Флаги

Аԥсни Урыстәылеи рзеиԥш социал-економикатә ҵакыра аиҿкаара аҽазыҟаҵаразы агәыԥ аԥҵоуп

18
(ирҿыцуп 19:59 10.10.2020)
Аԥсни Урыстәылеи рыбжьара Аиҩызареи астратегиатә партниорреи рзы аиқәшаҳаҭра нап аҵаҩын абҵара 24, 2014 шықәсазы.

АҞӘА, жьҭаара 10 - Sputnik. Аԥсны ахада Аслан Бжьаниа Аԥсни Урыстәылеи Ирзеиԥшу асоциалтәи аекономикатәи ҵакыра аиҿкааразы апрограмма апроект ашьақәыргылара иазырхоу ажәалагалақәа азыҟазҵаша аусутә гәыԥ аԥҵаразы адҵаԥҟа инапы аҵаиҩит, Аԥсны Аҳәынҭқарра азакәанԥҵареи Урыстәылатәи Афедерациа азакәанԥҵареи реишьаршәалара хықәкыс иҟаҵаны.

Аусутә гәыԥ ахантәаҩыс дарҭеит Аԥсны ахада Иусбарҭа анапхгаҩы Алхас Кәыҵниа. Зынӡа уи агәыԥ иалоуп жәаҩык алахәылацәа, урҭ рхыԥхьаӡараҿы аԥыза-министр ихаҭыԥуаҩ, аекономика аминистр Кристина Озганԥҳа, аиустициа аминистр Анри Барцыц, Апарламент адепутатцәа, егьырҭ аполитикатә усзуҩцәа.

Аԥсни Урыстәылеи рыбжьара Аиҩызареи астратегиатә партниорреи рзы аиқәшаҳаҭра нап аҵаҩын абҵара 24, 2014 шықәсазы. Аиқәшаҳаҭра аԥҟарақәа иазԥхьагәарҭоит еицҿаку  адәныҟатәи аполитика амҩаԥгара, атәылахьчареи ашәарҭадареи аусхкаҟны азеиԥш ҵакыреи иара убасгьы еицырзеиԥшу асоциалтәи аекономикатәи ҵакыреи аԥҵара.

18

COVID аҿагыларазы аԥкырацҵақәа алагалахоит Бжьаниа Москва амедусзуҩцәа данырԥыла ашьҭахь

1
(ирҿыцуп 20:25 27.10.2020)
Аслан Бжьаниа Москва иҟазаараан дырԥылеит Москва аус зуа Аԥснытәи амедицинатә усзуҩцәа.

АҞӘА, жьҭаара 27 - Sputnik. Аԥсны COVID-19 аҿагыларазы аԥкырацҵақәа алагалахоит Бжьаниа Москва амедусзуҩцәа данырԥыла ашьҭахь, абри атәы арадио Sputnik иазеиҭеиҳәеит Урыстәыла иҟоу Аԥсны ацҳаражәҳәаҩ Игор Ахба.

"Аиԥылара еиҿнакааит Москва иҟоу Аԥсны Ацҳаражәҳәарҭа. Уахь инаԥхьан акоронавирус зыхьуа рҟны аус заухьаз ҳџьынџьуаа-амедусзуҩцәа: Владимир Аргәын, Викториа Тарԥҳа, Мераб Арӡынба, Астан Мышәба, Едуард Быҭәба. Бжьаниа ирзеиҭеиҳәеит Аԥсны иҟоу аепидемиологиатә ҭагылазаашьа зеиԥшроу. Нас аҳақьымцәа рабжьагарақәа дырзыӡырҩит. Авирус аҿаԥҽра еиҳа хра аманы иҟаларц азы аԥкырацҵақәа алагалахоит", - иҳәеит Ахба.

Иара иажәақәа рыла абжьгарақәа ахәышәтәра апроцесси апациентцәа онлаин-режим ала аконсультациақәа рыҭареи роуп ирыҵаркуа. Ацҳаражәҳәаҩ иҳәеит ишалацәажәаз Москвантәи Аԥсныҟа амедусзуҩцәа ргәыԥ аарагьы.

Аслан Бжьаниа усутә ныҟәарала Москва дыҟоуп жьҭаара 26 раахыс.  Аслан Бжьаниа Москва иҟазаараан дырԥылеит Москва аус зуа Аԥснытәи амедицинатә усзуҩцәа.

Иара убас шәаԥхьар ҟалоит:

1

Џьергьениа аԥсыӡ ақәырҭ аҟьараан ахылаԥшразы: амлагәыр иацло иалагеит

1
Риҵатәи Амилаҭҭә ареликттә парк аҟны абнахылаԥшҩы хада Ҭенгьыз Џьергьениа арадио Sputnik аефир аҟны еиҭеиҳәеит аԥсыӡқәа ақәырҭ анырҟьо аамҭазы , урҭ реиқәырхаразы аҷаԥшьара шымҩаԥырго.
Џьергьениа аԥсыӡ ақәырҭ аҟьараан Риҵа ахылаԥшразы: амлагәыр иацло иалагеит

Жьҭаара 25 инаркны ԥхынҷкәын 10-нӡа аԥсыӡқәа ақәырҭ аҟьара иалагоит. Ари аамҭазы аԥсыӡкра азин ыҟаӡам.

"Аинспекторцәа, аиҳабацәа зегьы ҳазҿу ҳаԥсабара, ҳаԥсыӡ ахьчара ауп, ҳхәыҷқәа ирбартә еиԥш аус ҳуеит. Акалмаҳи амлагәыри ари аамҭазы ақәырҭ рҟьоит, аԥсыӡкра аанкыланы иҟоуп. Аҷкәынцәа уахынлагьы иҷаԥшьоит. Ҵыԥх амлагәыр ахьыҟоу 26 жрақәа ыҟазҭгьы, сынтәа иҵегьы иацлароуп ҳәа агәаанагара ҳамоуп. Иубаратәы иҟоуп ахылаԥшра амҩаԥгара ашьҭахь аԥсыӡ ишацлаз. Аԥҟарақәа рықәныҟәара иабзоураны ҳӡиасқәа рҟны аԥсыӡ аҽеиҵнахо иалагеит", - иҳәеит Џьергьениа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

1