Аурыс драматә театр афестивальқәа, онлаин-проектқәа, аԥхьарбарақәа ҩба

20
(ирҿыцуп 13:47 06.10.2020)
Фазиль Искандер ихьӡ зху Аурыс драматә театр адиректор Иракли Хынҭәба 39-тәи асезон аихшьаалақәеи аԥкыра ҿыцқәа раамҭаан атеатр аусура аиҿкаашьеи ртәы далацәажәеит.

Иракли Хынҭәба иара убасгьы дрылацәажәеит иааиуа амзақәа рызтәи рыпланқәа ртәы.

Илана Амқәабԥҳа, Sputnik

Аихшьаалақәа ҟаҵо

Апресс-конференциа аартуа РУСДРАМ адиректор хада Иракли Хынҭәба далацәажәеит имариамыз 39-тәи атеатртә сезон.

"Ҳара иҳалҳаршеит хымзи хымзи бжаки еиҵахарыда ахгара. Есыҽны аспектакльқәа цон уҳәар ауеит. Ахәаԥшыҩцәа рацәаҩны иаҳҭааит", - иҳәеит иара.

Хынҭәба иазгәеиҭеит 103 репертуартә спектакль ишыхәмарыз. Макьанагьы асезон нҵәаанӡа урҭ рхыԥхьаӡара 106 рҟынӡа ишнеиуа.

Хынҭәба ишиҳәаз ала, жьҭаара 7 рзы иаатуеит Фазиль Искандер ихьӡ зху жәларбжьаратәи акультура афестиваль "Ауаҩы игыларҭа". Афестиваль аҳәаақәа ирҭагӡаны раԥхьаӡа акәны идырбахоит Аслан Галазов икиносахьа "Чик ихәыҷра", иара Аԥсны иҭыхын. Афестиваль мҩаԥгахоит Аԥсны акультура аминистрра адгыларала.

Асезон аркхоит жьҭаара 15 рзы аспектакль "Ишьаарҵәыроу ачара" ала. Иара анхыркәшахалак ашьҭахь ахәаԥшцәа рыбжьыҭирала иалкаахоит аиааиҩцәа.

"Сынтәа ирацәан аԥхьарбарақәа: "Авантиурист имшынҵа", "Електра", "Оскар", "Буратино ихҭысқәа", "Ишьаарҵәыроу ачара", "Зегьы рцасҳәа агәырӷьара", - иҳәеит РУСДРАМ адиректор.

Абжьыҭиразы РУСДРАМ асаит аҟәша ҷыдаҿы абжьыҭара ҟалоит иалыркааз артистцәа, арежиссиорцәа, асахьаҭыхыҩцәа иара убасгьы аспектакль рыӡбахә рҳәаразы.

Иззыԥштәузеи асезон ҿыц аҿы

2020 шықәса нҵәаанӡа 40-тәи асезон аҳәаақәа ирҭагӡаны ҩ-ԥхьарбарак мҩаԥысраны иҟоуп.

Жьҭаара 30-31 рзы имҩаԥгахоит амоноспектакль "Ацынҵәарах" аԥхьарбара. Хынҭәба иажәақәа рыла, ари даара аинтерес зҵоу усмумҭоуп.

Аҩбатәи аспектакль – Милана Ломиаԥҳа лмоноспектакль ауп. Арежиссиор Мариа Романова. Иара ддырбоит абҵарамза анҵәамҭазы.

Иазырхиоуп даҽа ҩ-проектк. Руак, Антон Чехов изку, мҩаԥгахоит арт-фое аҿы. Аҩналара хәыда-ԥсадоуп.

Аҩбатәи апроект онлаин аформат ала имҩаԥысуеит, Аџьынџьтәылатә еибашьра Ду аҟны Аиааира 75 шықәса ахыҵра иазкуп. Россотрудничество ацхыраарала иаԥҵоуп, Александр Твардовски ипоема "Васили Тиоркин" иалхуп.

Аԥкрақәеи атеатр аусуреи

Иракли Хынҭәба иазгәеиҭеит рпланқәеи атәылаҿ иҟалар зылшо аепидемиологиатә ҭагылазаашьеи шеидҳәалоу.

Жьҭаара 5 инаркны иалагалахоит амассатә уснагӡатәқәа рымҩаԥгаразы аԥкрақәа, акультуратә уснагӡатәқәа уахь ишаҵанамкуагьы, азал рҭәны аспектакльқәа рымҩаԥгара залшом.

"Аспектакль "Ишьаарҵәыроу ачара" жьҭаара 15 рзы иқәыргылахоит. Азал аҿы аҭагылазаашьа ҷыдақәа инарықәыршәаны ахәаԥшыҩцәа ртәара еиҿкаахоит. Ҳара иҳалшо зегь ҟаҳҵоит атеатр ахь иаҳзааиуа цәшәарак рымамзарц азы", - иҳәеит адиректор.

