Гагра COVID-19 аҽацәыхьчаразы ауснагӡатә цҵақәа аларгалеит

50
(ирҿыцуп 13:29 08.10.2020)
Аԥсны ахада Аслан Бжьаниа иусдҵала жьҭаара 5 инаркны акоронавирус аламырҵәара иазынархоу аԥкырақәа алагалоуп.

АҞӘА, жьҭаара 8 - Sputnik. Гагра араион ахада инапынҵақәа назыгӡо Иури Хагәышь "Аԥсны ауааԥсыра акоронавирустә инфекциа рацәыхьчаразы ауснагӡатә цҵақәа ралагаларазы" ҳәа адҵа инапы аҵаиҩит.

Ари адҵа инақәыршәаны жьҭаара 5 инаркны азинмч рымоуп атәыла ахада иалеигалаз аԥкырақәа.

Урҭ инарыцҵаны Гагра араион аҿы абарҭ ауснагӡатә цҵақәа алагалоуп:

  • СЕС анапы ианҵаны атәылауаа массала реизарҭаҭыԥқәа рырзҩыдара аиҿкаара;
  • Аепидемиологиатә ҭагылазаашьа аиӷьтәразы жьҭаара 7 инаркны Гагра араион аҳәынҭнапхгараҭарақәа, аҳәынҭусбарҭақәа, анаплакқәа, азинхьчаратә усбарҭақәа, амедицинатә усҳәарҭақәа, асоциалтә усхк аусбарҭақәа, авариа-еиқәырхаратәи акоммуналтәи маҵзурақәа русзуҩцәа  аалхны рулафахәы еицамккәа русурҭа ҭыԥқәа рҿы рыҟазаара  асааҭ 14:00  рҟынӡа иркьаҿзааит;
  • Ашәарҭаратә гәыԥ иаҵанакуа, зықәра 65 шықәса иахысхьоу арҵаҩцәа жьҭаара 7 инаркны аепидемиологиатә ҭагылазаашьа еиӷьхаанӡа аҩны иҟазааит рулафахәы шыҟоу ирзааныжьны;
  • Арҵаратәи акәашаратәи кружокқәа русура аанкылазааит жьҭаара 7 инаркны аҭагылазаашьа аҽаԥсахаанӡа.

Иахьазы Аԥсны иахьаҵанакуа акоронавирус рыдбалоуп 1 976-ҩык. Урҭ рҟынтәи ргәы бзиахахьеит  668-ҩык, рыԥсҭазаара иалҵит жәафҩык.

Акоронавирус иазку ажәабжьқәа зегьы шәрыԥхьар ҟалоит абра>>

50
Атемақәа:
Ачымазара ҿкы – акоронавирус Аԥсни адунеи аҿи: иалкаау (806)

COVID аҿагыларазы аԥкырацҵақәа алагалахоит Бжьаниа Москва амедусзуҩцәа данырԥыла ашьҭахь

3
(ирҿыцуп 20:25 27.10.2020)
Аслан Бжьаниа Москва иҟазаараан дырԥылеит Москва аус зуа Аԥснытәи амедицинатә усзуҩцәа.

АҞӘА, жьҭаара 27 - Sputnik. Аԥсны COVID-19 аҿагыларазы аԥкырацҵақәа алагалахоит Бжьаниа Москва амедусзуҩцәа данырԥыла ашьҭахь, абри атәы арадио Sputnik иазеиҭеиҳәеит Урыстәыла иҟоу Аԥсны ацҳаражәҳәаҩ Игор Ахба.

"Аиԥылара еиҿнакааит Москва иҟоу Аԥсны Ацҳаражәҳәарҭа. Уахь инаԥхьан акоронавирус зыхьуа рҟны аус заухьаз ҳџьынџьуаа-амедусзуҩцәа: Владимир Аргәын, Викториа Тарԥҳа, Мераб Арӡынба, Астан Мышәба, Едуард Быҭәба. Бжьаниа ирзеиҭеиҳәеит Аԥсны иҟоу аепидемиологиатә ҭагылазаашьа зеиԥшроу. Нас аҳақьымцәа рабжьагарақәа дырзыӡырҩит. Авирус аҿаԥҽра еиҳа хра аманы иҟаларц азы аԥкырацҵақәа алагалахоит", - иҳәеит Ахба.

Иара иажәақәа рыла абжьгарақәа ахәышәтәра апроцесси апациентцәа онлаин-режим ала аконсультациақәа рыҭареи роуп ирыҵаркуа. Ацҳаражәҳәаҩ иҳәеит ишалацәажәаз Москвантәи Аԥсныҟа амедусзуҩцәа ргәыԥ аарагьы.

Аслан Бжьаниа усутә ныҟәарала Москва дыҟоуп жьҭаара 26 раахыс.  Аслан Бжьаниа Москва иҟазаараан дырԥылеит Москва аус зуа Аԥснытәи амедицинатә усзуҩцәа.

Иара убас шәаԥхьар ҟалоит:

3

Џьергьениа аԥсыӡ ақәырҭ аҟьараан ахылаԥшразы: амлагәыр иацло иалагеит

1
Риҵатәи Амилаҭҭә ареликттә парк аҟны абнахылаԥшҩы хада Ҭенгьыз Џьергьениа арадио Sputnik аефир аҟны еиҭеиҳәеит аԥсыӡқәа ақәырҭ анырҟьо аамҭазы , урҭ реиқәырхаразы аҷаԥшьара шымҩаԥырго.
Џьергьениа аԥсыӡ ақәырҭ аҟьараан Риҵа ахылаԥшразы: амлагәыр иацло иалагеит

Жьҭаара 25 инаркны ԥхынҷкәын 10-нӡа аԥсыӡқәа ақәырҭ аҟьара иалагоит. Ари аамҭазы аԥсыӡкра азин ыҟаӡам.

"Аинспекторцәа, аиҳабацәа зегьы ҳазҿу ҳаԥсабара, ҳаԥсыӡ ахьчара ауп, ҳхәыҷқәа ирбартә еиԥш аус ҳуеит. Акалмаҳи амлагәыри ари аамҭазы ақәырҭ рҟьоит, аԥсыӡкра аанкыланы иҟоуп. Аҷкәынцәа уахынлагьы иҷаԥшьоит. Ҵыԥх амлагәыр ахьыҟоу 26 жрақәа ыҟазҭгьы, сынтәа иҵегьы иацлароуп ҳәа агәаанагара ҳамоуп. Иубаратәы иҟоуп ахылаԥшра амҩаԥгара ашьҭахь аԥсыӡ ишацлаз. Аԥҟарақәа рықәныҟәара иабзоураны ҳӡиасқәа рҟны аԥсыӡ аҽеиҵнахо иалагеит", - иҳәеит Џьергьениа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

1