Выселковск - 6, Славианск - 5, Северски Лабински амуниципалитетқәа рҿы – ԥшьҩык-ԥшьҩык, Шәача, Новороссииск, Темриук, Тихорецк – хҩык-хҩык, Анапа, Гориачи Клиуч, Курганинск, Апшеронск араионқәа рҿы – ҩыџьа-ҩыџьа, Абинск, Белореченск, Староминск, Усть-Лабинск, Крымск, Кавказск, Красноармеиск араионқәа рҿы – аӡәаӡәа", - ҳәа аҳәоит адырраҭараҿы.

Апандемиа ҟалеижьҭеи атәылаҿацә аҿы зынӡа иаарԥшуп 13888 коронавирустә хҭысқәа, урҭ рахьтә 1056 – ахәыҷқәа рҟны. 10477-ҩык апациентцәа ргәы бзиахахьеит, аҵыхәтәантәи уахыки-ҽнаки рыла 34-ҩык рыҩныҟақәа иоурышьҭит. Рыԥсҭазаара иалҵит 277-ҩык.

Арегион амедицинатә усҳәарҭақәа рахь акоронавирус ҳамазар алшоит ҳәа идҵаалахьеит 48547-ҩык, урҭ рҟынтәи 5173-ҩык хәыҷқәоуп.

Акоронавирус иазку ажәабжьқәа шәрыԥхьар ҟалоит абра>>

4

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

15
Гал араион ахадара азиндырратә ҟәша аиҳабы Инал Қәычбериа арадио Sputnik аефир аҿы еиҭеиҳәеит иарбан зҵаарақәоу ирызцәырҵуа араион ауааԥсыра, есыҽнытәи иусура шеиҿкаау атәы.

 

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

"Еиҳарак аусура ахьыҟоу араион ахадара ирыдыркыло аԥҟаԥҵәақәа реилыргараҿы ауп. Уи ҳауаажәлар ирызнагатәуп, рхы иахьадырхәаша, ишадырхәаша раҳәатәуп. Насгьы ҳара иаҳзаауа Аԥсны ахада идҵақәа роума, аԥыза-министр идҵақәа роума, дара зегьы еилырганы ажәлар ирызнагатәуп, урҭ адҵақәа инарықәыршәаны аусура мҩаԥысларц азы. Уи адагьы мчыбжьык ахь ҩынтә ауааԥсыра рызҵаарақәа рыла исыдыскылоит. Иара уи аамҭа абжьарагьы ианааиуа иҟоуп. Ауааԥсыра еиҳарак изыргәамҵуа атәылауашәҟәы аиура азҵаароуп, иҟоуп иара убас ашәахтәқәа ршәараҿы азҵаарақәа анрызцәырҵуагьы, анаҩс ауалафахәы ацҵара иаҵанакуа уҳәа, иаҳзааиуа рацәаҩуп, иахьынӡаҳалшо ҳрыхәоит", - ҳәа еиҭеиҳәеит Қәычбериа.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

15

Асигареҭқәа S-класс ала: Аԥснынтәи Урыстәылаҟа иргоз аконтрабанда аанкылоуп

5
(ирҿыцуп 19:37 19.10.2020)
Атранспорттә хархәага агәаҭаратә комплекс ала игәаҭан, иагьыԥшаан атранспорт хархәага аконструкциа иаҵанамкуа аҭагәаҩарақәа рҿы иҭаз иҭагаламыз аҭаҭын. Аҭаҭын аалыҵ аконтрабандаз аусҭҵаара хацыркуп.

АҞӘА, жьҭаара 19 - Sputnik. Аҳазалхратә ҭыԥ "Адлер" аҿы аҳазалхратәи аҳәаахьчаратәи гәаҭараан иаанкылан аконтрабандатә аалыҵ зманы Аԥснынтәи Урыстәылаҟа ицоз автомашьына Мерседес-Бенц S450 ҳәа аанацҳауеит Шәача аҳазалхырҭа апресс-маҵзура.

© Foto / пресс-служба сочинской таможни
Аконтрабандатә аалыҵ зманы Аԥснынтәи Урыстәылаҟа ицоз автомашьына Мерседес-Бенц S450

Атранспорттә хархәага агәаҭаратә комплекс ала игәаҭан, иагьыԥшаан атранспорт хархәага аконструкциа иаҵанамкуа аҭагәаҩарақәа.

Ашьҭахьтәи апассаџьыртә тәарҭақәа анҭырга ашьҭахь, иԥшаан абылтәыҭгага ашьақәыргыларазы абылтәыҭра алиукқәа ҩба. Аха убри аан абылтәҭгагақәа ыҟамызт.

© Foto / пресс-служба Сочинской таможни

Абылтәыҭраҿы иҭаҵәахын аҭаҭын аалыҵ "HT Superslims", "NZ GOLDCOMPACT" аԥсуа акцизтә маркақәа рықәҵаны.

Даҽа ҵәахырҭакгьы ԥшаан абагаж аҟәшеи автомашьына асалони рыбжьара. Арагьы иҭаҵәахын 24 ҭоԥ асигареҭ "HTSuperslims".

Иааидкыланы иаарԥшын 864 пачка асигареҭ – 17280 цыра.

Мерседес арныҟәцаҩ, Шәача ауаҩԥсы, илҳәеит атауар Аԥсны ишаалхәаз акоммерциа хықәкыс иҟаҵаны. Аҳазалхратә ҳәааҟны аҭаҭын аалыҵ ахгара аԥкрақәа шамаз дырны иара лҵәахит.

Изакәаным атауари автомашьынеи лымхуп. Аҭаҭын аалыҵ аекспертизахь инашьҭуп. Абри ахҭыс аганахьала аусҭҵаара хацыркуп Урыстәыла АЗ ахәҭаҷ 16.1 ахәҭа 2 инақәыршәаны.

Иара убас шәаԥхьар ҟалоит:

5