Аԥсны акоронавирус зцәа иаланы иаарԥшу ҩ-нызқьҩык иреиҳахеит

22
(ирҿыцуп 19:27 08.10.2020)
Иахьазы Аԥсны иахьаҵанакуа иаарԥшу акоронавирустә хҭысқәа рхыԥхьаӡара 2071-ы ыҟоуп. Ргәы бзиахеит 811-ҩык, 19-ҩык рыԥсҭазаара иалҵит.

АҞӘА, жьҭаара 8 - Sputnik. Иҳаҩсыз уахыки-ҽнаки рыла акоронавирус рылоу ирыламу аилкааразы атестқәа рзыҟаҵан 288-ҩык ауааԥсыра, урҭ рахьтә COVID-19 адиагноз рзышьақәдыргылеит 95-ҩык, абри атәы аанацҳауеит Аԥсны ауааԥсыра акоронавирус рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 137-ҩык апациентцәа, урҭ рахьтә 112-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 22-ҩык, ибжьаратәуп - 55-ҩык, илҩаауп 13-ҩык апациентцәа.

Аоперштаб ишаанацҳауа ала, жьҭаара 7 рзы Гәдоуҭатәи араионтә хәышәтәырҭа хадаҿы хҩык апациентцәа рыԥсҭазаара иалҵит.

1947 шықәсазы ииз апациентка ахәышәтәыра дҭашәеит жьҭаара 1 азы ҩганктәи аполисегментартә гәыҵәкра аҟазшьақәа лыманы. Уи адагьы асоматикатә чымазара хьанҭақәа лылан. Лҭагылазаашьа ахьеицәахаз азы, лара диаган ареанимациатә ҟәшахьы, арԥҳақәа аҳауарҭарсга лзышьақәыргылан. Аҳақьымцәа иақәнагаз атерапиа шымҩаԥыргозгьы, жьҭаара 7 рзы аԥҳәыс лыԥсҭазаара далҵит.

Иара убас убри аҽны лыԥсҭазаара далҵит 67 шықәса зхыҵуаз даҽа пациенткакгьы. Лара ахәышәтәырҭа дҭашәеит жьҭаара 2 рзы ҩганктәи аполисегментартә гәыҵәкра лыманы. Аҳақьымцәа иақәнагаз атерапиа шымҩаԥыргозгьы, лҭагылазаашьа бааԥсхан, жьҭаара 7 рзы аԥҳәыс лыԥсҭазаара далҵит. Лара иара убасгьы лцәа иалан егьырҭ асоматикатә чымазарақәагьы.

Убри аҽныҵәҟьа агоспиталь аҿы иԥсҭазаара далҵит 1938 шықәсазы ииз даҽа пациенткгьы, иара цәыббра 21 рзы ахәышәтәырҭа дҭашәеит ҩганктәи аполисегментартә гәыҵәкра аҟазшьақәа иманы. Зымҽхак ҭбааз ахәышәтәра шизымҩаԥыргозгьы, жьҭаара 7 рзы апациент иԥсҭазаара далҵит. Иара убас иара агәыхь, ашьақәыӷәӷәара ҳаракы, агәеисреилагара иман.

Зынӡа Гәдоуҭатәи агоспиталь жьҭаара 7 рзы иҭашәеит 18-ҩык ауааԥсыра.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

22
Атемақәа:
Ачымазара ҿкы – акоронавирус Аԥсни адунеи аҿи: иалкаау (789)

Аԥсны 134-ҩык акоронавирус рыдырбалеит, аӡәы лыԥсҭазаара далҵит

8
(ирҿыцуп 19:13 22.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 3306-ҩык ыҟоуп. Урҭ рахьтә ргәы бзиахеит 1289-ҩык, рыԥсҭазаара иалҵит 33-ҩык.

АҞӘА, жьҭаара 22- Sputnik. Иҳаҩсыз уахыки-ҽнаки рыла COVID-19 рцәа иалоу иаламу аилкааразы атестқәа 445-ҩык ирзыҟаҵан, урҭ рахьтә 134-ҩык акоронавирус адиагноз рзышьақәырӷәӷәоуп ҳәа аанацҳауеит Ауааԥсыра акоронавирус рацәыхьчаразы аоперативтә штаб.

Жьҭаара 21 рзы Гәдоуҭатәи агоспиталь аҿы лыԥсҭазаара далҵит 61 шықәса зхыҵуаз акоронавирус адиагноз ззышьақәырӷәӷәаз апациент, лара аҿкчымазаратә ҟәша дҭашәеит жьҭаара 18 рзы. Иақәнагаз атерапиа шизымҩаԥыргозгьы лдунеи лыԥсахит.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 148-ҩык апациентцәа, урҭ рахьтә 123-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 27-ҩык, ибжьаратәуп - 62-ҩык, илҩаауп 11-ҩык апациентцәа. Гәдоуҭатәи агоспиталь уахыки-ҽнаки рыла иҭашәеит 11-ҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбало 21-ҩык апациентцәа. 20-ҩык рҭагылазаашьа бжьаратәуп ҳәа иԥхьаӡоуп, аӡәы-иҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

8
Атемақәа:
Ачымазара ҿкы – акоронавирус Аԥсни адунеи аҿи: иалкаау (789)

Жьиба ацитрустә шәырқәа рзы: иҿала иҿамла есышықәса ихәшәтәлатәуп, аҩара рзымариоуп

4
(ирҿыцуп 18:42 22.10.2020)
Гагра араион Асычқәа ақыҭан иҟоу ацитрустә ааӡарҭа қьырала измоу Аркади Жьиба арадио Sputnik аефир аҿы еиҭеиҳәеит ашәырҵлақәа ишахәҭоу рааӡаразы ихымԥадатәны иҟоу.
Раионк аԥсҭазаараҟынтә: Жьиба ацитрустә шәырқәа рзы

"Ара еиҭаҳау ацитрустә шәырқәа асовет аамҭазы иаԥҵаз абаҳчақәа роуп. Аибашьра ашьҭахь дара рышьақәыргылара уадаҩын аҟнытә ажәлар ишаны ирырҭеит қьырала. Жәашықәсаҟа ҵуеит ҳхала нап адкыла иныҟәаҳгоижьҭеи. Аколнхара аҟынтә ииасыз 300 шьапы рҟынӡа сымоуп, иара ус схатәгьы 200 шьапы рҟынӡа ыҟоуп. Ацитрус анапы адукылар, ианахәҭоу ахәшә ауҭар, уацхраар, аҽаҩра уоуеит, аха иара акалашәа иҟоуп, шықәсык аҽаҩра бзиоуп, шықәсык ибжьанажьуеит. Аха иҿамла иҿала есышықәса ихәшәтәлатәуп, мамзар, иҩоит, уи рзымариоуп, избанзар, ақәра ду рымоуп шьҭа. Аиҭаҳатә аԥшаара уадаҩуп, иара ахәгьы маҷӡам, шықәсык зхыҵуа ашьаҭа 250 -500 мааҭ рҟынӡа инеиуеит", - еиҭеиҳәеит Жьиба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

4