Ашаҳаҭцәа рымнеиразы Ҭарба иус ахыргеит

13
(ирҿыцуп 18:38 05.10.2020)
Апрокуратура хада Аҩныҵҟатәи аусқәа рминистррахь аиҭазыҳәа ҟанаҵоит ашаҳаҭ, уаанӡатәи Аҩныҵҟатәи аусқәа рминистр ихаҭыԥуаҩ Казбек Кишмахов инеира аиҿкааразы.

АҞӘА, жьҭаара 5 – Sputnik, Сариа Кәарцхьиаԥҳа. Аԥсны аҩныҵҟатәи аусқәа рминистрраҟны аҭыԥ змаз Анзор Ҭарба ишьра инадҳәаланы  аӡбарҭа аилатәара ахыгоуп жьҭаара 7 рахь ашаҳаҭ, уаанӡатәи Аҩныҵҟатәи аусқәа рминистр ихаҭыԥуаҩ Казбек Кишмахов инеира аиҿкара ахьалмыршахаз азы.

Хәажәкырамзазы Аҩныҵҟатәи аусқәа рминистррахь азыҳәа ҟаҵан уаанӡатәи Аҩныҵҟатәи аусқәа рминистр ихаҭыԥуаҩ Казбек Кишмахов аӡбаратә еилатәара иалахәхаразы. Аха, усҟан Аҩныҵҟатәи аусқәа рминистрра уи аҭакс адырра ҟанаҵеит Кишмахов Аԥсны анҭыҵ, Ҟарачы-Черқьесск дахьыҟоу азы иҟазаара шырзеиҿымкаауа.

Апрокурор Даур Амҷба иазгәеиҭеит уижьҭеи шықәсыбжак шыҵуа, иахьазы Кишмахов дахьыҟоу зынӡа ишырзымдыруа.

"Иҟалап ара дыҟазаргьы. Аминистрра иҳарҭо аҭак ҳазыԥшут", - иҳәеит Амҷба.

Иара иажәақәа рыла, макьаназы ашаҳаҭцәа зегь рҿахәҿыхра хыркәшам, уи азы ашьаҭаҭҵаарахь аус нашьҭым.

Заанаҵтәи аусҭҵаара аверсиала, Аԥсны Аҩнуҵҟатәи аусқәа рминистрра аусзуҩцәа 2019 шықәса ԥхынгәы 11 рзы, амаҵзуратә уада 303 аҿы, Омар Мерцхәылаа иӷьычра далаҟьышьуп ҳәа агәаанагара зызрымаз Анзор Ҭарба иҿахәы шиҿырхуаз иԥсҭазаара далҵит.

Ԥхынгәы 13 рзы Аҩныҵҟатәи аусқәа рминистрра аусзуҩцәа рганахьала ашьаус хацдыркит, рмаҵзуратә напынҵақәа рынагӡараан амчра инамыцхәны рхы иадырхәеит ҳәа.

Аусҭҵаарахь иаҵаркуп Аԥсны ААР УУР уаанӡатәи аиҳабы Витали Кулов, Аԥсны ААР аусзуҩцәа Бадри Џьыкырба, Аслан Ҷедиа, Адгәыр Аутлев.

Аусҭҵаара аверсиала, дара рнапынҵақәа инархыҳәҳәаны амч ахархәара арҭеит.

Цәыббра 28,  2020 шықәса рзы Омар Мерцхәылаа иӷьычразы аусӡбара аматериалқәа рыла Анзор Ҭарба аӷьычра далахәымызт. Ахарадҵаратә ган иазгәанаҭеит аоперативникцәа рматериалқәа рылагьы Ҭарба Мерцхәлаа иӷьычра далаҟьышьымызт ҳәа.

13

Аԥсны 134-ҩык акоронавирус рыдырбалеит, аӡәы лыԥсҭазаара далҵит

6
(ирҿыцуп 19:13 22.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 3306-ҩык ыҟоуп. Урҭ рахьтә ргәы бзиахеит 1289-ҩык, рыԥсҭазаара иалҵит 33-ҩык.

АҞӘА, жьҭаара 22- Sputnik. Иҳаҩсыз уахыки-ҽнаки рыла COVID-19 рцәа иалоу иаламу аилкааразы атестқәа 445-ҩык ирзыҟаҵан, урҭ рахьтә 134-ҩык акоронавирус адиагноз рзышьақәырӷәӷәоуп ҳәа аанацҳауеит Ауааԥсыра акоронавирус рацәыхьчаразы аоперативтә штаб.

Жьҭаара 21 рзы Гәдоуҭатәи агоспиталь аҿы лыԥсҭазаара далҵит 61 шықәса зхыҵуаз акоронавирус адиагноз ззышьақәырӷәӷәаз апациент, лара аҿкчымазаратә ҟәша дҭашәеит жьҭаара 18 рзы. Иақәнагаз атерапиа шизымҩаԥыргозгьы лдунеи лыԥсахит.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 148-ҩык апациентцәа, урҭ рахьтә 123-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 27-ҩык, ибжьаратәуп - 62-ҩык, илҩаауп 11-ҩык апациентцәа. Гәдоуҭатәи агоспиталь уахыки-ҽнаки рыла иҭашәеит 11-ҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбало 21-ҩык апациентцәа. 20-ҩык рҭагылазаашьа бжьаратәуп ҳәа иԥхьаӡоуп, аӡәы-иҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Ачымазара ҿкы – акоронавирус Аԥсни адунеи аҿи: иалкаау

Жьиба ацитрустә шәырқәа рзы: иҿала иҿамла есышықәса ихәшәтәлатәуп, аҩара рзымариоуп

4
(ирҿыцуп 18:42 22.10.2020)
Гагра араион Асычқәа ақыҭан иҟоу ацитрустә ааӡарҭа қьырала измоу Аркади Жьиба арадио Sputnik аефир аҿы еиҭеиҳәеит ашәырҵлақәа ишахәҭоу рааӡаразы ихымԥадатәны иҟоу.
Раионк аԥсҭазаараҟынтә: Жьиба ацитрустә шәырқәа рзы

"Ара еиҭаҳау ацитрустә шәырқәа асовет аамҭазы иаԥҵаз абаҳчақәа роуп. Аибашьра ашьҭахь дара рышьақәыргылара уадаҩын аҟнытә ажәлар ишаны ирырҭеит қьырала. Жәашықәсаҟа ҵуеит ҳхала нап адкыла иныҟәаҳгоижьҭеи. Аколнхара аҟынтә ииасыз 300 шьапы рҟынӡа сымоуп, иара ус схатәгьы 200 шьапы рҟынӡа ыҟоуп. Ацитрус анапы адукылар, ианахәҭоу ахәшә ауҭар, уацхраар, аҽаҩра уоуеит, аха иара акалашәа иҟоуп, шықәсык аҽаҩра бзиоуп, шықәсык ибжьанажьуеит. Аха иҿамла иҿала есышықәса ихәшәтәлатәуп, мамзар, иҩоит, уи рзымариоуп, избанзар, ақәра ду рымоуп шьҭа. Аиҭаҳатә аԥшаара уадаҩуп, иара ахәгьы маҷӡам, шықәсык зхыҵуа ашьаҭа 250 -500 мааҭ рҟынӡа инеиуеит", - еиҭеиҳәеит Жьиба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

4