Аԥсны адукатцәа Рпалата: Аиустициа аминистрра азинхьчаҩцәа ирықәыӷәӷәоит

10
Аԥсуа телехәаԥшра аефир аҿы Аԥсны аиустициа аминистр аҳәамҭа ҟаиҵеит Апарламент иаднакылаз азаҭ азы ақәҵара инадҳәаланы дукатцәақәак ирыхьчо рзы амедицинатә ршаҳаҭга ԥаршеиқәа рыҟаҵара иашьҭалеит ҳәа.

АҞӘА, жьҭаара 2 – Sputnik. Аԥсны аиустициа аминистр Анри Барциц Аԥсуа телехәаԥшра аефир аҿы иҳәамҭа адукаттә еилазаара рықәыӷәӷәароуп иаанаго, адукатра аусура аҽалагалароуп иззырхоу ҳәа аҳәоит адукатцәа Рпалата асаит адырраҭараҿы.

Иара убасгьы адырраҭара атекст аҿы иаагоуп Аԥсны аиустициа аминистр Анри Барцыц Аԥсуа телехәаԥшра апрограмма ҷыда "Ишиашоу ицо аефир" аҿы иқәгылара.

"Иаразнакы исҳәар сҭахуп ишыҟоу адыррақәа дукатцәақәак Агәабзиарахьчара аминистрра асистемаҿ аус зуа аҳақьымцәа, рҭахцәа, рдырцәа ишрышьҭалаз зинтерес рыхьчо чмазаҩушәа аршаҳаҭга ԥаршеиқәа рыҟаҵаразы. Агәабзиарахьчара аминистрра аусзуҩцәа џьара акала авба рысҭар сҭахым, аха уи аҩыза аҭагылазаашьа иацәысыхьчар сҭахуп. Избанзар ахылҿиаақәа зеиԥшрахо зегьы еилыркаауеит".

Азинхьчаратә еилазаара ари аҳәамҭа зынӡаскгьы иақәшаҳаҭым, русура аганахьала абри аҩыза аҳәамҭақәа рыҟаҵара иузудымкыло ракәны иршьоит.

"Аминистр адукатцәа рзы ибыргәым игәаанагара ршаҳаҭганы иҟоуп Аиустициа аминистрреи адукатцәа Рпалатеи рыбжьара аилибакаара ахьыҟам. Иазгәаҳҭар ҳҭахуп амаҵзурауаҩ адукатцәа азакәан еиларгеит ҳәа адырра имазар, адукатразы Азакәан инақәыршәаны ари азҵаара азакәанԥҵаратә процедура ишаҳәо еиԥш ишьҭихроуп, ателехәаԥшраҿы адукаттә еилазаара адискредитациа азуразы ахы архәара ацынхәрас", - ҳәа азгәарҭоит адукатцәа Рпалатаҿ.

Адукат ипрофессионалтә усура ахалагалара иара ихьыԥшымра еиланагоит, уи инамаданы дарбанзаалак атәылауаҩ аиуристтә цхыраара аиуразы изин зынагӡахом ауп иаанаго ҳәа аҳәоит атекст аҿы.

Цәыббра 24 рзы Аԥсны Апарламент адепутатцәа Аиааиреи Ахьыԥшымреи рымш 27 шықәса ахыҵра ахьӡала азаҭ аҭараз ақәҵара рыдыркылеит. Аԥсны ахада Аслан Бжьаниа анапынҵа ҟаиҵеит азаҭ азы азҵаара иныҭкааны иҭҵаазарц.

Ақәҵара ауаажәларра рҿы еиуеиԥшым агәаанагарақәа цәырнагеит. Аҩнуҵҟатәи аусқәа рминистрраҿы аҳәамҭа ҟарҵеит азакәан ахәҭақәак рынагӡара азинхьчаратәи аӡбарҭатәи системақәа адискредитациа рзыруеит, аҳәынҭқаррахьгьы агәрамгара цәырнагоит ҳәа.

Цәыббра 28 рзы Апарламент аҳәынҭқарра-зинтә политиказ аилак ахантәаҩы Валери Агрба апресс-конференциа мҩаԥигеит, азаҭ азы азакәан аганахьала акритикцәагьы аҭакқәа риҭеит.

Цәыббра 29 рзы апарламентарицәа атәыла ахада, Аҩнуҵҟатәи аусқәа рминистрра, Аиустициа аминистрра, Аԥсуа телехәаԥшра рахь ааԥхьара ҟарҵеит Жәлар Реизара ақәыӷәӷәара иаҟәыҵырц, амчра аихшара апринцип иқәныҟәаларц.

