"Аԥсны агәадура" аиааирагаҩцәа руаӡәк Аԥсуара аҵаразы онлаин-цхыраагӡа аԥиҵеит

285
(ирҿыцуп 15:51 30.09.2020)
Абзагә Ҵәыџьба – анапхгаҩ ҿарацәа реицлабра "Аԥсны агәадура" аҟны аиааира згаз ируаӡәку – Аԥсны акультура аминистр жәларбжьаратәи аимадарақәа рзы ицхырааҩс дҟалеит.

АҞӘА, цәыббра 30 – Sputnik, Илана Амқәабԥҳа. "Аԥсны агәадура" аелектронтә платформаҿы иаԥҵоуп "Апсуара" иазку апортал ҳәа Sputnik акорреспондент изеиҭеиҳәеит аицлабра "Аԥсны агәадура" аҟны аиааирагаҩцәа ируаӡәку, ари апроект аҳәаақәҵаҩыс иамоу Абзагә Ҵәыџьба.

"Араҟа иҭагалоу аматериалқәа рҟны еизгоуп Аԥсуаразы иҟоу хадара злоу адыррақәа, акрызҵазкуа аетнокультуратә елементқәа зегьы. Изҭаху дарбанзаалак илшоит, иаҳҳәап, аԥсуа чараы ахымҩаԥгашьа шаҭаху даԥхьарц, мамзаргьы аԥсуа исасдкылашьа иадҳәалоу, высшьа змам дыррақәак, аҳәсеи ахацәеи рхымҩаԥгашьа аҷыдарақәа ирызку уҳәа аинформациа уоуеит", -  ҳәа апроект далацәажәеит Абзагә.

Арԥыс иазгәеиҭеит ари апроект – аԥсуа бызшәеи аԥсуареи реиқәырхара амҩаҿы шьаҟак аҟаҵара иадукылар ауеит ҳәа. Апроект азы атекст азирхиеит аԥсуа поет Анатоли Лагәлаа.

"Иахьа адунеи ахьынӡанаӡааӡо ауаа зегьы аглобализациа ҳҽаҳҭом ҳәа игылоуп, рдац-ԥашә иазхьаԥшуеит, доуҳатә мчык рыԥшаарц. Ажәытә культуратә ҭынха змоу ажәларқәа ирцәыуадаҩуп аԥсҭазаара аганқәа зегьы зымҽхазкуа аглобализациа процесс аҿагылара, убри аҟнытә ҳара хыдҵас иҳамоуп – ҳкультуреи, ҳбызшәеи ҳаԥсуареи алазырҵәаша аинструментқәа рыԥшаара", - ҳәа азгәеиҭеит Абзагә.

Аԥсуара аҵаразы онлаин-цхыраагӡа адаҟьа
Аԥсуара аҵаразы онлаин-цхыраагӡа адаҟьа

Апортал "Аԥсуара" ҩ-бызшәак рыла аус ауеит – аԥсышәалеи урысшәалеи. Аматериал аҭҵаара ашьҭахь уи шаҟа игәнукылаз агәаҭаразы онлаин-атест уахысыр ҟалоит.

"Аԥсны агәадура" - анапхгараҭаҿы аус зур зылшо аҿар реицлаброуп, уи хықәкыс иамоуп Аԥсны Аҳәынҭқарраҿы абаҩхатәра злоу аҿар раарԥшреи рыдгылареи. Аиҿкааҩцәа ргәы излаҭаркыз ала, ари аицлабра анапхгаҩцәа ҿарацәа рзы социалтә цхыраагӡахоит, шьаҭасгьы иазыҟалоит ламыс злоу, зус здыруа абиԥара ҿа рыбзоурала аҳәынҭқарратә аппарат арҿыцра.

Иара убас шәаԥхьар ҟалоит:

285

Пицунда ахада атуристцәа рзы: 2020 шықәсазы аахәаратә лшара еиҳахеит

2
Аԥсны атуризм аминистрра адыррала 2020 шықәса нанҳәа 1 инаркны Аԥсны иаҭааит 600 нызқьҩык инареиҳаны атуристцәа.

АҞӘА, жьҭаара 29 – Sputnik, Бадри Есиава. 2020 шықәсазы Пицунда иаҭааз атуристцәа раахәаратә лшара еиҳахеит ҳәа Sputnik иазеиҭеиҳәеит  Пицунда ахада Алхас Шамба.

