Флаг Россия Абхазия

Урыстәылеи Аԥсни рзеиԥшекономикатә ҵакыра аиҿкааразы агәыԥ анапынҵақәа

7
Аслан Бжьаниа жьҭаара 10 рзы аусԥҟа инапы аҵаиҩит Аԥсни Урыстәылеи рзакәанԥҵарақәа реишьашәалара шьаҭас иҟаҵаны азеиԥш социал-економикатә ҵакыра аиҿкаара Апрограмма апроект азырхиаразы аусутә гәыԥ аԥҵазарц.

АҞӘА, жьҭаара 12 – Sputnik. Астратегиатә коммуникациақәа рзы Аԥсны ахада иабжьгаҩ Ренат Қарчаа арадио Sputnik аинтервиу аҭо далацәажәеит Аԥсни Урыстәылеи рзакәанԥҵарақәа реишьашәалара шьаҭас иҟаҵаны азеиԥш социал-економикатә ҵакыра аиҿкаара Апрограмма апроект азырхиаразы иаԥҵоу аусутә гәыԥ имҩаԥнаго аусурақәа ртәы.

"2014 шықәса абҵарамзазы Урыстәылеи Аԥсни рыбжьара нап аҵаҩын аусеицуреи астратегиатә партниорреи рзы Аиқәшаҳаҭра. Еишьашәалам азакәанԥҵарақәа рыпроблема иахьа ахы унарбоит. Уи гәыгәҭажьын уаанӡа. Аиқәшаҳаҭра инақәыршәаны иара иазоужьын хышықәса аамҭас. Ахыдҵақәа нагӡалатәуп, аиҳаракгьы аҳәынҭқаррабжьаратә еиқәшаҳаҭрақәа иаԥырҵо ахыдҵақәа", - иҳәеит иара.

Убри азы атәыла ахада Аслан Бжьаниа аусутә гәыԥ аԥҵаразы аусдҵа инапы аҵаиҩит.

"Акомиссиа иаусуроу ажәалагалақәа аус рыдулароуп. Иҟоуп урыстәылатәи аплан аверсиа, иҟоуп Аԥсны аиҳабыра рверсиа. Аха аплан акәым аус злоу. Ихадароу – аҵакоуп", - ҳәа иҳәоит Қарчаа.

Иара убри аан иазгәеиҭоит урыстәылатәи аплан ажәалагалақәак аԥсуа ган, аԥсуа уаажәларраҿы ишрыдрымкылаз.

"Арахь иаҵанакуеит аҳәаанырцәуаа еиҭамҵуа амазарақәа раахәара азин рыҭара азҵаара. Аурыс ган аенергетика, аенергетиказ азакәан урыстәылатәи аинвесторцәа Аԥсны аенергетикатә џьармыкьа алалараз ауадаҩрақәа рнаҭоны иахәаԥшуеит. Зынӡа ажәалагалақәа 46 ыҟоуп. Ара имаҷым Урыстәыла аасҭагьы Аԥсны аинтересқәа ззызрымоу апунктқәа", - ҳәа иҳәоит иара.

Аԥсни Урыстәылеи стратегиатә партнерцәақәак рыҳасабала азҵаарақәа рыӡбышьа амҩақәа рыԥшаауеит ҳәа азгәеиҭоит Қарчаа.

"Аԥсны иахьа аинвестициақәа, аџьармыкьатә економика аҿиара аҭахны иҟоуп. Абри аганахь ала азакәанԥҵара макьаназ иахәҭоу аҟны анеира акрагуп. Урҭ риашалатәуп", - ҳәа азгәеиҭеит иара.

Аусутә гәыԥ ахантәаҩыс даҭоуп ахада Иусбарҭа анапхгаҩы Алхас Кәыҵниа. Иара аилазаара жәаҩык рыла ишьақәгылоит. Арахь иҟоуп аекономика аминистр Кристина Озганԥҳа, аиустициа аминистр Анри Барцыц, Апарламент адепутатцәа, аполитикатә усзуҩцәа.

2014 шықәса абҵара 24 рзы Аԥсни Урыстәылеи рхадацәа рнапы аҵарҩит аусеицуреи астратегиатә партниорреи рзы аиқәшаҳаҭра. Иара инақәыршәаны иазыԥхьагәаҭан адәныҟатә политика аиуаныршәалара, атәылахьчареи ашәарҭадареи рзеиԥш ҵакыра аԥҵара иара убасгьы асоциал-економикатә зеиԥшҵакыра аԥҵара.

