COVID-19 аҽацәыхьчаразы аԥкырақәа амчра роуит

29
(ирҿыцуп 10:28 05.10.2020)
Иахьазы Аԥсны авирус рыдырбалахьеит 1716-ҩык. Ргәы бзиахахьеит 621-ҩык, рыԥсҭазаара иалҵит жәахаҩык.

АҞӘА, жьҭаара 5 – Sputnik. Аԥсны ауааԥсыра авирус рацәыхьчаразы аԥкырақәа амчра роуит жьҭаара 5 инаркны.

Аԥсны ахада Аслан Бжьаниа иусдҵа инақәыршәаны, жьҭаара 5, 2020 шықәса инаркны Аԥсны аҵакыраҿы иҟалом рымҩаԥгара:

  • Амассатә, аспорттә, арлахҿыхратә, алабаратә, ацәыргақәҵатә усмҩаҧгатәқәа ахыбрақәа рыҩныҵҟа, акультура аусҳәарҭақәа аламҵакәа.
  • Акультура аусҳәарҭақәа (атеатрқәа, амузеиқәа, акультуратә центрқәа, акультура ҩынқәа, аконцерттәи ацәыргақәҵатә залқәеи) русурақәа мҩаԥыргалароуп иарбоу аусҳәарҭақәа русуҩцәа хымԥада хаҭалатәи ахыхьчагақәа (амедицинатә сабрадақәеи амедицинатә напҭарԥақәеи) рхы иархәаны.

Шәлымба апассаџьырцәа рныҟәгаразы аԥҟара ҿыцқәа рзы: иахьынӡауа инаҳагӡарц ҳаҿуп

  • Иҟалом ачаратәи егьырҭ агәырӷьаратә усмҩаԥгатәқәеи рымҩаԥгара.
  • Абжьагара ҟаҵоуп алахьеиқәратәи агәаларшәагатә усмҩаԥгатәқәеи зыҽрылазырхәуа ахаҿқәа рхыҧхьаӡара аҧкразы.
  • Ауаажәларратә крыфарҭақәа робиектқәа атәылауаа рымаҵура иазку аишәақәа рыбжьара асоциалтә дистанциа (1,5 метра) рыбжьаҵарази амаҵ зуа аусуҩцәа хаҭалатәи ахыхьчагақәа (амедицинатә сабрадақәеи амедицинатә напҭарҧақәеи) рхархәарази аҭаххарақәа рықәныҟәаразы.
  • Аҟәа ақалақьи Аԥсны араионқәеи афатәтә, ақыҭанхамҩатә, ашәҵатәтәы рџьырмыкьақәеи урҭ ирыду адгьылҵакырақәеи радминистрациқәа есҽны апрофилактикатә дезинфекциа рзыруроуп.
  • Аҭыԥантәи администрациақәа ауаажәларратә транспорт аҩныҵҟа есҽны апрофилактикатә дезинфекциа рзуразы, амашьынаныҟәцаҩцәа хаҭалатәи ахыхьчагақәа (амедицинатә сабрадақәеи амедицинатә напҭарҧақәеи) рхы иадырхәароуп.

COVID-19 аҽацәыхьчаразы Аԥсны иалагалоу аԥкра ҿыцқәа

Уи адагьы Аԥсны Аҳәынҭқарра Агәабзиарахьчара аминистрра иадҵоуп 2020 шықәса жьҭаарамза 15-нӡа:

  • Аҟәа ақ. Аԥсны араионқәеи рыҟны иҟоу амедицинатә усҳәарҭақәа, урҭ рыҟны хазы иҟоу аҭыҧқәа раартреи русуреи алыршазарц акороновирустә ҿкы змоу ахаҿқәа рышьҭаҵаразы;
  • Гәдоуҭатәи аковидтә центр аҟны аҵәыҵәри аҭаразы аиҿкаара-техникатә усмҩаҧгатәқәа хыркәшазарц.

Аԥсны афинансқәа рминистрра уи афинансыркра алнаршароуп.

  • Аԥсны Аҳәынҭқарра Агәабзиарахьчара аминистрра Аҳәынҭқарратә санитартә-епидемиологиатә маҵзура аусзуҩцәа рыштаттә хыԥхьаӡара ааҩык рҟынӡа аизырҳаразы иацҵаны ахарџьқәа рзы;

Асанепидеммаҵзура аштат жәеизаҩык аусзуҩцәа ацлоит

  • акороновирустә ҿкы аарҧшразы имҩаҧырго амедицинатә ҭҵаарақәеи атестқәеи рзы Агәабзиарахьчара аминистрра Аҳәынҭқарратә санитартә-епидемиологиатә маҵзура иҷыдоу амыругақәеи аныхтә материалқәеи раахәаразы;

Аԥсны Аҳәынҭқарра аҵареи абызшәатә политикеи рминистрра иадҵоуп аҭыҧантәи администрациақәеи иареи иааиҧмырҟьаӡакәа ашколнӡатәии азеиҧшҵараиуратәи усҳәарҭақәа хаҭалатәи ахыхьчагақәа (амедицинатә сабрадақәеи амедицинатә напҭарҧақәеи), средствами адезинфекциазы ахархәагақәеи, атермометри рыла реиқәыршәара.

