Урыстәыла афымцамч аминистрраҟны Аԥсны фымцалашара аиқәыршәара азҵаара иалацәажәоит

9
(ирҿыцуп 09:59 08.10.2020)
Урыстәыла афымцамч аминистрраҿы аилацәажәара иалахәхараны иҟоуп аԥыза-министр ихаҭыԥуаҩ, аекономика аминистр Кристина Озганԥҳа зхадараҿы дыҟоу аԥснытәи аделегациа.

АҞӘА, жьҭаара 7 - Sputnik. Аԥсны фымцалашарала аиқәыршәара азҵаара иалацәажәараны иҟоуп Урыстәыла афымцамч аминистрраҿы аминистр ихаҭыԥуаҩ Евгени Грабчак ихантәаҩрала жьҭаара 8 рзы иҟалараны иҟоу аилацәажәараҿ ҳәа аанацҳауеит Аекономика аминистрра асаит.

Уахь инеираны иҟоуп аԥыза-министр ихаҭыԥуаҩ, аекономика аминистр Кристина Озганԥҳа зхадараҿы дыҟоу аԥснытәи аделегациа. Аделегациа иалахәуп АУН "Амшынеиқәафымцамч" ахаҭарнакцәа. Аганқәа иазԥхьагәарҭоит адефицит аамҭаан Урыстәылантәи Аԥсныҟа афымцамч аашьҭреи атехникатә аудит алкаақәеи рызҵаара алацәажәара.

Урыстәылантәи Аԥсныҟа афымцамч аашьҭра мҩаԥгахараны иҟоуп ЕгрыГЕС аанкыланы аремонттә усурақәа рымҩаԥгараан. Астанциа аанкылахоит жәабран 15 инаркны лаҵарамза 2021 шықәса рҟынӡа.

Уаанӡа "Амшынеиқәафымцамч" аиҳабы Михаил Логәуа иазгәеиҭахьан Урыстәылантә афымцамч аиура абҵарамза инаркны иаҭаххар ҟалоит ҳәа, избанзар ЕгрыГЕС иоунашьҭуа афымцамч Аԥсны иахәҭоу 40% ахы ианархәахьеит.

Цәыббрамзазы "Амшынеиқәафымцамч" аоператив-технологиатә напхгаразы адиректор Руслан Кәарҷиа аҳәамҭа ҟаиҵеит жьҭаарамзазы аамҭа-аамҭала афымцалашара арцәара иалагар ҟалоит ҳәа.

ЕгрыГЕС ахархәарахь ирыҭан 1978 азы. Агидроагрегатқәа Аԥсны аҵакыраҿы иҟоуп, аӡеизакырҭа – Қырҭтәыла. Амчхара — 1300 мегаватт инаӡоит.

Иара убас шәаԥхьар ҟалоит:

9

Аԥсны 134-ҩык акоронавирус рыдырбалеит, аӡәы лыԥсҭазаара далҵит

4
(ирҿыцуп 19:13 22.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 3306-ҩык ыҟоуп. Урҭ рахьтә ргәы бзиахеит 1289-ҩык, рыԥсҭазаара иалҵит 33-ҩык.

АҞӘА, жьҭаара 22- Sputnik. Иҳаҩсыз уахыки-ҽнаки рыла COVID-19 рцәа иалоу иаламу аилкааразы атестқәа 445-ҩык ирзыҟаҵан, урҭ рахьтә 134-ҩык акоронавирус адиагноз рзышьақәырӷәӷәоуп ҳәа аанацҳауеит Ауааԥсыра акоронавирус рацәыхьчаразы аоперативтә штаб.

Жьҭаара 21 рзы Гәдоуҭатәи агоспиталь аҿы лыԥсҭазаара далҵит 61 шықәса зхыҵуаз акоронавирус адиагноз ззышьақәырӷәӷәаз апациент, лара аҿкчымазаратә ҟәша дҭашәеит жьҭаара 18 рзы. Иақәнагаз атерапиа шизымҩаԥыргозгьы лдунеи лыԥсахит.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 148-ҩык апациентцәа, урҭ рахьтә 123-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 27-ҩык, ибжьаратәуп - 62-ҩык, илҩаауп 11-ҩык апациентцәа. Гәдоуҭатәи агоспиталь уахыки-ҽнаки рыла иҭашәеит 11-ҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбало 21-ҩык апациентцәа. 20-ҩык рҭагылазаашьа бжьаратәуп ҳәа иԥхьаӡоуп, аӡәы-иҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Ачымазара ҿкы – акоронавирус Аԥсни адунеи аҿи: иалкаау

Жьиба ацитрустә шәырқәа рзы: иҿала иҿамла есышықәса ихәшәтәлатәуп, аҩара рзымариоуп

3
(ирҿыцуп 18:42 22.10.2020)
Гагра араион Асычқәа ақыҭан иҟоу ацитрустә ааӡарҭа қьырала измоу Аркади Жьиба арадио Sputnik аефир аҿы еиҭеиҳәеит ашәырҵлақәа ишахәҭоу рааӡаразы ихымԥадатәны иҟоу.
Раионк аԥсҭазаараҟынтә: Жьиба ацитрустә шәырқәа рзы

"Ара еиҭаҳау ацитрустә шәырқәа асовет аамҭазы иаԥҵаз абаҳчақәа роуп. Аибашьра ашьҭахь дара рышьақәыргылара уадаҩын аҟнытә ажәлар ишаны ирырҭеит қьырала. Жәашықәсаҟа ҵуеит ҳхала нап адкыла иныҟәаҳгоижьҭеи. Аколнхара аҟынтә ииасыз 300 шьапы рҟынӡа сымоуп, иара ус схатәгьы 200 шьапы рҟынӡа ыҟоуп. Ацитрус анапы адукылар, ианахәҭоу ахәшә ауҭар, уацхраар, аҽаҩра уоуеит, аха иара акалашәа иҟоуп, шықәсык аҽаҩра бзиоуп, шықәсык ибжьанажьуеит. Аха иҿамла иҿала есышықәса ихәшәтәлатәуп, мамзар, иҩоит, уи рзымариоуп, избанзар, ақәра ду рымоуп шьҭа. Аиҭаҳатә аԥшаара уадаҩуп, иара ахәгьы маҷӡам, шықәсык зхыҵуа ашьаҭа 250 -500 мааҭ рҟынӡа инеиуеит", - еиҭеиҳәеит Жьиба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

3