Платон Бебиа Аԥсны жәлар рпоет ҳәа аҳаҭыртә хьӡы ихҵоуп

20
(ирҿыцуп 23:32 05.10.2020)
Иналукааша аԥсуа поет-трибун Платон Бебиа жьҭаара 5 рзы 85 шықәса ихыҵит. Иара дравторуп 35 шәҟәы, ажәеинраалақәа реизгақәеи ароманқәеи уахь иналаҵаны.

АҞӘА, жьҭаара 5 - Sputnik. Аԥсны Аҳәынҭқарра ахада Аслан Бжьаниа иусԥҟала баҩхатәра дула ирҿиаратә усуреи, зсахьаркыратә ҩаӡара ҳараку аҩымҭақәа раԥҵареи рзы Платон Хәамԥа-иԥа Бебиа ихҵоуп Аԥсны жәлар рпоет ҳәа аҳаҭыртә хьӡы.

© Foto / предоставлено Анатолием Лагулаа

Абри атәы аанацҳауеит атәыла ахада иофициалтә саит.

Иналукааша аԥсуа поет-трибун Платон Бебиа жьҭаара 5 рзы 85 шықәса ихыҵит. Иара дравторуп 35 шәҟәы, ажәеинраалақәа реизгақәеи ароманқәеи уахь иналаҵаны. Аус иуеит апроза, апоезиа, апублицистика уҳәа ажанрқәа рыла. Инапы иҵыҵхьеит аиҭагақәа маҷымкәа.

Платон Бебиа ианашьоуп Дырмит Гәлиа ихьӡ зху аҳәынҭқарратә премиа.

Раԥхьаӡатәи иажәеинраалақәа реизгашәҟәы "Ацәқәырԥақәа" ҭыҵит 1959 шықәса рзы.

 

20

"Ковид" аԥырхагамхар: Гагра агәамсам аизгаразы атехника аахәара азыԥхьагәаҭоуп

2
(ирҿыцуп 15:40 29.10.2020)
Иазхоны иҟоу агәамсамеизакырҭа атехникеи аконтеинерқәеи раахәаразы 20 миллион мааҭ аҭахны иҟоуп.

АҞӘА, жьҭаара 29 – Sputnik, Бадри Есиава. Аԥхьаҟатәи акурорттә сезон азы Гагра агәамсам аизгаразы атехника аахәара азыԥхьагәаҭоуп акоронавирус апандемиа аԥырхагамхар, абри атәы Sputnik иазеиҭеиҳәеит Гагра араион ақалақьтә нхамҩа аусбарҭа аиҳабы Роман Чагәаа.

Иара иҳәеит иахьазы х-машьынак шракәу ирымоу, аха иахәҭаны иазыԥхьаӡоу ԥшьба-хәба шракәу.

"Асезон алагамҭаз амашьынақәа ҩба ракәын иҳамаз агәамсам ақәгаразы. Ахԥатәи амашьына аремонт азаауит. Аха урҭгьы азхом ақалақь арыцқьаразы аиҳарак аԥхынра аамҭазы. Ианамуӡа 4 ма 5 машьына ҳҭахуп. Иара убасгьы иаахәатәуп 400 цыра агәамсамҭаҵарҭақәа", - иҳәеит Чагәаа.

Чагәаа ишиԥхьаӡо ала иҿыцу атехника 3-4 миллион мааҭ иаԥсоуп. Иааидкыланы 15 миллион мааҭ рҟынӡа инаӡоит. Уи адагьы 5 миллион мааҭ рҟынӡа аинвентарь аахәатәуп.

"Ҳақәгәыӷуеит апандемиа шԥанымҵәари ҳәа. Иара убасгьы ҳгәыӷуеит апроблема аӡбразы атәыла аиҳабыра ҳацхраап ҳәа. Уи залмыршахар, абанк аҿы акредит гатәхоит, избанзар атехника ада ԥсыхәа ҳамам", - иҳәеит Чагәаа.

Акурорттә сезон аан агәамсам Гагра инахыкны иҟоу аполигон ахь иганы икарыжьуеит, мышкала 15-20 реис ҟарҵоит. Ари аполигон ахь инаргоит Гәдоуҭа араион аҿтәи агәамсамгьы. Ацрыҵқәа атехника ҷыдала анышә иарҭоит, агәамсам аус еиҭадулара ахьзалымшо азы.

2

Гоԥиа: аԥсшьаҩцәа атур ҿыцқәа рҭахуп, ҳаргьы ирыдаҳгалаша ҳамоуп

9
(ирҿыцуп 15:42 29.10.2020)
Аныҟәарақәа рымҩаԥгаҩ Денис Гоԥиа арадио Sputnik аефир аҿы иҳәеит аԥсшьаҩцәа рзы ҿыц еиҿыркаауа атурқәа зхылҿиаауа атуристцәа рҭахрақәа шракәу.
Гоԥиа: аԥсшьаҩцәа атур ҿыцқәа рҭахуп, ҳаргьы ирыдаҳгалаша ҳамоуп

"Амандарин аҿалара ианалагалак Урыстәылантә арахь ирацәаҩны аԥсшьаҩцәа аауеит. Иҟоуп атурфирмақәа Аԥсны "амандаринтә тур" ҳәа иахьырбо. Ҳара заа амандаринатә баҳчақәа змоу ҳрацәажәоит аԥсшьаҩцәа ҳаманы ҳашнеиуа ала. Аԥсшьаҩцәа рнапала амандарин ҿырхуеит, агьама рбоит, абаҳчаҿы афотоҭыхымҭақәа ҟарҵоит. Анаҩс урҭ асоциалтә даҟьақәа рҿы иӡырыргоит, уи акыр иацхраауеит Аԥсны аӡбахә аларҵәаразы. Уи збо ҳтәылахь аара иҭаххоит. "Амандаринатә тур" адагьы иҟоуп аџьырмыкьахь игоу аныҟәарақәагьы, ҳмилаҭтә чысқәа: аџьынџьыхәа, алаҳарҩа, аҵәарҩа, ахьырҭиуа аҭыԥқәа рҿы инеиуеит, ирзеиҭаҳҳәоит уи заку. Аԥсшьаҩцәа атур ҿыцқәа рҭахуп, ҳаргьы ирыдаҳгалаша ҳамоуп", - ҳәа еиҭеиҳәеит Гоԥиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

9