Аԥсны акоронавирус азы агәаҭарақәа ирыцлоит жьҭаарамза анҵәамҭазы

13
Аԥсны агәабзиарахьчара аминистрра излаанацҳауа ала, иҳаҩсыз уахыки-ҽнаки рзы мацара ҳтәылаҿы 95 коронавирус хҭыс ҿыц ҟалеит. Ичмазаҩхеит ҳәа иаадырԥшхьоу ҩ-нызқьҩык иреиҳауп.

АҞӘА, жьҭаара 10 - Sputnik, Сариа Кәарцхьиаԥҳа. Аԥсны акоронавирус азы агәаҭарақәа рхыԥхьаӡара иацлоит жьҭаарамза анҵәамҭазы ҳәа адырра ҟалҵеит асанитартә ҳақьым хада Лиудмила Скорик.

"ПЦР-агәаҭарақәа аҩбатәи ацәаҳәазы аԥаразоужьра иаҭаху шьақәдыргылахьеит. Амза 15-20 рзы Аԥсныҟа иаҭаху амаругақәа ааргоит, убри иабзоураны иҟаҳҵо аҭҵаарақәа рхыԥхьаӡара иацлоит. Алабораториаҿы аус зуа аспециалистцәа рҩыџьарагьы аус еицырулоит. Уаанӡа аламинартә бокс аҟны аӡәаӡәала аус руазҭгьы, уажәшьҭа ҩыџьа-ҩыџьала ирулоит, русура аамҭеи иҟарҵо аҭҵаамҭақәеи хымԥада ирыцлоит", - ҳәа инаҵылшьит Скорик.

Лара лажәақәа рыла, иааиуа амчыбжь азы аԥаразоужьра ҟалоит хә-нызқь тест-системақәа раахәаразы, урҭ рыбзоурала алаборатори аусзуҩцәа "аамҭақәак ирыдамзаргьы ҭынч аусура рылдыршоит".

Скорик излеиҭалҳәаз ала, иахьатәи аамҭазы алабораториаҿы аус руеит Ставропольтәи амырзачымзаратә институт ахаҭарнакцәа аусура иаҿуп. Дара амолекулиартә диагности аҟаҵаразы Аԥсны ахада идҵала аштат ахь игаз 11-ҩык аспециалистцәа ҿыцқәа аҵара дырҵараҿы апрактикатә цхыраара ҟарҵоит. Уи адигностика "100 процентк рыла акоронавирус аҭҵаара иазынархоуп".

Ааҩык аспециалистцәа адиагностика ахаҭа мҩаԥыргалоит, егьырҭ хҩык - атехперсонал роуп - урҭ асанитаркацәа, адезинфекторцәа раҳасабала аус рулоит, ишәарҭоу абиологиатә материал ықәырхлоит.

Асанитартә ҳақьым хада иазгәалҭеит Аԥсны ачымазара зыхьуа рхыԥхьаӡара ишацло, убри аан атәылауаа рхы акы ишацәырмыхьчо.

"Ачымазара ауаҩы илаҽра еиҳа-еиҳа иӷәӷәахоит, ус иҟоу апациентцәа рыԥсҭазаара аиқәырхара цәгьоуп. Сара исцәыуадаҩуп абри атәы алацәажәара, аха иҵегьы атестқәа рыҟаҵара аҭахуп. Уажәшьҭа 250 ракәым, 500 рҟынӡа ҽнак ала иҟаҵалатәуп. Ҳбиуџьет аҟынтәи хә-нызқь цыра атестқәа рзакәым, 15 нызқь рзы аԥаразоужьра аҭахуп. Аха ачымазара ҿкы аанкылара адиагностикала изалшом, аха аԥкрақәа рықәныҟәара, ахыхьчара иалнаршоит. Сгәанала, ари ачымазара зхьымсыц аӡәгьы даанымхеит. Сара исыздыруам уаҳа иҟалар акәу, ауаа аԥкрақәа ирықәныҟәо иалагаразы. Ҳара ҳхаҭақәа ҳҽаанаҳамкылар, ачымазарагьы аангылаӡом", - ҳәа ауаажәлар ргәырҽанырҵарц ҳәо, Скорик иацылҵеит ари аҭагылазаашьа ӡынразы еиҳагьы аҽарцәгьар шалшо, асезонтә хьҭалаларақәа анцәырҵуа аамҭазы.

Иара убас шәаԥхьар ҟалоит:

13

Уахыки-ҽнаки рыла 106-ҩык акоронавирус шрылаз аадырԥшит Аԥсны

9
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4058-ҩык ыҟоуп. Урҭ рахьтә ргәы бзиахеит 2071-ҩык, рыԥсҭазаара иалҵит 36-ҩык.

АҞӘА, жьҭаара 28 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 458 ҟаҵан, урҭ рахьтә акоронавирус аарԥшын 106 тест рҟны ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 137-ҩык ауааԥсыра, урҭ рахьтә 118-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 40-ҩык, илҩаауп 15-ҩык апациентцәа. Гәдоуҭатәи агоспиталь иҭашәеит жәҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 51-ҩык апациентцәа. 47-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп. Амобилтә госпиталь аҟынтәи илҩаауп быжьҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

9
Атемақәа:
Ачымазара ҿкы – акоронавирус Аԥсни адунеи аҿи: иалкаау

Џьынџьал Тҟәарчал аџьықәреи аҽаҩразы: аибашьра еилгеижьҭеи ас еиԥш ҳамбацт

4
(ирҿыцуп 20:06 28.10.2020)
Тҟәарчал араион ақыҭанхамҩа аусбарҭа аиҳабы Амиран Џьынџьал арадио Sputnik аефир аҿы еиҭеиҳәеит сынтәа араион анхацәа рџьықәреи аҽаҩра зеиԥшроу.
Голанӡиаԥҳа акоронавирус азы: абыржәгьы агәра зымго хәыҷык ихшыҩ днанамгозар акәхап

"Ҳраион аҿы ари аҩыза аҽаҩра ҟамлацызт уҳәар ҟалоит. Сынтәа аџьықәреи ахаҭабзиара бзиоуп, алаҵараангьы аҭагалараангьы амшқәа ақәшәеит, зынӡа ахьы иаҩызоуп. Иааидкылан 950 гектар аџьықәреи лаҵаны иҳаман. Гектаркнтә ҩ-тоннаки бжаки ҟалар акәын. Аибашьра еилгеижьҭеи ас еиԥш аҽаҩра ҳамҩбацызт. Аҽаҩра амш иахьыԥшуп, ажәларгьы ибзианы аус адырулан, ҳәарада, алҵшәагьы ҟалеит. Ажәакала, аҭагылазаашьақәеи зегьы еиқәшәеит, ауаа ахагьы роуит, аԥсабарагьы иара атәы ҟанаҵеит", - еиҭеиҳәеит Џьынџьал.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

4