10

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

15
Гал араион ахадара азиндырратә ҟәша аиҳабы Инал Қәычбериа арадио Sputnik аефир аҿы еиҭеиҳәеит иарбан зҵаарақәоу ирызцәырҵуа араион ауааԥсыра, есыҽнытәи иусура шеиҿкаау атәы.

 

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

"Еиҳарак аусура ахьыҟоу араион ахадара ирыдыркыло аԥҟаԥҵәақәа реилыргараҿы ауп. Уи ҳауаажәлар ирызнагатәуп, рхы иахьадырхәаша, ишадырхәаша раҳәатәуп. Насгьы ҳара иаҳзаауа Аԥсны ахада идҵақәа роума, аԥыза-министр идҵақәа роума, дара зегьы еилырганы ажәлар ирызнагатәуп, урҭ адҵақәа инарықәыршәаны аусура мҩаԥысларц азы. Уи адагьы мчыбжьык ахь ҩынтә ауааԥсыра рызҵаарақәа рыла исыдыскылоит. Иара уи аамҭа абжьарагьы ианааиуа иҟоуп. Ауааԥсыра еиҳарак изыргәамҵуа атәылауашәҟәы аиура азҵаароуп, иҟоуп иара убас ашәахтәқәа ршәараҿы азҵаарақәа анрызцәырҵуагьы, анаҩс ауалафахәы ацҵара иаҵанакуа уҳәа, иаҳзааиуа рацәаҩуп, иахьынӡаҳалшо ҳрыхәоит", - ҳәа еиҭеиҳәеит Қәычбериа.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

15

Асигареҭқәа S-класс ала: Аԥснынтәи Урыстәылаҟа иргоз аконтрабанда аанкылоуп

5
(ирҿыцуп 19:37 19.10.2020)
Атранспорттә хархәага агәаҭаратә комплекс ала игәаҭан, иагьыԥшаан атранспорт хархәага аконструкциа иаҵанамкуа аҭагәаҩарақәа рҿы иҭаз иҭагаламыз аҭаҭын. Аҭаҭын аалыҵ аконтрабандаз аусҭҵаара хацыркуп.

АҞӘА, жьҭаара 19 - Sputnik. Аҳазалхратә ҭыԥ "Адлер" аҿы аҳазалхратәи аҳәаахьчаратәи гәаҭараан иаанкылан аконтрабандатә аалыҵ зманы Аԥснынтәи Урыстәылаҟа ицоз автомашьына Мерседес-Бенц S450 ҳәа аанацҳауеит Шәача аҳазалхырҭа апресс-маҵзура.

© Foto / пресс-служба сочинской таможни
Аконтрабандатә аалыҵ зманы Аԥснынтәи Урыстәылаҟа ицоз автомашьына Мерседес-Бенц S450

Атранспорттә хархәага агәаҭаратә комплекс ала игәаҭан, иагьыԥшаан атранспорт хархәага аконструкциа иаҵанамкуа аҭагәаҩарақәа.

Ашьҭахьтәи апассаџьыртә тәарҭақәа анҭырга ашьҭахь, иԥшаан абылтәыҭгага ашьақәыргыларазы абылтәыҭра алиукқәа ҩба. Аха убри аан абылтәҭгагақәа ыҟамызт.

© Foto / пресс-служба Сочинской таможни

Абылтәыҭраҿы иҭаҵәахын аҭаҭын аалыҵ "HT Superslims", "NZ GOLDCOMPACT" аԥсуа акцизтә маркақәа рықәҵаны.

Даҽа ҵәахырҭакгьы ԥшаан абагаж аҟәшеи автомашьына асалони рыбжьара. Арагьы иҭаҵәахын 24 ҭоԥ асигареҭ "HTSuperslims".

Иааидкыланы иаарԥшын 864 пачка асигареҭ – 17280 цыра.

Мерседес арныҟәцаҩ, Шәача ауаҩԥсы, илҳәеит атауар Аԥсны ишаалхәаз акоммерциа хықәкыс иҟаҵаны. Аҳазалхратә ҳәааҟны аҭаҭын аалыҵ ахгара аԥкрақәа шамаз дырны иара лҵәахит.

Изакәаным атауари автомашьынеи лымхуп. Аҭаҭын аалыҵ аекспертизахь инашьҭуп. Абри ахҭыс аганахьала аусҭҵаара хацыркуп Урыстәыла АЗ ахәҭаҷ 16.1 ахәҭа 2 инақәыршәаны.

Иара убас шәаԥхьар ҟалоит:

5