Аԥсны лашарада иаанхом: Озганԥҳа Москваҟа русутә ныҟәара алҵшәақәа ртәы лҳәеит

7
(ирҿыцуп 09:42 10.10.2020)
Аԥсны афымцамч азҵаарақәа ирызкыз аусутә еилатәара мҩаԥысит Урыстәыла Афымцамч аминистрраҟны аԥшьаша, жьҭаара 8 рзы.

АҞӘА, жьҭаара 9 - Sputnik. Аԥсны фымцалашарада иаанхом ЕгрыГЕС аҟны аремонттә усурақәа анымҩаԥырго аамҭазы ҳәа аанацҳауеит Аԥсны аекономика аминистрра асаит.

Аԥсны фымцалашарала аиқәыршәара азҵаарақәа ирызкны Москва имҩаԥысыз аусутә еилатәараҟны аԥсуа ган ҩ-дҵак ахазы иқәнаргылон - ЕгрыГЕС агидроагрегатқәа анаанкылахо атәыла еиԥҟьарада фымцалашарала аиқәыршәареи афымцамч асистема ааизакны атехникатә аудит алҵшәақәа рыхцәажәареи.

"Аурыс ган аоператор далнахит, иара убас афымцалашара аашьҭра атехникатә ган ҳаднагалеит, уи абзоурала аремонттә усурақәа мҩаԥысуанаҵы ҳтәыла афымцалашаратә ҭахрақәа хҩахоит. Афинанстә ган азҵаара макьана ҳаԥхьаҟа ҳалацәажәараны ҳаҟоуп. Аха иахьазы агәра ганы иаҳҳәар ҳалшоит акризис аамҭазы Аԥсны фымцалашарада ишаанымхо - уи ауп зегь реиҳа ихадоу", – лҳәеит аԥыза-министр ихаҭыԥуаҩ, аекономика аминистр Кристина Озганԥҳа.

Адырраҭара ишаҳәо ала, аԥсуа ган иддырдырит нанҳәамза 2020 шықәсазы имҩаԥгаз атехникатә аудит алҵшәақәа. Урҭ рҟны иаагоуп аиагаратәи аихшаратәи цәаҳәақәа ртехникатә ҭагылазашьа зеиԥшроу, иара убас раԥхьа иргыланы зҭыԥ иқәҵатәу азҵаарақәа арбақәану.

Аусутә ныҟәара аихшьалақәа ҟаҵо, Кристина Озганԥҳа иазгәалҭеит аԥсуа ган ишалшаз иқәгылаз азҵаарақәа хәыц-хәыц рыхцәажәара, реиҳа ихадоу ашьаҿақәа ралкаара.

"Иҳамоу азҵаарақәа рыӡбашьақәа етапла еихшоуп. Дҵа хаданы ҳаԥхьа иқәгылоуп ишәарҭоу аҭыԥқәа раԥыхреи афымцамҩангаратә цәаҳәақәа ииашаны рхархәара алыршареи. Уажәазы излаԥхьаӡоу ала, арҭ апроблемақәа раԥыхразы иаҭаххоит 4,7 миллиард мааҭ раҟара", - лҳәеит Кристина Озганԥҳа.

Аурыс коллегацәа иазгәарҭеит "Амшынеиқәафымцамч" аусураҟны ицәырҵуа азҵаарақәа, иаҳҳәап аобиектқәеи аиагаратә цәаҳәақәеи русуреи рпрофилактикеи, адиспетчеризациеи, авариақәа аныҟало аҭакзыԥхықәу аусзуҩцәа рхы шымҩаԥыргашеи уҳәа азҵаарақәа анормативтә ҭышәныртәалара ишазаагатәу.

"Ҳара иаадыруеит ахархәара змоу афымцамч ахылаԥшреи аҳасаббареи ишақәнагоу ишымҩаԥымсуа. Ахархәара амҽхаки афымцамч зҵоу аидареи рҭышәныртәаларазы уи азҵаара хымԥада иаҭахуп", - лҳәеит аекономика аминистр.

