Аҳәааҟны аҽазныкгьы аҭаҭын аалыҵ аконтрабанда аанкылан

12
(ирҿыцуп 09:30 01.10.2020)
Акурорттә сезон аамҭазы Аԥсни Урыстәылеи рҳәаа закәаншьаҭада еиҳарак иахыргарц рҽазыршәон арыжәтәи аҭаҭын аалыҵи.

АҞӘА, жьҭаара 1 – Sputnik. Аушьҭырҭатә ҭыԥ "Адлер" аҿы Шәачатәи аҳазалхыҩцәа Аԥснынтәи Урыстәылаҟа контрабандала ииаргоз аҭаҭын аалыҵ ааныркылеит ҳәа аанацҳауеит Шәачатәи аҳазалхырҭа апресс-маҵзура.

© Foto / Пресс-служба Пограничного управления ФСБ России по Краснодарскому краю
Аҳәааҟны аҽазныкгьы аҭҭын аалыҵ аконтрабанда аанкылан

"Аушьҭырҭатә ҭыԥ автомашьынатә цәаҳәаҿы даанкылан Аԥсны Аҳәынҭқарра атәылауаҩ. Иара иавтомашьына агәаҭара ахыжьраан абылтәыҭаҭәарҭаҿ аҭыԥ маӡа шамаз аарԥшын", - аҳәоит адырраҭараҿы.

Иаарԥшын закәаншьаҭада аҳәаа иахигоз 1200 пачка асигарет.

Аҭаҭын аалыҵ Шәача аҳазалхыҩцәа апроцессуалтә ӡбара адкыларазы иргеит.

Ашықәс иалагазар 500 рҟынӡа ус административтә закәанеилагара аганахьала ихацыркуп.

Иара убас шәаԥхьар ҟалоит:

12

Аԥсны 134-ҩык акоронавирус рыдырбалеит, аӡәы лыԥсҭазаара далҵит

8
(ирҿыцуп 19:13 22.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 3306-ҩык ыҟоуп. Урҭ рахьтә ргәы бзиахеит 1289-ҩык, рыԥсҭазаара иалҵит 33-ҩык.

АҞӘА, жьҭаара 22- Sputnik. Иҳаҩсыз уахыки-ҽнаки рыла COVID-19 рцәа иалоу иаламу аилкааразы атестқәа 445-ҩык ирзыҟаҵан, урҭ рахьтә 134-ҩык акоронавирус адиагноз рзышьақәырӷәӷәоуп ҳәа аанацҳауеит Ауааԥсыра акоронавирус рацәыхьчаразы аоперативтә штаб.

Жьҭаара 21 рзы Гәдоуҭатәи агоспиталь аҿы лыԥсҭазаара далҵит 61 шықәса зхыҵуаз акоронавирус адиагноз ззышьақәырӷәӷәаз апациент, лара аҿкчымазаратә ҟәша дҭашәеит жьҭаара 18 рзы. Иақәнагаз атерапиа шизымҩаԥыргозгьы лдунеи лыԥсахит.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 148-ҩык апациентцәа, урҭ рахьтә 123-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 27-ҩык, ибжьаратәуп - 62-ҩык, илҩаауп 11-ҩык апациентцәа. Гәдоуҭатәи агоспиталь уахыки-ҽнаки рыла иҭашәеит 11-ҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбало 21-ҩык апациентцәа. 20-ҩык рҭагылазаашьа бжьаратәуп ҳәа иԥхьаӡоуп, аӡәы-иҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

8
Атемақәа:
Ачымазара ҿкы – акоронавирус Аԥсни адунеи аҿи: иалкаау

Жьиба ацитрустә шәырқәа рзы: иҿала иҿамла есышықәса ихәшәтәлатәуп, аҩара рзымариоуп

4
(ирҿыцуп 18:42 22.10.2020)
Гагра араион Асычқәа ақыҭан иҟоу ацитрустә ааӡарҭа қьырала измоу Аркади Жьиба арадио Sputnik аефир аҿы еиҭеиҳәеит ашәырҵлақәа ишахәҭоу рааӡаразы ихымԥадатәны иҟоу.
Раионк аԥсҭазаараҟынтә: Жьиба ацитрустә шәырқәа рзы

"Ара еиҭаҳау ацитрустә шәырқәа асовет аамҭазы иаԥҵаз абаҳчақәа роуп. Аибашьра ашьҭахь дара рышьақәыргылара уадаҩын аҟнытә ажәлар ишаны ирырҭеит қьырала. Жәашықәсаҟа ҵуеит ҳхала нап адкыла иныҟәаҳгоижьҭеи. Аколнхара аҟынтә ииасыз 300 шьапы рҟынӡа сымоуп, иара ус схатәгьы 200 шьапы рҟынӡа ыҟоуп. Ацитрус анапы адукылар, ианахәҭоу ахәшә ауҭар, уацхраар, аҽаҩра уоуеит, аха иара акалашәа иҟоуп, шықәсык аҽаҩра бзиоуп, шықәсык ибжьанажьуеит. Аха иҿамла иҿала есышықәса ихәшәтәлатәуп, мамзар, иҩоит, уи рзымариоуп, избанзар, ақәра ду рымоуп шьҭа. Аиҭаҳатә аԥшаара уадаҩуп, иара ахәгьы маҷӡам, шықәсык зхыҵуа ашьаҭа 250 -500 мааҭ рҟынӡа инеиуеит", - еиҭеиҳәеит Жьиба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

4