"Сара 50 шықәса ҵуеит Пицунда сынхоижьҭеи. Ибзианы исгәалашәоит Лиудмила Гурченкои Ельдар Риазановы неиааиуа ҳаԥшаҳәа иананыз. Дысгәалашәоит аолимпиатә чемпион Владислав Третиак ҳпансионат аҿы иԥсы шишьоз. Еиҿсырԥшыша сымоуп. Иахьатәи атуристцәа усҟантәи аамҭақәа рыҩаӡараҟынӡа раахәаратә лшара ҟаланы иҟоуп", - иҳәеит иара.

Шамба иажәақәа рыла, сынтәа, Пицунда иаҭааз ҵыԥх аасҭа рхыԥхьаӡара шеиҵоугьы нанҳәамзаахыс акаҳуажәырҭақәа, ақьафурҭақәа, ахатә сектор ҭәын.

Ақалақь ахада ари атенденциа адиҳәалоит апандемиа иахырҟьаны урыстәылаа адунеитә курортқәарахь рцара ахьыԥкхаз. Иаартыз атәылақәа иреиуан Аԥсны.

"Акаҳуажәырҭақәа рҭааҩцәа рацәаҩын, аплиажқәа, аотельқәа рҿы аномерқәа иара убасгьы иҭәын. Заҟаҩ ҳҭааз сызҳәом, аха абри аамҭазы уаанӡа  Пицунда иаҭаауаз рхыԥхьаӡара абжанӡа ыҟан", - иҳәеит Шамба.

Нанҳәа акы азы аурыс-аԥсуа ҳәаа аадыртызар, Аԥсны иаҭаахьеит 600 000-ҩык атуристцәа иҳәеит Аԥсны атуризм аминистр Ҭеимураз Хышба Аԥсуа телехәаԥшраҿы апресс-конференциа анымҩаԥигоз.

2

"Ковид" аԥырхагамхар: Гагра агәамсам аизгаразы атехника аахәара азыԥхьагәаҭоуп

2
(ирҿыцуп 15:40 29.10.2020)
Иазхоны иҟоу агәамсамеизакырҭа атехникеи аконтеинерқәеи раахәаразы 20 миллион мааҭ аҭахны иҟоуп.

АҞӘА, жьҭаара 29 – Sputnik, Бадри Есиава. Аԥхьаҟатәи акурорттә сезон азы Гагра агәамсам аизгаразы атехника аахәара азыԥхьагәаҭоуп акоронавирус апандемиа аԥырхагамхар, абри атәы Sputnik иазеиҭеиҳәеит Гагра араион ақалақьтә нхамҩа аусбарҭа аиҳабы Роман Чагәаа.

Иара иҳәеит иахьазы х-машьынак шракәу ирымоу, аха иахәҭаны иазыԥхьаӡоу ԥшьба-хәба шракәу.

"Асезон алагамҭаз амашьынақәа ҩба ракәын иҳамаз агәамсам ақәгаразы. Ахԥатәи амашьына аремонт азаауит. Аха урҭгьы азхом ақалақь арыцқьаразы аиҳарак аԥхынра аамҭазы. Ианамуӡа 4 ма 5 машьына ҳҭахуп. Иара убасгьы иаахәатәуп 400 цыра агәамсамҭаҵарҭақәа", - иҳәеит Чагәаа.

Чагәаа ишиԥхьаӡо ала иҿыцу атехника 3-4 миллион мааҭ иаԥсоуп. Иааидкыланы 15 миллион мааҭ рҟынӡа инаӡоит. Уи адагьы 5 миллион мааҭ рҟынӡа аинвентарь аахәатәуп.

"Ҳақәгәыӷуеит апандемиа шԥанымҵәари ҳәа. Иара убасгьы ҳгәыӷуеит апроблема аӡбразы атәыла аиҳабыра ҳацхраап ҳәа. Уи залмыршахар, абанк аҿы акредит гатәхоит, избанзар атехника ада ԥсыхәа ҳамам", - иҳәеит Чагәаа.

Акурорттә сезон аан агәамсам Гагра инахыкны иҟоу аполигон ахь иганы икарыжьуеит, мышкала 15-20 реис ҟарҵоит. Ари аполигон ахь инаргоит Гәдоуҭа араион аҿтәи агәамсамгьы. Ацрыҵқәа атехника ҷыдала анышә иарҭоит, агәамсам аус еиҭадулара ахьзалымшо азы.

2