"Ҳамчқәа азымхар ҟалоит": Анқәаб ауаажәлар аԥкрақәа ирықәныҟәарц иааиԥхьеит

Аԥсны Аҳәынҭқарра Агәабзиарахьчара аминистрра иақәнагоуп ауааԥсыра агрипп апрофилактикеи иӷәӷәоу ареспиратортә вирустә ҿкқәеи рзы адырра рыҭара.

Акоронавирус иазку ажәабжьқәа зегьы шәрыԥхьар ҟалоит абра>>

29
Атемақәа:
Ачымазара ҿкы – акоронавирус Аԥсни адунеи аҿи: иалкаау (789)

Аԥсны 134-ҩык акоронавирус рыдырбалеит, аӡәы лыԥсҭазаара далҵит

8
(ирҿыцуп 19:13 22.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 3306-ҩык ыҟоуп. Урҭ рахьтә ргәы бзиахеит 1289-ҩык, рыԥсҭазаара иалҵит 33-ҩык.

АҞӘА, жьҭаара 22- Sputnik. Иҳаҩсыз уахыки-ҽнаки рыла COVID-19 рцәа иалоу иаламу аилкааразы атестқәа 445-ҩык ирзыҟаҵан, урҭ рахьтә 134-ҩык акоронавирус адиагноз рзышьақәырӷәӷәоуп ҳәа аанацҳауеит Ауааԥсыра акоронавирус рацәыхьчаразы аоперативтә штаб.

Жьҭаара 21 рзы Гәдоуҭатәи агоспиталь аҿы лыԥсҭазаара далҵит 61 шықәса зхыҵуаз акоронавирус адиагноз ззышьақәырӷәӷәаз апациент, лара аҿкчымазаратә ҟәша дҭашәеит жьҭаара 18 рзы. Иақәнагаз атерапиа шизымҩаԥыргозгьы лдунеи лыԥсахит.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 148-ҩык апациентцәа, урҭ рахьтә 123-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 27-ҩык, ибжьаратәуп - 62-ҩык, илҩаауп 11-ҩык апациентцәа. Гәдоуҭатәи агоспиталь уахыки-ҽнаки рыла иҭашәеит 11-ҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбало 21-ҩык апациентцәа. 20-ҩык рҭагылазаашьа бжьаратәуп ҳәа иԥхьаӡоуп, аӡәы-иҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

8
Атемақәа:
Ачымазара ҿкы – акоронавирус Аԥсни адунеи аҿи: иалкаау (789)

Жьиба ацитрустә шәырқәа рзы: иҿала иҿамла есышықәса ихәшәтәлатәуп, аҩара рзымариоуп

4
(ирҿыцуп 18:42 22.10.2020)
Гагра араион Асычқәа ақыҭан иҟоу ацитрустә ааӡарҭа қьырала измоу Аркади Жьиба арадио Sputnik аефир аҿы еиҭеиҳәеит ашәырҵлақәа ишахәҭоу рааӡаразы ихымԥадатәны иҟоу.
Раионк аԥсҭазаараҟынтә: Жьиба ацитрустә шәырқәа рзы

"Ара еиҭаҳау ацитрустә шәырқәа асовет аамҭазы иаԥҵаз абаҳчақәа роуп. Аибашьра ашьҭахь дара рышьақәыргылара уадаҩын аҟнытә ажәлар ишаны ирырҭеит қьырала. Жәашықәсаҟа ҵуеит ҳхала нап адкыла иныҟәаҳгоижьҭеи. Аколнхара аҟынтә ииасыз 300 шьапы рҟынӡа сымоуп, иара ус схатәгьы 200 шьапы рҟынӡа ыҟоуп. Ацитрус анапы адукылар, ианахәҭоу ахәшә ауҭар, уацхраар, аҽаҩра уоуеит, аха иара акалашәа иҟоуп, шықәсык аҽаҩра бзиоуп, шықәсык ибжьанажьуеит. Аха иҿамла иҿала есышықәса ихәшәтәлатәуп, мамзар, иҩоит, уи рзымариоуп, избанзар, ақәра ду рымоуп шьҭа. Аиҭаҳатә аԥшаара уадаҩуп, иара ахәгьы маҷӡам, шықәсык зхыҵуа ашьаҭа 250 -500 мааҭ рҟынӡа инеиуеит", - еиҭеиҳәеит Жьиба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

4