Очамчыра жәларбжьаратәи афотоеицлабра алҵшәақәа еихыршьалеит

16
(ирҿыцуп 09:47 04.10.2020)
Афотоеицлабра "Аԥсны афокус аҟны" иалахәын 80-ҩык инареиҳаны ауааԥсыра, уи еиҿнакааит Очамчыра араион Аҿари аспорти рыҟәша.

АҞӘА, жьҭаара 4 - Sputnik. Жәларбжьаратәи афотоеицлабра "Аԥсны афокус аҟны" алҵшәақәа еихыршьалеит Очамчыра асабша, жьҭаара 3 рзы ҳәа арадио Sputnik аҟны еиҭалҳәеит афотоеицлабра аиҿкааҩ Фаина Кондратиева.

Лара лажәақәа рыла, ажиури алахәылацәа 14 номинациа рҟны жәаҩык аиааирагаҩцәа алыркааит:

  • Оксана Григолиа - аноминациях "Апортрет", "Аԥсны апеизаж", "Аԥстәқәа рфотосахьа"
  • Елина Караева  -"Арепортаж", "Аҭыԥԥшӡарақәа"
  • Алхас Қаԥшь -  "Ақалақьтә пеизаж", "Амшын апеизаж"
  • Ельза Ҷанба - "Асиужет"
  • Адгәыр Гәынба - "Амилаҭтә колорит"
  • Елена Буиакова - "Аԥсабара"
  • Дамир Џьопуа - "Акреативтә пеизаж"
  • Роксолана Борисова - "Аромантикатә пеизаж"
  • Наала Џьениа - "Анатиурморт"
  • Ричард Ҷкадуа - "Еиуеиԥшым"

Афотоеицлабра "Аԥсны афокус аҟны" официалла иаартын ԥхынҷкәын 25, 2019 шықәсазы. Уи иалахәын Аԥсны араионқәа зегьы рҟынтәи иара убасгьы Урыстәыла ақалақьқәа быжьба рҟынтәи ауаа.

"Аамз инареиҳаны ари аицлабра цон. Арзаҳалқәа х-етапкны иҳадаҳкылон. Ахԥатәи аетап финалтәын. Уи хыркәшан нанҳәа 15 рзы. Жьҭаара 3 рзы еиуеиԥшым аноминациақәа рҟны аиааира згаз рыхьӡ рылаҳәан", - ҳәа азгәалҭеит Фаина Кондратиева.

Ари аицлабра хықәкыс иамоуп Аԥсны иқәынхо ауааи уи асасцәеи иҭырхыз афотосахьақәа рыла иахьатәи Аԥсынтәыла ганрацәала ишыблахкыгоу аарԥшра.

Иара убас шәаԥхьар ҟалоит:

16

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

15
Гал араион ахадара азиндырратә ҟәша аиҳабы Инал Қәычбериа арадио Sputnik аефир аҿы еиҭеиҳәеит иарбан зҵаарақәоу ирызцәырҵуа араион ауааԥсыра, есыҽнытәи иусура шеиҿкаау атәы.

 

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

"Еиҳарак аусура ахьыҟоу араион ахадара ирыдыркыло аԥҟаԥҵәақәа реилыргараҿы ауп. Уи ҳауаажәлар ирызнагатәуп, рхы иахьадырхәаша, ишадырхәаша раҳәатәуп. Насгьы ҳара иаҳзаауа Аԥсны ахада идҵақәа роума, аԥыза-министр идҵақәа роума, дара зегьы еилырганы ажәлар ирызнагатәуп, урҭ адҵақәа инарықәыршәаны аусура мҩаԥысларц азы. Уи адагьы мчыбжьык ахь ҩынтә ауааԥсыра рызҵаарақәа рыла исыдыскылоит. Иара уи аамҭа абжьарагьы ианааиуа иҟоуп. Ауааԥсыра еиҳарак изыргәамҵуа атәылауашәҟәы аиура азҵаароуп, иҟоуп иара убас ашәахтәқәа ршәараҿы азҵаарақәа анрызцәырҵуагьы, анаҩс ауалафахәы ацҵара иаҵанакуа уҳәа, иаҳзааиуа рацәаҩуп, иахьынӡаҳалшо ҳрыхәоит", - ҳәа еиҭеиҳәеит Қәычбериа.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

15

Асигареҭқәа S-класс ала: Аԥснынтәи Урыстәылаҟа иргоз аконтрабанда аанкылоуп

5
(ирҿыцуп 19:37 19.10.2020)
Атранспорттә хархәага агәаҭаратә комплекс ала игәаҭан, иагьыԥшаан атранспорт хархәага аконструкциа иаҵанамкуа аҭагәаҩарақәа рҿы иҭаз иҭагаламыз аҭаҭын. Аҭаҭын аалыҵ аконтрабандаз аусҭҵаара хацыркуп.

АҞӘА, жьҭаара 19 - Sputnik. Аҳазалхратә ҭыԥ "Адлер" аҿы аҳазалхратәи аҳәаахьчаратәи гәаҭараан иаанкылан аконтрабандатә аалыҵ зманы Аԥснынтәи Урыстәылаҟа ицоз автомашьына Мерседес-Бенц S450 ҳәа аанацҳауеит Шәача аҳазалхырҭа апресс-маҵзура.

© Foto / пресс-служба сочинской таможни
Аконтрабандатә аалыҵ зманы Аԥснынтәи Урыстәылаҟа ицоз автомашьына Мерседес-Бенц S450

Атранспорттә хархәага агәаҭаратә комплекс ала игәаҭан, иагьыԥшаан атранспорт хархәага аконструкциа иаҵанамкуа аҭагәаҩарақәа.

Ашьҭахьтәи апассаџьыртә тәарҭақәа анҭырга ашьҭахь, иԥшаан абылтәыҭгага ашьақәыргыларазы абылтәыҭра алиукқәа ҩба. Аха убри аан абылтәҭгагақәа ыҟамызт.

© Foto / пресс-служба Сочинской таможни

Абылтәыҭраҿы иҭаҵәахын аҭаҭын аалыҵ "HT Superslims", "NZ GOLDCOMPACT" аԥсуа акцизтә маркақәа рықәҵаны.

Даҽа ҵәахырҭакгьы ԥшаан абагаж аҟәшеи автомашьына асалони рыбжьара. Арагьы иҭаҵәахын 24 ҭоԥ асигареҭ "HTSuperslims".

Иааидкыланы иаарԥшын 864 пачка асигареҭ – 17280 цыра.

Мерседес арныҟәцаҩ, Шәача ауаҩԥсы, илҳәеит атауар Аԥсны ишаалхәаз акоммерциа хықәкыс иҟаҵаны. Аҳазалхратә ҳәааҟны аҭаҭын аалыҵ ахгара аԥкрақәа шамаз дырны иара лҵәахит.

Изакәаным атауари автомашьынеи лымхуп. Аҭаҭын аалыҵ аекспертизахь инашьҭуп. Абри ахҭыс аганахьала аусҭҵаара хацыркуп Урыстәыла АЗ ахәҭаҷ 16.1 ахәҭа 2 инақәыршәаны.

Иара убас шәаԥхьар ҟалоит:

5