Асанепидеммаҵзура аштат жәеизаҩык аусзуҩцәа ацлоит

12
(ирҿыцуп 13:19 02.10.2020)
Аԥсны афинансқәа рминистр Владимир Делба "Абаза-ТВ" аефир аҿы цәыббра 29 рзы иҳәеит жьҭаарамза инаркны Ареспубликатә СЕС аштат аизырҳаразы аԥаразоужьра шымҩаԥгахо.

АҞӘА, жьҭаара 2 – Sputnik, Бадраҟ Аҩӡба. Асанитар-епидемиологиатә маҵзура жәеизаҩык аусзуҩцәа ҿыцқәа рнапынҵақәа рынагӡара иалагоит ПЦР-диагностика амҩаԥгашьа аныддырҵалак ашьҭахь ҳәа Sputnik иазеиҭалҳәеит Аԥсны асанитартә ҳақьым хада Лиудмила Скорик.

"Адиагностика аҷыдарақәа амоуп, иара атәы ҵатәуп, апрактика умазароуп. Аусура алагаразы аҵара-зыҟаҵаратә курс иахыстәуп. Уи азы Ареспубликатә санитар-бактериологиатә лабораториа абазаҿы аус руеит ставропольтәи амырзачымазара аҿагыларазы аинститут аҟазауаа", - ҳәа лҳәеит лара.

Асанитар-епидемиологиатә маҵзура аусзуҩцәа ҿыцқәа рҟынтәи ԥшьҩык ҳақьымцәоуп, ԥшьҩык – лаборантцәоуп, хҩык - цхыраагӡатә персоналуп.

"Асанитаркеи арзҩыдараҟаҵаҩи ҳҭахуп. Урҭ иҷыдоу аҵара рымамзар ауеит. Акоронавирустә инфекциа аԥыхразы ауснагӡатәқәа ирылахәхар зҭаху дарбанзаалак иакәхар ҟалоит", - ҳәа лҳәоит Скорик.

Уи адагьы Аԥсны афинансқәа рминистр Владимир Делба "Абаза-ТВ" аефир аҿы иазгәеиҭеит ишаахәоу ахархәагақәа, атест-системақәа, аныхратә материалқәа. Уи алшара ҟанаҵоит анализқәа рхыԥхьаӡара аиҳатәразы.

"ПЦР-диагностика аҩбатәи ацәаҳәа анагӡаразы ихымԥадоу амаругақәа реиқәыԥхьаӡа ҳзынашьҭуп. Уажәы дара ҭзыжьуа урыстәылатәи анаплакқәеи ҳареи ҳаилацәажәоит. Акоммерциатә дгыларақәа ҳзыҟарҵоит, ахәԥсақәа ҳрылацәажәоит. Аԥара шаҳшәалак амаругақәа ҳзааргоит. Аҭҵаарақәа рымҩаԥгарагьы еиҳа ирццакхоит", - ҳәа лҳәеит Лиудмила Скорик.

Делба ишиҳәо ала, 2020 шықәса аҵыхәанӡа СЕС алабораториа амаҵзуразы 615 000 мааҭ аҭахуп. Амаругақәа раахәареи аныхратә материалқәа раахәареи ирзоужьуп 1,5 миллион мааҭ.

Аԥсны ахада Аслан Бжьаниа уаанӡа адҵа ҟаиҵахьан Агәабзиарахьчара аминистрра Гәдоуҭатәи агоспиталь аҿы аҵәыҵәри анагара арманшәаларазы аиҿкаара-техникатә уснагӡатәқәа мҩаԥнагарц, Афинансқәа рминистрра уи азы аԥарақәа аԥшаарц. Владимир Делба иҳәеит Агәабзиарахьчара аминистрра миллион мааҭ рыхә аусурақәа рымҩаԥгаразы аилаӡара анапы шаҵанаҩыз, Афинансқәа рминистрра урҭ ԥарала ишеиқәнаршәо.

Гәдоуҭатәи агоспиталь аҿы аус зуа аԥарацҵа рызшәара мҩаԥысуеит. Апандемиа иаалагазар аахыс аҳәынҭқарра 48 миллион мааҭ ашәарацҵақәа мҩаԥнагахьеит.

12
Атемақәа:
Ачымазара ҿкы – акоронавирус Аԥсни адунеи аҿи: иалкаау (772)

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

15
Гал араион ахадара азиндырратә ҟәша аиҳабы Инал Қәычбериа арадио Sputnik аефир аҿы еиҭеиҳәеит иарбан зҵаарақәоу ирызцәырҵуа араион ауааԥсыра, есыҽнытәи иусура шеиҿкаау атәы.

