Аԥсни Шьамтәылеи рыбжьара аиқәшаҳаҭра нап аҵаҩуп

10
Аԥснытәи аделегациа Дамаск иҟоуп Аԥсны Ацҳаражәҳәарҭа Шьамтәылатәи Арабтә республикаҟны аартра инадҳәаланы.

АҞӘА, жьҭаара 6 - Sputnik. Аԥсны адәныҟатәи аусқәа рминистр Даур Ақаҩбеи Шьамтәыла адәныҟатәи аусқәеи аџьынџьуаа русқәеи рзы рминистр, Шьамтәыла аминистрцәа рхеилак ахантәаҩы ихаҭыԥуаҩ Уалид Аль Муаллеми аиҳабырабжьаратә еиқәшаҳаҭра рнапы аҵарҩит адипломатиатәии амаҵзуратәии паспортқәа змоу рзы авиза аԥыхразы. Абри атәы аанацҳауеит Аԥсны ААР асаит.

Аԥснытәи аделегациеи Уалид Аль Муалли аиԥылара рыман. Аиԥылараан ирылацәажәан ҩ-ганктәи аизыҟазаашьақәа, иаадыртуа Ацҳаражәҳәарҭа аҵак ду иамоу ртәы.

"Шьамтәыла акраамҭа аҩнуҵҟатәии анҭыҵтәии атерроризм иаҿагылан. Аиҳарак амчқәа ззырхоу жәларбжьаратә аренаҿы аполитикатә қәԥара амҩаԥгароуп. Тәылақәак, уаанӡа ҳаӷацәа адгылара рызҭоз, уажәы ҳаизыҟазаашьақәа рырбзиара рҽазыршәоит. Ҳара ҳажәлар уаҵәтәи рԥеиԥш бзиа ҳақәгәыӷуеит. Убри азы иаҳҭахуп аекономикатә терроризми асанкциақәеи рҿагылара амҩаԥгара", - азгәеиҭеит Уалид Аль Муаллем.

Аԥсны Аҳәынҭқарра Ацҳаражәҳәарҭа аартра ацеремониа аҽалархәразы Шьамтәыла иҟоу Алхас Кәыҵниа зхадараҿы дыҟоу Аԥснытәи аделегациа идикылеит Шьамтәыла Аминистрцәа рхеилак ахантәаҩы Хусеин Арнус.

Кәыҵниа иазгәеиҭеит аԥснытәи аган шазыхиоу аиҳабырабжьаратә комиссиа аусура иаарццакны алагаразы акомиссиа  аилазаара дырдырра.

Хуссеин Арнус иажәақәа рыла Шьамтәыла активла Аԥсни иареи рыбжьара адипломатиатә еизыҟазаашьақәа хра рыманы рымҩаԥгара иазыхиоуп.

Шьамтәыла Аԥсны ахьыԥшымра азханаҵеит, адипломатиатә еизыҟазаашьақәа шьақәнаргылеит 2018 шықәса лаҵара 29 рзы.

2020 ԥхынгәымза анҵәамҭазы Шьамтәылатәи Арабтә республика ахада Башар аль-Асад дидикылеит Аԥсны Аҳәынҭқарра азинмчра нагӡа змоу ацҳаражәҳәаҩ Баграт Хәытаба. Имҩаԥган аҳәынҭқарратә гәраргагатә шәҟәқәа реимдара.

Иара убас шәаԥхьар ҟалоит:

10

Ҳашыг апандемиа аамҭазы ажурналистцәа русуразы: аибашьраан еиԥш

1
(ирҿыцуп 11:36 16.01.2021)
Аԥсны ажурналистцәа реидгыла ахантәаҩы Руслан Ҳашыг арадио Sputnik аефир аҿы 2020-тәи ашықәс аихшьаалақәа ҟаиҵеит, еиҭеиҳәеит апандемиа аамҭазы ажурналистцәа русура атәы.
Ҳашыг апандемиа аамҭазы ажурналистцәа русуразы: аибашьраан еиԥш

"Ачымазара ҿкы иадҳәалаз аинформациатә усура, уи аҽазыҟаҵара, уи агәҽанызаара, аҳәынҭқаратә усбраҭақәа еиҿыркаауаз аусура зегьы аинформациала еиқәыршәатәын. Ачымазара ыҟоуп ҳәа ажурналистцәа аусурахь имнеиуа, рхы хьчара мацара иашьҭамызт. Дара рнапынҵақәа зегьы нарыгӡар акәын, уи иахылҿиаауаз ауадаҩрақәа ҳасаб рзуны. Ашықәс еихшьаала иазгәасҭарц сҭахуп, Аԥсны ажурналистцәа аус ахьыруазаалакгьы, аибашьра аамҭа шыҟаз еиԥш, аидгылара ҟаҵаны, аицхыраара ҟаҵаны ихадароу ахықәкы, ажәлар ирдырыц ирықәнагоу аинформациа рызнагараҿы даара аџьабаа рбеит. Акырӡа аусбараҭақәа русура аанкылан, аха зда ԥсыхәа амам ҳәа еиқәырыԥхьаӡо, урҭ рхыԥхьаӡараҿы аԥхьа игыламзар, рыгәҭаны игылан Аԥсны амассатә информациатә хархәагақәа", - еиҭеиҳәеит Ҳашыг.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

1
Атемақәа:
Ачымазара ҿкы – акоронавирус Аԥсни адунеи аҿи: иалкаау

ААУ аԥышәаратә сессиа ахыгоуп акарантин иахҟьаны

8
(ирҿыцуп 23:09 15.01.2021)
Аԥснытәи аҳәынҭқарратә университет аҟны аԥышәаратә сессиа иалагараны иҟан ажьырныҳәа 18 инаркны, иацҵахон жәабранмза алагамҭанӡа.

АҞӘА, ажьырныҳәа 16-Sputnik. Ажьырныҳәа 25-нӡа Аԥснытәи аҳәынҭқарратә университет аҟны акарантин рылаҳәоуп, иҟоу аепидемиологиатә ҭагылазаашьа иахҟьаны, абри аҩыза аӡбамҭа аднакылеит аректорат, абри атәы Sputnik иазааицҳаит апресс-маҵзура анапхгаҩы Џьамбул Инџьгьиа.

Инџьгьиа иажәақәа рыла, ашықәс алагамҭазы COVID-19 рзышьақәырӷәӷәан аӡәык-ҩыџьак арҵаҩцәа. Астудентцәа рҟынтә аҿкычымазара ӡәыр рцәа иалу иаламу аилкаара иаҿуп.

2020 шықәсазы атәылаҿ иҟоу аепидемиологиатә ҭагылазаашьа инадҳәаланы Аԥснытәи Аҳәынҭқарратә университет анапхгара аҵараиурҭа аҭалара аԥҟарақәа рыԥсахит. ААУ аректор актәи ихаҭыԥуаҩ Виктор Маланӡиа иажәақәа рыла, ауниверситет ахь ԥышәарада абитуриентцәа рыдыркылеит. Аԥышәаратә сессиа ашьҭахь еилкаахоит хәыда-ԥсада аҵара зҵои, аҵара ахә зшәалои.

Аԥсны Аҳәынҭқарра Ахада Аслан Бжьаниа инапы аҵаиҩит 2021 шықәса жәабранмза 10 рҟынӡа ауааҧсыра акоронавирустә ҿкы COVID-19 рацәыхьчара иазку ауснагӡатәқәа ирыцҵазарц Адҵа.

8