Иазԥхьагәаҭоуп хыԥхьаӡара рацәала агастрольқәа, аха урҭгьы аҭагылазаашьа шыҟало иадҳәалахоит. Жьҭаара 9 рзы атеатр Липецкҟа амҩа иқәлоит, жьҭаара 11 рзы Лев Толстои ихьӡ зху Академиатә театр аҟны ахәаԥшыҩцәа иддырбоит "Кьиоџьаа рҭыӡшәа".

"39-тәи асезон аихшьаалақәа ҟаҵо, ҳара уаҵәтәи амш ҳазхәыцуеит. Напхгаҩык иаҳасаб ала ибзианы еилыскаауеит акраамҭатә планқәа разгәаҭара ишаамҭам", - иҳәеит Хынҭәба.

20

Ҳашыг апандемиа аамҭазы ажурналистцәа русуразы: аибашьраан еиԥш

2
(ирҿыцуп 12:04 16.01.2021)
Аԥсны ажурналистцәа реидгыла ахантәаҩы Руслан Ҳашыг арадио Sputnik аефир аҿы 2020-тәи ашықәс аихшьаалақәа ҟаиҵеит, еиҭеиҳәеит апандемиа аамҭазы ажурналистцәа русура атәы.
Ҳашыг апандемиа аамҭазы ажурналистцәа русуразы: аибашьраан еиԥш

"Аҿкычымазара иадҳәалаз аинформациатә усура, уи аҽазыҟаҵара, уи агәҽанызаара, аҳәынҭқарратә усбраҭақәа еиҿыркаауаз аусура зегьы аинформациала еиқәыршәатәын. Ачымазара ыҟоуп ҳәа ажурналистцәа аусурахь имнеиуа, рхы хьчара мацара иашьҭамызт. Дара рнапынҵақәа зегьы нарыгӡар акәын, уи иахылҿиаауаз ауадаҩрақәа ҳасаб рзуны. Ашықәс еихшьаало иазгәасҭарц сҭахуп, Аԥсны ажурналистцәа аус ахьыруазаалакгьы, аибашьра ашықәсқәа рзы ишыҟаз еиԥш, аидгылара ҟаҵаны, аицхыраара ҟаҵаны, ихадароу ахықәкы- ажәлар ирдырыц ирықәнагоу, аинформациа рызнагараҿы даара аџьабаа рбеит. Акырӡа аусбараҭақәа русура аанкылан, аха зда ԥсыхәа амам ҳәа еиқәырԥхьаӡо, урҭ рхыԥхьаӡараҿы аԥхьа игыламзар, рыгәҭаны игылан Аԥсны амассатә информациатә хархәагақәа", - еиҭеиҳәеит Ҳашыг.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

2
Атемақәа:
Ачымазара ҿкы – акоронавирус Аԥсни адунеи аҿи: иалкаау

ААУ аԥышәаратә сессиа ахыгоуп акарантин иахҟьаны

8
(ирҿыцуп 23:09 15.01.2021)
Аԥснытәи аҳәынҭқарратә университет аҟны аԥышәаратә сессиа иалагараны иҟан ажьырныҳәа 18 инаркны, иацҵахон жәабранмза алагамҭанӡа.

АҞӘА, ажьырныҳәа 16-Sputnik. Ажьырныҳәа 25-нӡа Аԥснытәи аҳәынҭқарратә университет аҟны акарантин рылаҳәоуп, иҟоу аепидемиологиатә ҭагылазаашьа иахҟьаны, абри аҩыза аӡбамҭа аднакылеит аректорат, абри атәы Sputnik иазааицҳаит апресс-маҵзура анапхгаҩы Џьамбул Инџьгьиа.

Инџьгьиа иажәақәа рыла, ашықәс алагамҭазы COVID-19 рзышьақәырӷәӷәан аӡәык-ҩыџьак арҵаҩцәа. Астудентцәа рҟынтә аҿкычымазара ӡәыр рцәа иалу иаламу аилкаара иаҿуп.

2020 шықәсазы атәылаҿ иҟоу аепидемиологиатә ҭагылазаашьа инадҳәаланы Аԥснытәи Аҳәынҭқарратә университет анапхгара аҵараиурҭа аҭалара аԥҟарақәа рыԥсахит. ААУ аректор актәи ихаҭыԥуаҩ Виктор Маланӡиа иажәақәа рыла, ауниверситет ахь ԥышәарада абитуриентцәа рыдыркылеит. Аԥышәаратә сессиа ашьҭахь еилкаахоит хәыда-ԥсада аҵара зҵои, аҵара ахә зшәалои.

Аԥсны Аҳәынҭқарра Ахада Аслан Бжьаниа инапы аҵаиҩит 2021 шықәса жәабранмза 10 рҟынӡа ауааҧсыра акоронавирустә ҿкы COVID-19 рацәыхьчара иазку ауснагӡатәқәа ирыцҵазарц Адҵа.

8