Аԥсны иҟоу урыстәылатәи аруаа амобилтә медиа-комплекс рхы иадырхәеит

8
(ирҿыцуп 12:22 09.10.2020)
Амедиа-комплекс иалнаршоит аруаа Урыстәылеиԥш адунеи аҿгьы имҩаԥысуа арра-политикатә хҭысқәа рырдырра, рҵараҵареи рыԥсшьареи аиҿкаара.

АҞӘА, жьҭаара 9 - Sputnik. Аԥсны иҟоу урыстәылатәи арратә округ аруаа Аԥсны ашьхараҿы рхы иадырхәеит иҿыцӡоу автомобильтә мультимедиатә медиа-комплекс ПАК-007 Урыстәылеи адунеии рҿы арра-политикатә ҭагылазаашьа адырразы ҳәа аанацҳауеит Аԥсны иҟоу урыстәылатәи арратә округ апресс-маҵзура.

Иазгәаҭоуп лассы-лассы зҽызыԥсахуа аинформациатә ҭагылазаашьа аан аруаа иҿыцӡоу иактуалу аинформациа роуртә иҟоуп.

Аруаа урыстәылатәи ажәабжьтә телеканалқәа, адокументалтә фильмқәа ирыхәаԥшуеит еиҭаҵуа автомобилтә комплекс ПАК-007 ахархәарала.

Акомплекс ауникалра иара автономреи адунеи зегь аҿы иарбан ҭыԥзаалак аспутниктә еимадара ахархәареи ахьалнаршо ауп. Акомплекс иара убасгьы иалнаршоит иара амашьына ахаҭаҿеиԥш акаркастә кинотеатр аҿгьы авидеофильмқәеи ателепрограммақәеи рырбара.

Арра-политикатә усура аҟазауаа есааира идырҿыцуеит акомплекс авидеотека, иара иаҵанакуеит 500 рҟынӡа аҭоурыхтә хҭысқәа шьаҭас измоу адокументалтә фильмқәеи аматериалқәеи.

Аруаа рыԥсшьара аиҿкаара адагьы, ПАК-007 еиқәнаршәоит амультимедиатә материалқәа реиқәыршәара аруаа рырра-патриоттә ааӡаразы.

Иара убас шәаԥхьар ҟалоит:

8

Џьергьениа аԥсыӡ ақәырҭ аҟьараан ахылаԥшразы: амлагәыр иацло иалагеит

1
Риҵатәи Амилаҭҭә ареликттә парк аҟны абнахылаԥшҩы хада Ҭенгьыз Џьергьениа арадио Sputnik аефир аҟны еиҭеиҳәеит аԥсыӡқәа ақәырҭ анырҟьо аамҭазы , урҭ реиқәырхаразы аҷаԥшьара шымҩаԥырго.
Џьергьениа аԥсыӡ ақәырҭ аҟьараан Риҵа ахылаԥшразы: амлагәыр иацло иалагеит

Жьҭаара 25 инаркны ԥхынҷкәын 10-нӡа аԥсыӡқәа ақәырҭ аҟьара иалагоит. Ари аамҭазы аԥсыӡкра азин ыҟаӡам.

"Аинспекторцәа, аиҳабацәа зегьы ҳазҿу ҳаԥсабара, ҳаԥсыӡ ахьчара ауп, ҳхәыҷқәа ирбартә еиԥш аус ҳуеит. Акалмаҳи амлагәыри ари аамҭазы ақәырҭ рҟьоит, аԥсыӡкра аанкыланы иҟоуп. Аҷкәынцәа уахынлагьы иҷаԥшьоит. Ҵыԥх амлагәыр ахьыҟоу 26 жрақәа ыҟазҭгьы, сынтәа иҵегьы иацлароуп ҳәа агәаанагара ҳамоуп. Иубаратәы иҟоуп ахылаԥшра амҩаԥгара ашьҭахь аԥсыӡ ишацлаз. Аԥҟарақәа рықәныҟәара иабзоураны ҳӡиасқәа рҟны аԥсыӡ аҽеиҵнахо иалагеит", - иҳәеит Џьергьениа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

1

Уахыки-ҽнаки рыла акоронавирус 113-ҩык ирыдырбалеит Аԥсны

2
Апандемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 3952-ҩык ыҟоуп. Урҭ рахьтә ргәы бзиахеит 1474-ҩык, рыԥсҭазаара иалҵит 36-ҩык.

АҞӘА, жьҭаара 27 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 467 ҟаҵан, урҭ рахьтә акоронавирус аарԥшын 113 тест рҟны ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 148-ҩык ауааԥсыра, урҭ рахьтә 118-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 36-ҩык, илҩаауп жәаҩык апациентцәа. Гәдоуҭатәи агоспиталь иҭашәеит жәҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 54-ҩык апациентцәа. 50-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

 

2
Атемақәа:
Ачымазара ҿкы – акоронавирус Аԥсни адунеи аҿи: иалкаау