 

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

"Еиҳарак аусура ахьыҟоу араион ахадара ирыдыркыло аԥҟаԥҵәақәа реилыргараҿы ауп. Уи ҳауаажәлар ирызнагатәуп, рхы иахьадырхәаша, ишадырхәаша раҳәатәуп. Насгьы ҳара иаҳзаауа Аԥсны ахада идҵақәа роума, аԥыза-министр идҵақәа роума, дара зегьы еилырганы ажәлар ирызнагатәуп, урҭ адҵақәа инарықәыршәаны аусура мҩаԥысларц азы. Уи адагьы мчыбжьык ахь ҩынтә ауааԥсыра рызҵаарақәа рыла исыдыскылоит. Иара уи аамҭа абжьарагьы ианааиуа иҟоуп. Ауааԥсыра еиҳарак изыргәамҵуа атәылауашәҟәы аиура азҵаароуп, иҟоуп иара убас ашәахтәқәа ршәараҿы азҵаарақәа анрызцәырҵуагьы, анаҩс ауалафахәы ацҵара иаҵанакуа уҳәа, иаҳзааиуа рацәаҩуп, иахьынӡаҳалшо ҳрыхәоит", - ҳәа еиҭеиҳәеит Қәычбериа.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

15

Асигареҭқәа S-класс ала: Аԥснынтәи Урыстәылаҟа иргоз аконтрабанда аанкылоуп

5
(ирҿыцуп 19:37 19.10.2020)
Атранспорттә хархәага агәаҭаратә комплекс ала игәаҭан, иагьыԥшаан атранспорт хархәага аконструкциа иаҵанамкуа аҭагәаҩарақәа рҿы иҭаз иҭагаламыз аҭаҭын. Аҭаҭын аалыҵ аконтрабандаз аусҭҵаара хацыркуп.

АҞӘА, жьҭаара 19 - Sputnik. Аҳазалхратә ҭыԥ "Адлер" аҿы аҳазалхратәи аҳәаахьчаратәи гәаҭараан иаанкылан аконтрабандатә аалыҵ зманы Аԥснынтәи Урыстәылаҟа ицоз автомашьына Мерседес-Бенц S450 ҳәа аанацҳауеит Шәача аҳазалхырҭа апресс-маҵзура.

© Foto / пресс-служба сочинской таможни
Аконтрабандатә аалыҵ зманы Аԥснынтәи Урыстәылаҟа ицоз автомашьына Мерседес-Бенц S450

Атранспорттә хархәага агәаҭаратә комплекс ала игәаҭан, иагьыԥшаан атранспорт хархәага аконструкциа иаҵанамкуа аҭагәаҩарақәа.

Ашьҭахьтәи апассаџьыртә тәарҭақәа анҭырга ашьҭахь, иԥшаан абылтәыҭгага ашьақәыргыларазы абылтәыҭра алиукқәа ҩба. Аха убри аан абылтәҭгагақәа ыҟамызт.

© Foto / пресс-служба Сочинской таможни

Абылтәыҭраҿы иҭаҵәахын аҭаҭын аалыҵ "HT Superslims", "NZ GOLDCOMPACT" аԥсуа акцизтә маркақәа рықәҵаны.

Даҽа ҵәахырҭакгьы ԥшаан абагаж аҟәшеи автомашьына асалони рыбжьара. Арагьы иҭаҵәахын 24 ҭоԥ асигареҭ "HTSuperslims".

Иааидкыланы иаарԥшын 864 пачка асигареҭ – 17280 цыра.

Мерседес арныҟәцаҩ, Шәача ауаҩԥсы, илҳәеит атауар Аԥсны ишаалхәаз акоммерциа хықәкыс иҟаҵаны. Аҳазалхратә ҳәааҟны аҭаҭын аалыҵ ахгара аԥкрақәа шамаз дырны иара лҵәахит.

Изакәаным атауари автомашьынеи лымхуп. Аҭаҭын аалыҵ аекспертизахь инашьҭуп. Абри ахҭыс аганахьала аусҭҵаара хацыркуп Урыстәыла АЗ ахәҭаҷ 16.1 ахәҭа 2 инақәыршәаны.

Иара убас шәаԥхьар ҟалоит:

5