Аҟәа ауаажәларратә транспорт ахырхарҭа рыԥсахуеит аремонттә усурақәа рзы

7
Аҟәа Абазақәа рымҩа ацентралтә хәҭаҟны акоммуникациатә ҳақәа рремонт Аинвестпрограммала имҩаԥыргараны иҟоуп, уи хымз рыҩнуҵҟа ицалоит.

АҞӘА, жьҭаара 3 - Sputnik. Ауаажәларратә транспорт амаршрут "Араион ҿыц - аџьармыкьа" рыԥсахуеит, иагьынаскьаргоит Аидгылара амҩаҟынӡа. Уи зыхҟьаз Абазақәа рымҩа ацентралтә хәҭаҿы аремонттә усурақәа мҩаԥыргараны иахьыҟоу ауп, абри атәы ааицҳаит Аҟәа ақалақь атранспорт аусбарҭеи амҩатә машьынаныҟәара аиҿкаареи рдепартамент аиҳабы Ҭемыр Абӷаџь.

Лакоба имҩала иаауа автобусқәа, атроллеибусқәа, амаршруттә таксиқәа Абазақәа рымҩахь акәымкәа, Аидгылара амҩахь ибжьалалоит, уантәи Араион ҿыц ахь ицо атранспорт Арӡынба имҩаҟынӡа инеилоит, уи амҩа ахәҭаҟны амашьынақәа ганкахьала мацара иныҟәалоит. Анаҩс Арӡынба имҩахь иаваҵәины Абазақәа рымҩаҟынӡа инаӡаны, арыӷьарахь абжьааԥнытәи рымҩа иацырҵоит.

Иазгәаҭоуп Абазақәа рымҩаҟны иҟаз аангыларҭа кварталк ала аҩадахьы ишаанхо.

Абазақәа рымҩаҟны акоммуникациақәа реиҭашьақәыргыларазы аусурақәа хара имгакәа ирылагоит. Ауаажәларратә транспорт рныҟәашьа асхема ҿыц жьҭаарамза иалагӡаны иалагалахоит, убри аҟынӡа Аидгылара амҩаҿы атроллеибустә цәаҳәақәа мҩаныргоит.

7

Џьергьениа аԥсыӡ ақәырҭ аҟьараан ахылаԥшразы: амлагәыр иацло иалагеит

1
Риҵатәи Амилаҭҭә ареликттә парк аҟны абнахылаԥшҩы хада Ҭенгьыз Џьергьениа арадио Sputnik аефир аҟны еиҭеиҳәеит аԥсыӡқәа ақәырҭ анырҟьо аамҭазы , урҭ реиқәырхаразы аҷаԥшьара шымҩаԥырго.
Џьергьениа аԥсыӡ ақәырҭ аҟьараан Риҵа ахылаԥшразы: амлагәыр иацло иалагеит

Жьҭаара 25 инаркны ԥхынҷкәын 10-нӡа аԥсыӡқәа ақәырҭ аҟьара иалагоит. Ари аамҭазы аԥсыӡкра азин ыҟаӡам.

"Аинспекторцәа, аиҳабацәа зегьы ҳазҿу ҳаԥсабара, ҳаԥсыӡ ахьчара ауп, ҳхәыҷқәа ирбартә еиԥш аус ҳуеит. Акалмаҳи амлагәыри ари аамҭазы ақәырҭ рҟьоит, аԥсыӡкра аанкыланы иҟоуп. Аҷкәынцәа уахынлагьы иҷаԥшьоит. Ҵыԥх амлагәыр ахьыҟоу 26 жрақәа ыҟазҭгьы, сынтәа иҵегьы иацлароуп ҳәа агәаанагара ҳамоуп. Иубаратәы иҟоуп ахылаԥшра амҩаԥгара ашьҭахь аԥсыӡ ишацлаз. Аԥҟарақәа рықәныҟәара иабзоураны ҳӡиасқәа рҟны аԥсыӡ аҽеиҵнахо иалагеит", - иҳәеит Џьергьениа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

1

Уахыки-ҽнаки рыла акоронавирус 113-ҩык ирыдырбалеит Аԥсны

2
Апандемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 3952-ҩык ыҟоуп. Урҭ рахьтә ргәы бзиахеит 1474-ҩык, рыԥсҭазаара иалҵит 36-ҩык.

АҞӘА, жьҭаара 27 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 467 ҟаҵан, урҭ рахьтә акоронавирус аарԥшын 113 тест рҟны ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 148-ҩык ауааԥсыра, урҭ рахьтә 118-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 36-ҩык, илҩаауп жәаҩык апациентцәа. Гәдоуҭатәи агоспиталь иҭашәеит жәҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 54-ҩык апациентцәа. 50-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

 

2
Атемақәа:
Ачымазара ҿкы – акоронавирус Аԥсни адунеи аҿи: иалкаау