Аҭаҭын аалыҵ ала иҭәыз аиномаркақәа аанкылоуп

14
(ирҿыцуп 09:26 07.10.2020)
Автомашьына Аԥснынтәи Урыстәылаҟа аҳәаа иахысуан. Зынӡа 2500 сигареҭҭра амҩангара аԥырҟәҟәаан.

АҞӘА, жьҭаара 6 - Sputnik. Аҭаҭын аалыҵ аҭаҵәахраз аҭыԥ маӡа зҭаҟаҵаз аиномаркақәа хԥа аушьҭырҭатә ҭыԥ "Адлер" аҿы иааныркылеит. Абри атәы аанацҳауеит Краснодартәи аҳазалхырҭа апресс-маҵзура.

Актәи амашьына – BMW 5201 аҟазауаа-кинологцәа иҭырҵааит. Абензин ахьҭарҭәо абак аҿы аҭыԥ ҷыда ҟаҵан. Уи ҭаҭын аалыҵла иҭәын. 78 ҭоԥ асигареҭ ԥшаан. Амашьына аныҟәцаҩ, 26 шықәса зхыҵуа Шәача ақалақь ауаҩԥсы иҳәеит амашьына аамҭала сдырк имысхит, асеиԥш шыҟаз сыздырамызт ҳәа.

Аҩбатәи амашьына – TOYOTA LAND CRUISER аҟынгьы иара убри аҩыза аҭагылазаашьа аҭыԥ аман. Абак-дублиор иҭыган 119 ҭоԥи аа-асигареҭҭраки (23960 цыра).

Амашьына зтәыз иҿы иқәшаҳаҭхеит ариаҟара хыԥхьаӡара аҭаҭын аалыҵ аҳәаа ахыгара шыҟамлоз шидыруаз.

© Foto / пресс-служба Сочинской таможни
Контрабанда сигарет

Абри ашьҭахь еиҭаанкылан амарка "Шевроле Кобальт" иатәу амашьына. Автомашьына аидараҭаҵарҭаҿы аинспекторцәа ирыԥшааит 50 ҭоԥ асигареҭ (10 000) цыра.

Иааидкыланы иаарԥшын 49 560 цыра асигареҭ. Изакәанмыз атауари амашьынақәеи изтәыз ирымхын.

Административтә зинеилагарақәа рзы ф-уск хацыркуп.

14

Аԥсны даҽа 73-ҩык акоронавирус рыдырбалеит, ҩыџьа рыԥсҭазаара иалҵит

4
(ирҿыцуп 21:13 31.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4233-ҩык ыҟоуп. Урҭ рахьтә ргәы бзиахеит 2267-ҩык, рыԥсҭазаара иалҵит 42-ҩык.

АҞӘА, жьҭаара 31 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 367 ҟаҵан, урҭ рахьтә акоронавирус аарԥшын 73 тест рҟны ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 132-ҩык ауааԥсыра, урҭ рахьтә 114-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 23-ҩык, ибжьаратәуп - 27-ҩык, илҩаауп жәаҩык апациентцәа. Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 60-ҩык апациентцәа. 57-ҩык рҭагылазаашьа бжьаратәуп ҳәа иԥхьаӡоуп, хҩык рҭагылазаашьа бааԥсуп.

Аоперштаб иара убас иаанацҳаит жьҭаара 31 рзы Аҟәа асасааирҭа "Аиҭар" аҟны иаарту урыстәылатәи хырхарҭарацәалатәи агоспиталь аҟны акоронавирус злаз ҩыџьа рыԥсҭазаара ишалҵыз.

Иԥсҭазаара далҵит COVID-19 ззышьақәырӷәӷәаз 1934 шықәса рзы ииз апациент. Иара ҩганктәи аполисегментартә гәыҵәкра ӷәӷәала илаҽны дыҟан. Иҭагылазаашьа акыр ибааԥсын. Жьҭаара 31 ашьыжь иара иԥсҭазаара далҵит игәы-шьадатәи иԥсыԥлагаҩагаратәи зымхара иахҟьаны.

1942 шықәсазы ииз COVID-19 ззышьақәырӷәӷәаз апациенткагьы жьҭаара 31 рзы лыԥсҭазаара далҵит. Лара ахәышәтәырҭанҭыҵтәи ҩганктәи асубтоталтә полисегментартә гәыҵәкра лыман, иара убас егьырҭ асоматикатә чымазарақәагьы лцәа иалан.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

  • Акоронавирус иазку ажәабжьқәа зегьы шәрыԥхьар ҟалоит абра>>
4
Атемақәа:
Ачымазара ҿкы – акоронавирус Аԥсни адунеи аҿи: иалкаау

Сангәлиа аԥсуа сериал "Алахьынҵа" азы: ҳазыԥшымызт ас ауаа ирыдыркылап ҳәа

8
Аԥсуа бызшәа аҿиара иазырхоу апроект ала имҩаԥысуеит асериал "Алахьынҵа" аҭыхрақәа. Апроект автор, арежиссиор-ақәрыгылаҩ, Саид Сангәлиа арадио Sputnik аефир аҿы еиҭеиҳәеит гәыԥҩык аҿар асериал аҭыхра шаԥшьыргаз атәы.
Сангәлиа аԥсуа сериал "Алахьынҵа" азы: ҳазыԥшымызт ас еиԥш ауаа ирыдыркылап ҳәа

"Аинтернет сериал аԥҵара схала исмыӡбеит, дсыцхрааит Мран Алҭеиба. Апроект иаалырҟьан иӡбоу ак акәӡам, акыраамҭа ҳазнеиуан. Ибзиангьы еилаҳкаауан ауадаҩрақәа рацәаны ҳшызцәырҵуаз, еиҳарак атехника аганахьала. Ҟәрышьқәак ааилаԥсаны иааҳхәеит амикрофонқәа уҳәа зыда ԥсыхәа ыҟам атехника. Иара ҳбызшәала иҭҳажьырц ҳҭахын, избанзар, аԥсшәа аӡыргара иацхраауеит. Асериал арԥыси аҭыԥҳаи рыбзиабара иазкуп. Сериак 5-7 минуҭк раҟара ицалоит, х-сезонк рыла ишьақәгылазаауеит, сезонк аҿы жәа-сериак ҟалоит. Асериал асоциалтә даҟьақәа рҿы уахәаԥшыр улшоит. Уаҟа ихәмаруа актиорцәа аҟазара злоу, абызшәа бзианы издыруа роуп, иҟоуп аҿар, хымԥада, аҟазара злоу, аха рбызшәа хьысҳауп, убри аҟнытә иаҳа иззымариоу аалаҳхын, аҭыхрақәа ҳрылагеит", - ҳәа еиҭеиҳәеит Сангәлиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

8