Гәдоуҭатәи аковидхәышәтәырҭа атомограф аусура аанкылоуп

27
(ирҿыцуп 19:14 09.10.2020)
Акомпиутертә томографиа аппарат Гәдоуҭатәи ахәышәтәырҭазы иаанахәеит аԥсуа наплакцәа рхеидкыла "Ҳара ҳаӡәыкуп".

АҞӘА, жьҭаара 9 – Sputnik. Гәдоуҭатәи ахәышәтәырҭаҿы акомпиутертә томографиа аппарат аусура иаҟәыҵит ҳәа арадио Sputnik иазеиҭеиҳәеит Аԥсны агәабзиарахьчара аминистрра афармациа аҟәша аиҳабы Ахра Аџьба.

"Анџьнырцәа аппарат аҿаркит, аусура иаладыргеит, ҽнак-ҩымш аус бзианы иауан. Анаҩс иара агхақәа ҟанаҵо иалагеит, уаҳа ус аусура алшомызт. Усҟан анџьныргьы дцахьан, даҽазнык дааҳаԥхьар акәхеит, иара аԥсшьарамшқәа рзы даауеит, ашәахьаҽны аппарат арҽеира далагоит", - иҳәеит Аџьба.

Иара убасгьы иара иҳәеит акомпиутертә томографиа аппарат аус ахьынӡамуа, аҭыхымҭақәа еиҭаҵуа арентген-аппарат ала ишыҟарҵо.

Акомпиутертә томографиа аппарат Гәдоуҭатәи араионтә хәышәтәырҭа хадахьы инаргеит цәыббра 2 рзы. Уи аанахәеит аԥсуа наплакцәа рхеидкыла "Ҳара ҳаӡәыкуп".

Жьҭаара 8 рызтәи аҭагылазаашьала, Гәдоуҭатәи агоспиталь аҿы 112-ҩык акоронавирус ззышьақәыргылоу апациентцәа шьҭоуп, урҭ рахьтә рҭагылазаашьа бааԥсуп 22-а, 55-ҩык рҭгылазаашьа бжьаратәуп.

Иара убас, жьҭаара 8 рызтәи аҭагылазаашьала, Аԥсны иахьаҵанакуа иаарԥшу акоронавирустә хҭысқәа рхыԥхьаӡара 2071-ы ыҟоуп. Ргәы бзиахеит 811-ҩык, 19-ҩык рыԥсҭазаара иалҵит.

Акоронавирус иазку ажәабжьқәа зегьы шәрыԥхьар ҟалоит абра>>

27
Атемақәа:
Ачымазара ҿкы – акоронавирус Аԥсни адунеи аҿи: иалкаау (812)

Уахыки-ҽнаки рыла 106-ҩык акоронавирус шрылаз аадырԥшит Аԥсны

11
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4058-ҩык ыҟоуп. Урҭ рахьтә ргәы бзиахеит 2071-ҩык, рыԥсҭазаара иалҵит 36-ҩык.

АҞӘА, жьҭаара 28 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 458 ҟаҵан, урҭ рахьтә акоронавирус аарԥшын 106 тест рҟны ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 137-ҩык ауааԥсыра, урҭ рахьтә 118-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 40-ҩык, илҩаауп 15-ҩык апациентцәа. Гәдоуҭатәи агоспиталь иҭашәеит жәҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 51-ҩык апациентцәа. 47-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп. Амобилтә госпиталь аҟынтәи илҩаауп быжьҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

11
Атемақәа:
Ачымазара ҿкы – акоронавирус Аԥсни адунеи аҿи: иалкаау (812)

Џьынџьал Тҟәарчал аџьықәреи аҽаҩразы: аибашьра еилгеижьҭеи ас еиԥш ҳамбацт

6
(ирҿыцуп 20:06 28.10.2020)
Тҟәарчал араион ақыҭанхамҩа аусбарҭа аиҳабы Амиран Џьынџьал арадио Sputnik аефир аҿы еиҭеиҳәеит сынтәа араион анхацәа рџьықәреи аҽаҩра зеиԥшроу.
Голанӡиаԥҳа акоронавирус азы: абыржәгьы агәра зымго хәыҷык ихшыҩ днанамгозар акәхап

"Ҳраион аҿы ари аҩыза аҽаҩра ҟамлацызт уҳәар ҟалоит. Сынтәа аџьықәреи ахаҭабзиара бзиоуп, алаҵараангьы аҭагалараангьы амшқәа ақәшәеит, зынӡа ахьы иаҩызоуп. Иааидкылан 950 гектар аџьықәреи лаҵаны иҳаман. Гектаркнтә ҩ-тоннаки бжаки ҟалар акәын. Аибашьра еилгеижьҭеи ас еиԥш аҽаҩра ҳамҩбацызт. Аҽаҩра амш иахьыԥшуп, ажәларгьы ибзианы аус адырулан, ҳәарада, алҵшәагьы ҟалеит. Ажәакала, аҭагылазаашьақәеи зегьы еиқәшәеит, ауаа ахагьы роуит, аԥсабарагьы иара атәы ҟанаҵеит", - еиҭеиҳәеит Џьынџьал.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

6