7

"Ковид" аԥырхагамхар: Гагра агәамсам аизгаразы атехника аахәара азыԥхьагәаҭоуп

1
(ирҿыцуп 15:40 29.10.2020)
Иазхоны иҟоу агәамсамеизакырҭа атехникеи аконтеинерқәеи раахәаразы 20 миллион мааҭ аҭахны иҟоуп.

АҞӘА, жьҭаара 29 – Sputnik, Бадри Есиава. Аԥхьаҟатәи акурорттә сезон азы Гагра агәамсам аизгаразы атехника аахәара азыԥхьагәаҭоуп акоронавирус апандемиа аԥырхагамхар, абри атәы Sputnik иазеиҭеиҳәеит Гагра араион ақалақьтә нхамҩа аусбарҭа аиҳабы Роман Чагәаа.

Иара иҳәеит иахьазы х-машьынак шракәу ирымоу, аха иахәҭаны иазыԥхьаӡоу ԥшьба-хәба шракәу.

"Асезон алагамҭаз амашьынақәа ҩба ракәын иҳамаз агәамсам ақәгаразы. Ахԥатәи амашьына аремонт азаауит. Аха урҭгьы азхом ақалақь арыцқьаразы аиҳарак аԥхынра аамҭазы. Ианамуӡа 4 ма 5 машьына ҳҭахуп. Иара убасгьы иаахәатәуп 400 цыра агәамсамҭаҵарҭақәа", - иҳәеит Чагәаа.

Чагәаа ишиԥхьаӡо ала иҿыцу атехника 3-4 миллион мааҭ иаԥсоуп. Иааидкыланы 15 миллион мааҭ рҟынӡа инаӡоит. Уи адагьы 5 миллион мааҭ рҟынӡа аинвентарь аахәатәуп.

"Ҳақәгәыӷуеит апандемиа шԥанымҵәари ҳәа. Иара убасгьы ҳгәыӷуеит апроблема аӡбразы атәыла аиҳабыра ҳацхраап ҳәа. Уи залмыршахар, абанк аҿы акредит гатәхоит, избанзар атехника ада ԥсыхәа ҳамам", - иҳәеит Чагәаа.

Акурорттә сезон аан агәамсам Гагра инахыкны иҟоу аполигон ахь иганы икарыжьуеит, мышкала 15-20 реис ҟарҵоит. Ари аполигон ахь инаргоит Гәдоуҭа араион аҿтәи агәамсамгьы. Ацрыҵқәа атехника ҷыдала анышә иарҭоит, агәамсам аус еиҭадулара ахьзалымшо азы.

1

Гоԥиа: аԥсшьаҩцәа атур ҿыцқәа рҭахуп, ҳаргьы ирыдаҳгалаша ҳамоуп

9
(ирҿыцуп 15:42 29.10.2020)
Аныҟәарақәа рымҩаԥгаҩ Денис Гоԥиа арадио Sputnik аефир аҿы иҳәеит аԥсшьаҩцәа рзы ҿыц еиҿыркаауа атурқәа зхылҿиаауа атуристцәа рҭахрақәа шракәу.
Гоԥиа: аԥсшьаҩцәа атур ҿыцқәа рҭахуп, ҳаргьы ирыдаҳгалаша ҳамоуп

"Амандарин аҿалара ианалагалак Урыстәылантә арахь ирацәаҩны аԥсшьаҩцәа аауеит. Иҟоуп атурфирмақәа Аԥсны "амандаринтә тур" ҳәа иахьырбо. Ҳара заа амандаринатә баҳчақәа змоу ҳрацәажәоит аԥсшьаҩцәа ҳаманы ҳашнеиуа ала. Аԥсшьаҩцәа рнапала амандарин ҿырхуеит, агьама рбоит, абаҳчаҿы афотоҭыхымҭақәа ҟарҵоит. Анаҩс урҭ асоциалтә даҟьақәа рҿы иӡырыргоит, уи акыр иацхраауеит Аԥсны аӡбахә аларҵәаразы. Уи збо ҳтәылахь аара иҭаххоит. "Амандаринатә тур" адагьы иҟоуп аџьырмыкьахь игоу аныҟәарақәагьы, ҳмилаҭтә чысқәа: аџьынџьыхәа, алаҳарҩа, аҵәарҩа, ахьырҭиуа аҭыԥқәа рҿы инеиуеит, ирзеиҭаҳҳәоит уи заку. Аԥсшьаҩцәа атур ҿыцқәа рҭахуп, ҳаргьы ирыдаҳгалаша ҳамоуп", - ҳәа еиҭеиҳәеит Гоԥиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

9