Кристина Озганԥҳа иара убас иазгәалҭеит Аԥсны ишалшо афымцамчтә кризис алҵра, аха ҳаԥхьаҟа "аҭагылазаашьа аҭыԥ ақәҵаразы имариам аус ду ҟаҵатәуп, избанзар уи иадҳәалоуп ҳтәыла ашәарҭадара азҵаара". 

Иара убас шәаԥхьар ҟалоит:

7

Аԥсны 134-ҩык акоронавирус рыдырбалеит, аӡәы лыԥсҭазаара далҵит

8
(ирҿыцуп 19:13 22.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 3306-ҩык ыҟоуп. Урҭ рахьтә ргәы бзиахеит 1289-ҩык, рыԥсҭазаара иалҵит 33-ҩык.

АҞӘА, жьҭаара 22- Sputnik. Иҳаҩсыз уахыки-ҽнаки рыла COVID-19 рцәа иалоу иаламу аилкааразы атестқәа 445-ҩык ирзыҟаҵан, урҭ рахьтә 134-ҩык акоронавирус адиагноз рзышьақәырӷәӷәоуп ҳәа аанацҳауеит Ауааԥсыра акоронавирус рацәыхьчаразы аоперативтә штаб.

Жьҭаара 21 рзы Гәдоуҭатәи агоспиталь аҿы лыԥсҭазаара далҵит 61 шықәса зхыҵуаз акоронавирус адиагноз ззышьақәырӷәӷәаз апациент, лара аҿкчымазаратә ҟәша дҭашәеит жьҭаара 18 рзы. Иақәнагаз атерапиа шизымҩаԥыргозгьы лдунеи лыԥсахит.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 148-ҩык апациентцәа, урҭ рахьтә 123-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 27-ҩык, ибжьаратәуп - 62-ҩык, илҩаауп 11-ҩык апациентцәа. Гәдоуҭатәи агоспиталь уахыки-ҽнаки рыла иҭашәеит 11-ҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбало 21-ҩык апациентцәа. 20-ҩык рҭагылазаашьа бжьаратәуп ҳәа иԥхьаӡоуп, аӡәы-иҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

8
Атемақәа:
Ачымазара ҿкы – акоронавирус Аԥсни адунеи аҿи: иалкаау

Жьиба ацитрустә шәырқәа рзы: иҿала иҿамла есышықәса ихәшәтәлатәуп, аҩара рзымариоуп

4
(ирҿыцуп 18:42 22.10.2020)
Гагра араион Асычқәа ақыҭан иҟоу ацитрустә ааӡарҭа қьырала измоу Аркади Жьиба арадио Sputnik аефир аҿы еиҭеиҳәеит ашәырҵлақәа ишахәҭоу рааӡаразы ихымԥадатәны иҟоу.
Раионк аԥсҭазаараҟынтә: Жьиба ацитрустә шәырқәа рзы

"Ара еиҭаҳау ацитрустә шәырқәа асовет аамҭазы иаԥҵаз абаҳчақәа роуп. Аибашьра ашьҭахь дара рышьақәыргылара уадаҩын аҟнытә ажәлар ишаны ирырҭеит қьырала. Жәашықәсаҟа ҵуеит ҳхала нап адкыла иныҟәаҳгоижьҭеи. Аколнхара аҟынтә ииасыз 300 шьапы рҟынӡа сымоуп, иара ус схатәгьы 200 шьапы рҟынӡа ыҟоуп. Ацитрус анапы адукылар, ианахәҭоу ахәшә ауҭар, уацхраар, аҽаҩра уоуеит, аха иара акалашәа иҟоуп, шықәсык аҽаҩра бзиоуп, шықәсык ибжьанажьуеит. Аха иҿамла иҿала есышықәса ихәшәтәлатәуп, мамзар, иҩоит, уи рзымариоуп, избанзар, ақәра ду рымоуп шьҭа. Аиҭаҳатә аԥшаара уадаҩуп, иара ахәгьы маҷӡам, шықәсык зхыҵуа ашьаҭа 250 -500 мааҭ рҟынӡа инеиуеит", - еиҭеиҳәеит Жьиба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

4